Bib sou entènèt

Jimsì 1:1 - Mundani

¹ Letà Jimsì wafàꞋ Mbɔ̧ɔ̧mà bɔ̂ Yesò Klistò Lefɨ̀Ꞌ, Abua bòt Mbɔ̧ɔ̧mà bu bɔ taatè me tseke a èdziꞋ èdziꞋ a ngɔ̀ŋ ŋaa la. Maà ntsàꞋtà àwɨ̧.

Gade chapit la Kopi

tounen moute ⬆

Jimsì 1:1
41 Referans Kwoze

1 Pità 1:1

Letà Pità, wantu̧ Yesò Klistò, Abua bòt Mbɔ̧ɔ̧mà bu bɔ taa awɔb bɔ sàbtè ntsìꞋa ntsèkâ mbɨ̀Ꞌɨ̀ bègɨ̧̀ a Pontùs, nè Gàlashìà, nè Kàpàdosìà bɔ̂ Esìà nè Bìtinìà la.

Jɔ̌n 7:35

ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb?

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

ÀfaꞋa 26:7

Eyaa wu èghɨ mbɔŋ bu Mbɔ̧ɔ̧mà li nkàꞋ abua lətelob Izəèlȩê tu èghem ntsɔ̀b tebe nê bɔɔ li ebɔ mbɨꞋɨ̀ bɔ̀ɔ ngùꞋtà àvi a nyèmtèsi nè tètsɔꞋ la. Fɔ̧̀ Aglipà, Bèjuê e kɨ enɨ àtsə am anè ngu ànəa ntɨ̀ ngaa ba tò ba e bɔ la.

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

ÀfaꞋa 15:13

ÀfɨꞋa bɔ paa èngǎ̧ wɔb la, Jimsì lɔ̀Ꞌɔ a si nê, “Bɔnyɨ bɔ̧, bɨ̀ yute èwɔ̧ ne èngà̧.

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

ÀfaꞋa 21:18

ÈtsəꞋ e tsi, Pɔ̂l nɨ̀ awa nê bà gha ndzea Jimsì. Bɔɔjuŋ ayɔɔ bòt Yesò bu e li ngu a si bàgème.

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Matìù 19:28

Yesò shu abua yɔb nê, “Ane nkûŋ, tsiꞋ è shua wɨ̧ nê, naa li ngu àfɨꞋa Waã Wòt tseke a ègwet àtɨ̧ a kèfɔ̧̀ yu Mbɔ̧ɔ̧mà tsia ane ngɔ̀ŋ fi la, bɨ̀a wu ntsɔ̀b babe bɨ̀a nkùŋe am la e tsekè a ègwet ètɨ̧ kèfɔ̧̀ èghem ntsɔ̀b bebe, e me saꞋa èndǎ̧ bòt Izəèlȩê bu èghem ntsɔ̀b bebe la.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Filìpȩ 1:1

Letà Pɔ̂l bɔ̂ Tɔ̀màtià bɔfàꞋ Yesò Klistò, Abua bòt Mbɔ̧ɔ̧mà bu bàgème a Filìpȩ bɔ̂ Yesò Klistò ba è tsiꞋi àghɨ yeamɔꞋ la. Ba shɨa fɔ̀ɔ̀le abua bɔɔjuŋ nè bèdikɨ̀n bu ayɔɔ yɨ̧ la.

Gàlashìà 2:12

A li me wu ale ngu nê bòt ko Jimsì li ntsà la e li me laꞋ nê bɔɔ̀ nkɨ̀Ꞌa abàꞋ və, tà ko nê yea njɨ̀a èghɨjɨ bɔ̂ bòt kà ko a Mbɔ̧ɔ̧mà, ka àfɨꞋa bɔ kɨꞋɨ la tà tsì àvi ayɔɔ, ntsìꞋa nkua kwèn kwèn. Tàà ngɨa ale nko nê ye bɔɔ bòt bu bɔ li ngua shua nê bɔ̀ me naŋe bòt Yesò bàgème la.

Gàlashìà 1:19

Mâ ghà ale, e nka ye wantu̧ Yesò kǒ tsa ka nè Jimsì wanyɨ Tè Yesò.

ÀfaꞋa 15:21

Ngu nê ebuꞋu te àlia mbì bɔ taꞋa wua ntɔ mbɨ̧te Musì a èbem lobte Mbɔ̧ɔ̧mà àliapfəè Bèjuê àgème mè mbèla ntɔ wuê tùà a èpfəè nɨ̧ ègème.”

