Lûk 10:17 - Mundani

¹⁷ Mbɨ̀Ꞌɨ̀ bòt bu èghem yesà̧à̧mbe ntsɔ̀b babe e ghà te nkùà la, bɔ wùꞋtè àwɔb, è shu abua Yesò nê, “Tê, ka wuê fote kàbɔ̀ŋ te wua ŋǎ bòt ngoꞋ la, te zə awa ndzəè ane bòt mbɨ̀Ꞌɨ̀ ba ŋwète a mbɨ̧̀ tɔb shu abua yɔb nê, tè dzəa ane bèŋût ane èlen lê la.”

Lûk 10:17 Referans Kwoze

Lûm 16:20

Mbɔ̧ɔ̧mà wu tàa ngɨ̀à baa bɔ àlàŋkè la, bele yàŋe tsòkè mètàŋ Satàn, e ghɨ̌ tàa tsiꞋi a èten lɨ̧̂. Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧.

Ntu̧ Ntsɔ̧̀ MAK 16:17

Bòt bu bɔ bɨ̧ɨ̧ne la aa bɔ èlȩê baa: Bɔɔ nga me enɨ èlen laã fəèà fote kàbɔ̀ŋ, mè ndàꞋà èwuu ndɨ̧te ko tsa tsa.

Lûk 9:1

Yesò tɔ bɔkatè bi bu ntsɔ̀b babe la àdzìꞋ yeamɔꞋ, ŋà àwɔb mètàŋ nè àtɔŋ bɔɔ me nɨa fəèà fote kàbɔ̀ŋ ane bòt, mè mbəa èghɔ̧.

Lûk 10:1

Yesò Lefɨ̀Ꞌ li ntsèke tè ndàà bɔkatè ko èghem yesà̧à̧mbe ntsɔ̀b babe nɨŋ nkwèꞋnè ane bɔkatè bi bu èghem ntsɔ̀b babe la. Tà ghɨ̀ ale, ntsàà àwɔb babe babe a mbì, a èpfəè nɨ̧ ègème nè èdziꞋ ègème tà bɔ̂ ndɨ yèa ghǎ la,

Lûk 10:9

mbəâ bòt àghɔ̧ àpfəè və, è shu abua bòt nê, ‘Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧’.

Matìù 4:24

Àndǎ tò a ghà a èdziꞋ ègème a èbem àlaꞋ və fɔ̀ɔ̀le a èbem Silìà ègème. Bòt e zə ale, nɨ bòt tèwuute èghɔ̧ tègème, nɨŋ nkɨ̀Ꞌɨ̂ abua tò tà bə awɔb. Bòt ènyit saa e li ngu ayɔɔ bòt baa, nè bòt fote kàbɔ̀ŋ, nè èbe èghɔ̧ màkwena, fɔ̀ɔ̀le ne èbe èbâ ènyit bɔb è pfəꞋte la.

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Efesɔ̀s 5:24

Ale, bèzi è me zə bèlu̧ bɔb ane balu̧ bàgème wuê mbɨ̀Ꞌɨ̀ chɔsì nàa ndzəa Yesò Klistò la.