Lûk 10:37 - Mundani

³⁷ NyɨꞋtà mbɨ̧te Musì wu bɨ̀ɨ̀lè èngǎ̧ Yesò nê, “Wu wòt wu tà lè nyɨꞋte a ntsɔ̧̀ abua ŋut la.” Yesò bɔ̂ mè shu abua tò nê, “E bùꞋ àfɨ̀Ꞌ yaa ghǎ me ghɨ̌ a èlɨ̀ ngaa.”

Lûk 10:37 Referans Kwoze

1 Pità 2:21

Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.

2 Kɔlìn 8:9

Bɨ ko ndɨ Yesò Klistò Lefɨ̀Ꞌ wa li nyɨ̀Ꞌte a ntsɔ̧̀ vi abua ya la. Tà li ngu wòt nè èghɨ bi, ka nga ambo yɨ̧ ntsìꞋi wòt kà ye àghɨa zi. Tà li ngɨ anè mbɨ̀Ꞌɨ̀ bɨa tsiꞋi bòt bɔ bɔ àyɔb la a mbì Mbɔ̧ɔ̧mà.

Matìù 23:23

“Aa li bɨa wɨ̧ bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la! Bɨ̀a ngɨ̀ bɨ ghàbtè èghɨ mbȩ bɨ̧ ane èdzìꞋ èghem eghǎ wu ka wuê ane tèfɔbtsə ŋǎ èghab Mbɔ̧ɔ̧mà, ka mbɔ̂ ntû̧ e ghɨ̌ ngule èghɨ bu mbɨ̧te Mbɔ̧ɔ̧mà tèa shua la. Teà shua nê, wòt me ghɨ̀ mènəè ndɨŋndɨ̀ŋ ane bòt ko, nkua tèsȩte bòt mè ndzìà èntɨ̧ɨ̧ vi wuê ane Mbɔ̧ɔ̧mà. Eyaa wu èghɨ bɨ bɔ ndɨ bɨ̀a ghɨ̀ ka waꞋa èbeko bu la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Lûk 10:36

Yesò me paate èngǎ̧ vi mbììte atò nê, “Ane mèmɨ̀ɨ̀te mê, wàa ane bòt baa batat la le ghɨ̂ mbɨ̀Ꞌɨ̀ ngule wanyɨ wòt wu bètsɔŋ è le baãaã atò la à?”

Lûk 10:38

Mbɨ̀Ꞌɨ̀ Yesò bɔ̂ bɔkatè bi è bela ngȩ̀ȩ̀nà la, Yesò kɨꞋɨ̀ ndzəè àpfəè ako, àvi ko bɔ̀ɔ ntɔ atò nê Màta la tsɔꞋɔ lob zi abua tò.