ÀfaꞋa 1:13

Bɔ ghà ale nkɔꞋ nga àtsəa lob a ègwet yu bɔɔ wua ndìa a èbèm la. Bɔntu̧ baa li ngu Pità, bɔ̂ Jɔ̌n, nè Jimsì nè Andùlù, nè Filìb bɔ̂ Tɔmasì, nè Bàtòlomiò nè Màtìù ndɔ̀Ꞌ nè, Jimsì waã Alfeɔ̀, bɔ̂ Simùn wu tà li ntàꞋa wua nùà mènəè àlaꞋ la, nè Judàs waã Jimsì.

Matìù 13:55

Tè eyaa ntsě waã kapentà wuù? Ka Màlià wu nyɨ̌ tò à? Ka Jimsì bɔ̂ Jòsêb nè Simùn bɔ̂ Judàs wu bɔnyɨ tò à?

ÀfaꞋa 12:17

Tà mɨ̀Ꞌtè àbu azi nê bɔ̀ ka tsi ndàꞋ, mbɔ̂ shu awɔb ndɨ Mbɔ̧ɔ̧mà è ghɨ̂ ka ntsì àvi a tèfȩ la. Mbɔ̂ mè nê, “Bɨ̀ shu a Jimsì bɔ̂ bɔnyɨ ba ko bu nê, mâ dzəè a tèfȩ tu.” Mbɔ̂ ngà adzìꞋa tsa.

Ètsə 7:4

Bɔ ghɨ̀ ale, shu am kèmpà̧ bòt bu bɔ zi èlȩê a mèsi mɔb la nê, wu bòt bètɔsì ènkɨ̀ nè èghem yekwì ntsɔ̀b bakwì. Bòt mbɔŋ e li ndzəè a èndǎ̧ bòt Izəèlȩê bu ntsɔ̀b bebe la. Bòt bètɔsì ntsɔ̀b babe bɔ zi èlȩê a mèsi mɔb la, e li ngua ndzəa a èbem àndà̧ yeamɔꞋ.

ÀfaꞋa 2:5

Bèjuê è le wuê a Jèlusalèm, bòt bɔ̀ɔ̀ nkùkta Mbɔ̧ɔ̧mà bɔ dzəa èlaꞋ ègème a ngɔ̀ŋ ŋaa la.

Lûk 22:30

Bɨa li jɨ e mě nu ne nà̧ àfɨꞋa màa li tseke a ègwet àtɨ̧ kèfɔ̧̀ am la. ÀfɨꞋa mbɔŋ bɨa tsekte a ègwet ètɨ̧ nɨ̧, ka me saꞋa lətelob bòt Izəèlȩê tu èghem ntsɔ̀b tebe la.”

Matìù 10:3

Filìb bɔ̂ Bàtòlomiò, Tɔmasì bɔ̂ Màtìù nɨa mèkab taksì, Jimsì waã Alfeɔ̀ bɔ̂ Tàdià,

2 Tɔ̀màtià 4:21

NyɔꞋta nkɨ̀Ꞌɨ̂ abàꞋ ŋaa ka àfɨ̀Ꞌ yu èdziꞋ è naa fià nyaŋ la à buꞋa. Yùbùlùs bɔ̂ Pudèns nè Lȩnɔ̀s, nè Klɔdìàs e tsàꞋtè àwê. Bɔnyɨ ba ko bu bàgème e tsàꞋtè àwê mɨ̧̂.

ÀfaꞋa 23:26

Wu mmɔ̌ Klɔdìàs Lȩsìàs mâ shɨ àkatè yaa abua yê: Ndì Gɔvanɔ̀ Felìk la. Maà ntsàꞋtà awê.

Lûk 6:15

Màtìù bɔ̂ Tɔmasì, Jimsì waã Alfeɔ̀ nè Simùn wu tà lè taꞋa wua nùà mènəè àlaꞋ la,

Ntu̧ Ntsɔ̧̀ MAK 3:18

Andùlù, Filìb, Bàtòlomiò, Màtìù, Tɔmasì, Jimsì waã Alfeɔ̀, Tàdià, Simùn wu tà lè taꞋa wua nùà mènəè àlaꞋ la,

Swiv nou:

Lyen patwone

Piblisite

Piblisite