Jimsì 5:6 - Mundani

⁶ Bɨ saꞋa wòt kà fâ̧ ànəê nê tà kwen, mbuŋe atò, tà kà lem mbɔ̀ èlu̧ tàa ŋwèèle etu̧u̧ la.

Jimsì 5:6 Referans Kwoze

Jimsì 4:2

Bɨ̀a ngɨ̀ bɨ̀ kɨ àghɨ bɨ̀ baka bɔŋ, bɨ bùŋè wòt. Bɨ̀ mee bɨ̀ ghòꞋne àghɨ bɨ̀ baka bɔŋ, bɨ me yɔ̌ mè nùà mèbet. Bɨ̀a ngɨ̀ bɨ̀ me baka bɔ àghɨ ale, è wu ndɨ bɨ̀ baka lo̧ abua Mbɔ̧ɔ̧mà la.

ÀfaꞋa 8:32

ÀdziꞋa èngǎ̧ yu tà li ngua ntɔ a èbem Àkata Mbɔ̧ɔ̧mà yu la a li ngua shua nê, “Tà li ngu mbɨ̀Ꞌɨ̀ njɨ̀ bɔ̀ɔ nɨa atò nga ekɨ̧ɨ̧me la, mè ngu mbɨ̀Ꞌɨ̀ wanjɨ̀ bɔ̀ɔ ndoota nyemte tò kà tà wua ŋȩ̀a la. Tà li tà kà bê shu ànəê.

Matìù 5:39

Ka e ngua shua wɨ̧ nê, wòt ka mvəè èsiꞋ ane wòt tà ghɨ atò a kàbɔ̀ŋ la. Wòt dèbè ngòꞋ àbâ àbualu̧ ayê à gheble ye kǒ tà dèb.

Ebùlù 10:38

Mbɔ̂ bòt bɔ̧ bu bɔ̀ɔ ngɨ̀à mènəè ndɨŋndɨ̀ŋ la aa peme nkàà èntɨ̧ɨ̧ wu bɔ zi ane yaã la. Ka wòt tà tsǐ èntɨ̧ɨ̧ vi ane yaã la, ba tò è ka tsi wu ane ntsɔ̧̀ a.”

ÀfaꞋa 22:14

“Tà mè nê, ‘Mbɔ̧ɔ̧mà bètǎt nyaꞋ ba è lȩ̀ awê nê à ko àghɨa yèa nkɨà la, mè ndzè ngule Waã vi tà tɨ̧ɨ̧ ndɨŋndɨ̀ŋ a mbì li la, ndɔ̀Ꞌ ndzə atò ndaꞋa ane azi ne àtɔŋ la.

Jimsì 2:6

Ka bɨa ngwàa bòt ntseb, awɨ̧ bɔ̂ ngua ngɨ̧̀ɨ̧̀nà bòt èkab. Wu bɔ̀ɔ̀ba ka bɔ̀ɔ səèŋnà wɨ̧ nɨ̀a nga a èbem lob èsaꞋa la.

ÀfaꞋa 7:52

Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.

Matìù 27:20

Bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ Bèjuê e mè ŋwèèlè ènɔ̧̂ bòt bu nê bɔ ghɨa Pȩlèt èsa Bàlabasì mbɔ̂ bùŋè a Yesò.

Matìù 21:38

“Mbɨ̀Ꞌɨ̀ bɔ ye atò la bɔ nê ‘Ye njɨlob mbê wu, bɨ̀ kɨꞋɨ bà bùŋa tò mbɨ̀Ꞌɨ̀ ejɨ èbaꞋa tǎt tò.’

1 Pità 4:18

Àkata Mbɔ̧ɔ̧mà a laꞋnê, “A chɨɨme ngu me kweele bòt bu bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la a mànyia kèfɔ̧̀ tò, ko àa wu na ane bòt kàbɔ̀ŋ bu bɔ̀ɔ ka kuŋe balu̧ tò la à?”