Jimsì 1:14 - Mundani

¹⁴ Ka kàbɔ̀ŋ nàà nkɨ̀kà wòt ègème àfɨꞋa àghɨa èntɨ̧ɨ̧ tò àa nkɨà la, a sə atò ndzia a si la.

Jimsì 1:14 Referans Kwoze

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Matìù 15:18

Èghɨ àa ndzəa ètsəê wòt la, e kɔꞋɔ nè èntɨ̧ɨ̧ tò. Àyea mbɔŋ ka àa ntsòkà wòt e mbì Mbɔ̧ɔ̧mà la.

Ebùlù 3:13

Ka bɨ̀ me tɨŋe bɔnyɨ bɨ̧ àlia àgème, mbɨ̀Ꞌɨ̀ bɨ̀ bela ndzəa èngà̧ wu nê “Laane” la, mbɨ̀Ꞌɨ̀ ka wòt kǒ ghɨ a kàbɔ̀ŋ è kubte èntɨ̧ɨ̧ tò tà tsiꞋi me kweelè àtsəa abua Mbɔ̧ɔ̧mà.

Lûm 7:13

Tè àa ně ngua shua nê àghɨa ntsɔ̧̀ a nɨ èvə nkɨ̀Ꞌɨ̂ adù̧ yaã? ChaꞋ, a ntsě ale. È li ngu kàbɔ̀ŋ è nɨ àghɨa ntsɔ̧̀ ka ngɨ̀ èvə e kɨꞋɨ̀ adù̧ yaã la. Kàbɔ̀ŋ li nɨ mbɨ̧, è wu àghɨa ntsɔ̧̀ la ngɨ̀ èvə e kɨꞋɨ̀ adù̧ yaã mbɨ̀Ꞌɨ̀ bɔɔ ye ngule àghɨa kàbɔ̀ŋ wu yùà la. Ale, mbɨ̧ ghɨ̀ bɔ paa ndze ndɨ kàbɔ̀ŋ nàà mbɨ̀a la.

Matìù 5:28

Ka e ngua shua wɨ̧ nê, wòt tà ye àvi mɨ̀ɨ̀tè nê ye wu paꞋte atò la, è jɨ̀ àbȩ bɔ̂ tò a èntɨ̧ɨ̧ vi tè ndɔ̀Ꞌ.

Lûm 7:11

Kàbɔ̀ŋ è nɨ èlu̧ a èbem mbɨ̧ è fɨ̀te am, ngɨ̀ e mpfə.

Matìù 15:20

Eyaa wu èghɨ àa ntsòkà wòt e mbì Mbɔ̧ɔ̧mà la, mànjɨa èghɨjɨ kà shuu èbu aà kà tsòke wòt a mbì Mbɔ̧ɔ̧mà.”

Matìù 4:1

AfɨꞋa mbɔŋ, Fo Mbɔ̧ɔ̧mà nɨa Yesò nkɔꞋ ngà àbâ àlaꞋ àyuube, Satàn naa taãaãte atò.

Jimsì 1:13

Wòt, kwen a èbem àkɨ̀kè tà ka nê a vi kɨ̀kà Mbɔ̧ɔ̧mà nkàà nê Mbɔ̧ɔ̧mà nàà kà kɨke wòt.

Jimsì 1:15

Àghɨa ngaa a ghɨ̀ à lu̧u̧ a èntɨ̧ɨ̧ tò, è tsìꞋi dzəâ kàbɔ̀ŋ. ÀfɨꞋa kàbɔ̀ŋ ngaa ghe la, è nɨ̀ èvə nɨŋ nkɨ̀Ꞌɨ̂.