Lûk 10:20 - Mundani

²⁰ Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Lûk 10:20 Referans Kwoze

Ètsə 20:15

Bɔ nɨ a waa waa èlen tò è le kaꞋa wu a èbem àkata mèmpème yu la, maꞋa a èbem èlemè wu nkòòla la.

Ètsə 20:12

E mè ndze bòt bɔ li mpfəèꞋtê la, bɔjûŋ nè bɔ̀techɨɨle, bɔ tɨ̧ɨ̧te a mbì àtɨ̧a kèfɔ̧̀ yu. Bɔ ghaꞋa èkatè ko. Bɔ ghɨ̀ ale, mè ngaꞋa àyea ko nè àkatè, è wù àkatè mèmpème la. Bɔ ghaꞋte èkatè bu saꞋa bòt bu bɔ li mpfəèꞋtê la ane mènəè bɔ li ngɨ̀ la.

Ètsə 21:27

Ka àghɨa kàbɔ̀ŋ ko àa li nyi a èbèm la à ka wuê, fɔɔle nê bòt bɔ̀ɔ ngɨ̀à èbɨꞋte mènəè, kò fɨ̀ta la leꞋ. Bòt bu bɔ li shɨ tèlen tɔb a èbem àkatè mèmpème Wanjɨ̀ wu la, ka bɔ̀ɔ li e nyi a èbem àpfəèà nɨ̧ a mbɔŋ la.

Ebùlù 12:23

Bɨ kɨꞋɨ àdziꞋa bòt bu bɔ̀ wu mbɨꞋɨ̀ bɔ̧ mbì Mbɔ̧ɔ̧mà bɔ shɨ tèlen tɔb a ègwet la, e bù̧ù̧tè la. Bɨ kɨꞋɨ abua Mbɔ̧ɔ̧mà wu tàa saꞋa wòt ègème la, mè nkɨ̀Ꞌɨ̂ abua bòt mbì bu bɔ li ngu bòt ntsɔ̧̀, Mbɔ̧ɔ̧mà ghɨ̀ àwɔb bɔ tsiꞋi àghɨa tàa nkɨà nê bɔ̀ wu yùà la.

Ètsə 3:5

Wòt kùùla èntɨ̧ɨ̧ vi nùà tè ntsèà, ko tàa li kwaã ndìte kèfə, è nka mè ngu tsì èlen tò a èbem àkata mèmpème. Maa li mě tɨ̧ɨ̧ a mbì Tǎt am nè bɔntu̧ bi e shu nê tà wu wòt am.

Filìpȩ 4:3

Mè me shu abua yê, shu̧ yaã wafàꞋ ba nè àa fàꞋà nɔ̂ la nê, à tɨŋe bèzi baa mpaâ nèètè ànəa yɔb. Ba tò ba nè Klemin, nè bòt ko bu bàgème bɔ li ngua nkùŋà àwa la e li ntaꞋa fàꞋà a màntsɔta Ntu̧ Ntsɔ̧̀. Mbɔ̧ɔ̧mà shɨ tèlen tɔb bɔ̀ɔgème a èbem àkata mèmpème.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Matìù 10:1

Yesò li ntɔ bɔkatè bi bu ntsɔ̀b babe la àdzìꞋ yeamɔꞋ ŋà àwɔb àtɔŋ ndɨ bɔ̀ɔ nɨ efəâ fote kàbɔ̀ŋ ane bòt e mě bə èghɔ̧ nè èlɔꞋ ègème la.

Matìù 26:24

Waã Wòt naa pfə wuê mbɨ̀Ꞌɨ̀ bɔ shɨ a èbem àkata Mbɔ̧ɔ̧mà la, ka aa li bɨɨ àbâ wòt wu tàa fɨ̧̀ɨ̧̀ne atò la. A li mbɔ̀ŋ ko bɔ li bɔ̀ kà lem mbia ŋut.”

Matìù 27:5

Judàs zə ale, màꞋà èkwȩkab bu a si a èbem lob nɨ̧ Mbɔ̧ɔ̧mà ndzəè ngà tɨ̀ŋnè.

Ètsə 17:8

Nyà̧mɔ̀Ꞌ mbɔŋ à li ndze la li ndzaã ngu yu̧, ka nè àfɨ̀Ꞌ yaa tà te ntsě yu̧. È bele nyaŋe edzəâ a èbem ebɨ lu kà ye ndìa la, eghǎ bɔɔ bùŋè atò. AfɨꞋa bòt sitsǎꞋ bu bɔ̀ le kaꞋa shɨ tèlen tɔb a èbem àkata mèmpème a mèmbùꞋu ngɔ̀ŋ la àa ye nyà̧mɔ̀Ꞌ yu la, aa taꞋa tsè àwɔb, nkàà nê tà li ndzaã ngu yu̧, ka nè àfɨ̀Ꞌ yaa tà kà tsi ngu yu̧, mbɔ̂ ngu è li e mě kɨꞋɨ.