Lûk 1:78 - Mundani

⁷⁸ ndɨ̀ wu tà wu mbɔɔlà wòt, mè ngu mànkua tèsȩ la. Taa li ghɨ̌ mèmpème mi naa saꞋa ane ya mbɨ̀Ꞌɨ̀ nyèm ntɔtetsɔ̌Ꞌ è saꞋa a ègwet la,

Lûk 1:78 Referans Kwoze

2 Pità 1:19

Àyaa a ghɨ̂ ba paa nko nê èngǎ̧ bèndàꞋàtɔŋ Mbɔ̧ɔ̧mà e li ndàꞋ la wu nkûŋ. Bɨ̀ baãaã èngǎ̧ mbɔŋ ntsɔ̧̀. Aà mbɨ̀Ꞌɨ̀ èkaꞋà àa mbàŋà bòt a èbem ndzěm la. Ale, bɨ̀ baãaã wùà ntsɔ̧̀ tè ètsəꞋ è tsi bɨ̀ ye èkaꞋà Yesò Klistò mbèꞋa a mèntɨ̧ɨ̧ mɨ̧̂. Aa wu mbɨꞋɨ̀ sàŋ yu nàa ngɨ̀ è saꞋa ntɔtetsɔ̌Ꞌ ka àbȩ a zìꞋ mpaa ghaꞋte la.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

Filìpȩ 2:1

Mâ ko nê ndɨ̀ wu bɨ Yesò Klistò ba è tsiꞋi àghɨ yeamɔꞋ la, tàà ndɔ̀ktà mèntɨ̧ɨ̧ mɨ̧, mèntɨ̧ɨ̧ mɨ̧ mè me fi nkàà nê tàà nkɔ̀ŋkà àwɨ̧. Mâ ko mɨ̧̂ nê bɨ Fo Mbɔ̧ɔ̧mà ba e tsiꞋi àghɨ yeamɔꞋ, bɨ mè me kɔ̀ŋkè bɔnyɨ bɨ̧ ndɔ̀Ꞌ nkua tèsȩte waa waa.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

1 Jɔ̌n 3:17

Wòt bɔ èghɨ nyaŋ a ngɔ̀ŋ ŋaa, wanyɨ tò wu ane mbuŋ, tà tu̧ eku tèsȩte tò etɨŋe atò, ŋut ghɨ̀ nà ka mɨ̀ɨ̀tè nê yea nkɔ̀ŋkà Mbɔ̧ɔ̧mà à?

Filìpȩ 1:8

Mbɔ̧ɔ̧mà è ko nkûŋ nkûŋ nê, maa ndâ nkɔ̀ŋkà àwɨ̧ nè èkɔŋ wu e dzəa abua Yesò Klistò zìa mbɔŋ la.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.