Jɔ̌n 9:5 - Mundani

⁵ Ane àfɨ̀Ꞌ yaa e ngu a sitsǎꞋ ŋàa ntsèka la, e ngu wòt tàa ŋǎ èkaꞋà abua bòt ngɔ̀ŋ yaa la.”

Jɔ̌n 9:5 Referans Kwoze

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.

ÀfaꞋa 13:47

Ale, eyaa wu mbɨ̧ Mbɔ̧ɔ̧mà è ŋa abua ya la, ‘Mâ tsàà awê nê à wu mbɨ̀Ꞌɨ̀ èkaꞋà abua bòt kà wu Bèjuê. Nê nyɨꞋte alu̧ mèmpème kàlìà abua bòt ngɔ̀ŋ yaa ègème.’ ”

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

Ètsə 21:23

Àpfəèa mbɔŋ a li à ka tsi ngua nkɨà nyèm kò èŋu leꞋ ea me bàŋe yùà, nkàà nê ènɨ̧ Mbɔ̧ɔ̧mà è le wua mbàŋà àyùà mbɨ̀Ꞌɨ̀ èkaꞋà, Wanjɨ̀ wu mè ngu èkaꞋà àpfəèa mbɔŋ.

Matìù 4:16

Bòt bu bɔ li ntsèke a èbem ndzěm la, e ye taꞋa èkaꞋà. È me wu èbu bɔ li ntsèke àlaꞋ mbɨ̀Ꞌɨ̀ bɔ wu a èbem ndzěm èvə la, ko èkaꞋà e pùùla abua yɔb.”

ÀfaꞋa 26:23

Bɔ li nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ̂ ndɨ tàa li eye ngoꞋ te epfə, ebɔ ewu wòt mbì tàa lɔ̀Ꞌɔ eyu̧u̧me la. Nê, taa li eyu̧u̧me etsɔ̀te Ntu̧ Ntsɔ̧̀ mèmpème, è wù mbɨꞋɨ̀ èkaꞋà abua Bèjuê nè bòt kà wu Bèjuê la.”

Lûk 2:32

Taa ale nguê mbɨ̀Ꞌɨ̀ èkaꞋà àa nyɨꞋte alu̧ wê abua bòt kà wu Bèjuê la. Taa li ghɨ̌ bòt aa kɨꞋɨ ekukte bòt bê bu, è wu bòt Izəèlȩê la.”

Matìù 5:14

“Bɨ wu mbɨ̀Ꞌɨ̀ èkaꞋà ayɔɔ bòt sitsǎꞋ. BetsiꞋa bɔ ka və taꞋà àpfəè a ègwet èkɔŋ a lò̧ò̧tè.