Bib sou entènèt

Lûk 11:13 - Mundani

¹³ Tè bɨ̀a wàa bɨ̀ wu bòt kàbɔ̀ŋ la, e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa Fo Kèfə abua bòt bɔ lo̧ abua tò la tè ntsě?

Gade chapit la Kopi

tounen moute ⬆

Lûk 11:13
30 Referans Kwoze

Matìù 7:11

Tè bɨ̀a wàa bɨ̀ wu bòt kàbɔ̀ŋ la e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa èghɨ mbɔŋ abua bòt bɔ lo̧ abua tò la tè ntsě?

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Lûm 8:32

Tè tò wu tà li tà kà shuulè waã vi, ŋa tò nê tà pfə ambo ya bàgème la, ka mèe ŋa awa èghɨ ko tsa mbɨ̀Ꞌɨ̀ tà ŋa waã vi la à?

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

Matìù 6:14

À waꞋa èfaãnəè bòt, ko tǎt wè wu a ègwet la naa waꞋa e bê mɨ̧̂.

Matìù 6:32

Bòt kà wu bòt Mbɔ̧ɔ̧mà ka bɔ̀ɔ ndèbà ènyit yɔb ane ànəa èghɨ bàa la. Tǎt wɨ̧ wu a ègwet la ko nê bɨà nkɨ̀ŋkà èghɨ mbɔŋ ègème.

Lûk 11:2

Yesò shu abua yɔb nê, “Ye ndɨ bɨ̀a me tsàꞋte la: ‘Tǎt wa wu a ègwet la leꞋ, Ghɨa bòt è kukte èlen lê Ghɨa Kèfɔ̧̀ wê kɨꞋɨ,

Matìù 6:30

Tè Mbɔ̧ɔ̧mà wu ewèè mèfəèꞋ mu a èbemebàꞋ la anè, e mu àa ngɨ̀ à ye laane wàa, ètsəꞋ e me tsi bɔ to̧ maꞋa èwet la, è me wu awɨ̧ tà kà ghɨ̂ ale tè ntsě? Bɨ wu kwàꞋ bòt àlȩ̀ȩ̀tè a màndzia mèntɨ̧ɨ̧ mɨ̧ ane Mbɔ̧ɔ̧mà.

Matìù 5:45

Bɨ̀ ghɨ̀ ale, mbɨ̀Ꞌɨ̀ ewu bɔ̧ tǎt wɨ̧ a ègwet. Tàà ngɨ̀à nyèm tea a ègwet bòt kàbɔ̀ŋ nè èbe ntsɔ̧̀, mè ntsàà mbɨ̀ŋ è lua a ègwet bòt mènəè ntsɔ̧̀ nè bòt mènəè kàbɔ̀ŋ.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Lûm 7:18

Mâ ko nê àghɨa ntsɔ̧̀ àko a ntsě ane yaã mmɔ̌ wɔ̀bȩ̂. Maà nkɔ̀ŋkà a màngɨa ntsɔ̧̀, ka è nka wua nkòâ ngɨ̀à wùà.

Lûm 5:17

È wu nê kàbɔ̀ŋ wòt wemɔ̀Ꞌ li ngɨ̀ èvə e kɨꞋɨ adù̧ wòt ègème, ko àghɨ yu wekǒ nè wòt li ngɨ̀ la, a tsè àyea mbɔŋ nyaŋ. Tà li ngɨ̀ nê bòt bu bàgème tà nyɨꞋte a ntsɔ̧̀ vi ànyaꞋne abua yɔb, bɔ mè ntsìꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, è bɔ mèmpème kàlìà, me ntsè àghɨ àgème, nkàà àghɨa Yesò Klistò è ghɨ̀ la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Lûk 11:12

Kò wòt naa və ane yɨ̧ waã tò lò̧a èbu̧nkɔ̀Ꞌ ko tàa ŋa tò ànkàfuŋ la leè?

Lûk 18:7

Tè a wu anè ko bɨ mɨɨtè nê betsiꞋa Mbɔ̧ɔ̧mà kà laŋkè mènəè bòt bi bu tà làà wɔb bɔ̀ɔ ndɨ̀à mènəè mɔb abua tò àli àgème la à?”

Swiv nou:

Lyen patwone

Piblisite

Piblisite