Jimsì 2:25 - Mundani

²⁵ Wu wuê a èlɨ mbɔŋ àvi wu tà li ngua njɨ̀a àbȩ la, e wu èlen tò li ngu Leghàb la li nyɨ̀Ꞌte nê ye tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà àghɨa tà li ngɨ̀ la. Tà li nɨ bɔntu̧ Bèjuê ndì àwɔb, ndɔ̀Ꞌ nyɨ̀Ꞌte awɔb alu̧ tsǎ bɔ tse adù̧ ndùùlà.

Jimsì 2:25 Referans Kwoze

Ebùlù 11:31

Èntɨ̧ɨ̧ wu ghȩ̀ȩ̀nè ghȩ̀ȩ̀ne wu èlen tò li ngu Leghàb la li ndzi ane Mbɔ̧ɔ̧mà la, e li ngɨ̀ tà bà̧à̧ bɔntu̧ bu bòt Izəèlȩê e li ntsàà bɔɔ kɨꞋɨ eye abot egha shu awɔb la ntsɔ̧̀. Àyaa a li ngɨ̀ bɔ̀ ka bùŋe atò ayɔɔ bòt bu bɔ li ngua nkwèèla àtsə abua Mbɔ̧ɔ̧mà la.

Matìù 21:31

“Yesò làꞋ ale mbɔ̂ mbììte nê ane bɔ̧ bàa babe la wàa li ngɨ̀ àghɨa tǎt tò li ngua nkɨà nê tà ghɨa la à?” Bɔ bɨ̀ɨ̀lè nê “Èwe mbì.” Ale, Yesò shu abua yɔb nê “Ane nkûŋ tsiꞋ è shua wɨ̧ nê, bèfetà èkab taksì nè bèghȩ̀ȩ̀nè ghȩ̀ȩ̀ne aa pààtè àwɨ̧ wàa e nyi a Kèfɔ̧̀ Mbɔ̧ɔ̧mà.

Matìù 1:5

Sàlemun lè wu tǎt Boà wu nyɨ̌ tò lè wu Leghàb la, Boà wu tǎt Obèd wu nyɨ̌ tò le wu Luêt la. Obèd lè wu tǎt Jesì,

Jimsì 2:22

Bɨ ye nê èntɨ̧ɨ̧ wu tà li ndzi ane Mbɔ̧ɔ̧mà la e li ngua ngȩ̀ȩ̀nà bɔ̂ èfaꞋa tò nɔ̂. Àghɨ yu tà li ngɨ̀ la a li ngɨ̀ èntɨ̧ɨ̧ wu tà li ndzi ane Mbɔ̧ɔ̧mà la e tsiꞋi àghɨ.

Jimsì 2:18

Wòt kǒ naa laꞋnê, “A zi èntɨ̧ɨ̧ wê ane Mbɔ̧ɔ̧mà, e me fàꞋa èfaꞋa ntsɔ̧̀.” À bɨ̀ɨ̀lè am wu nê “NyɨꞋte am èntɨ̧ɨ̧ wu à zi ane Mbɔ̧ɔ̧mà la, è nɨ èfaꞋa ntsɔ̧̀ bɔ̧ nyɨ̀Ꞌte awê èntɨ̧ɨ̧ wu mâ zi ane Mbɔ̧ɔ̧mà la.”

ÀfaꞋa 17:7

tè Jasɔ̀n nɨ̀ àwɔb nɔŋe a lob zi. Bɔɔ̀ mbea ŋɔ̀Ꞌta mbɨ̧te Empelɔ̀ Luêm è shua nê, fɔ̧̀ kǒ tsa nàà və, èlen tò wu Yesò la.”

Jimsì 2:24

Bɨ ye àfɨ̀Ꞌ yaa nê, àfaꞋa wòt aà nyɨ̀Ꞌta nê tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà kà wu wuê màndzia èntɨ̧ɨ̧ ane Yesò.