Jɔ̌n 9:3 - Mundani

³ Yesò bɨ̀ɨ̀lè nê “Àghɨ a tò à ka lema nkaa kàbɔ̀ŋ tò kò èwe tǎt tò bɔ̂ nyɨ̌ tò leꞋ. A wu anè mbɨ̀Ꞌɨ̀ bòt aa ye àfaꞋa mètàŋ Mbɔ̧ɔ̧mà ane tò.

Jɔ̌n 9:3 Referans Kwoze

Jɔ̌n 11:4

ÀfɨꞋa Yesò zə la, tà nê, “Eyaa ntsě àghɔ̧ àa ghɨ̌ taa pfə la; a kɨ enyɨꞋte ènɨ̧ Mbɔ̧ɔ̧mà, mbɨ̀Ꞌɨ̀ bòt aa ye e wùꞋtè èlen Waã Mbɔ̧ɔ̧mà.”

Jɔ̌n 11:40

Yesò shu abua tò nê, “Mâ yaã è nka shu abua yê nê, à zìà èntɨ̧ɨ̧ wê ane Mbɔ̧ɔ̧mà ko àa ye mètàŋ tò?”

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

ÀfaꞋa 4:21

Bòt èsaꞋa bu e shu awɔb nê, bɔ mè ndàꞋ ànəê ane ànəa Yesò, ko aa bɨɨ abà yɔb. Mbɨ̀Ꞌɨ̀ bɔ ŋȩte awɔb ale la, bɔ bɔ̂ sà àwɔb bɔ me ghǎ. Bɔ ghɨ̀ ale, bɔ̀ ka ye èlu̧ bɔ̀ɔ ŋa awɔb ngoꞋ la, ngu ndɨ wu waa waa nàa ngùꞋtà a Mbɔ̧ɔ̧mà ane ànəa a ghɨ̀ la.

ÀfaꞋa 28:4

Bòt àlaꞋ a Mɔɔltà e ye ndɨ nyà̧kàbɔ̀ŋ yu è tsoŋa ane àbu a Pɔ̂l la, me làꞋa a kètsìà wɔb shua nê, “A ghɨ̀ nà leꞋ, ko mbê waa è li te mè bùŋe wɔ̀bȩ̂. Tà mbatè mpème a *èdzî ale, ka ndɔ̀ yu bela nkuŋa tò.”

1 Jɔ̌n 4:9

Ye ndɨ Mbɔ̧ɔ̧mà li nyɨ̀Ꞌte èkɔŋ vi ane ya la. Tà li ntsàà ndàꞋà Waã vi a ngɔ̀ŋ ŋaa, mbɨ̀Ꞌɨ̀ taa ghɨ̌ baa bɔ mèmpème kàlìà.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.