Jɔ̌n 8:46 - Mundani

⁴⁶ Wòt wu ane yɨ̧ betsiꞋa tà nyɨꞋte nê, maa ngɨ̀à mènəè kàbɔ̀ŋ la wu wà à? Mâ me laꞋa nkûŋ bɨ ghɨ̀ na ka bɨ̀ ka bɨ̧ɨ̧ne ànəa e shua la à?

Jɔ̌n 8:46 Referans Kwoze

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Jɔ̌n 14:30

È nka tsi làꞋà ba nɨ̧̀ ba ane àfɨ̀Ꞌ à seè à, nkàà nê Satàn wu, tà wu àtsəa ngɔ̀ŋ yaa la nàà nkɨ̀Ꞌa. Tà bakà bɔ mètàŋ a ègwet laã.

Jɔ̌n 8:7

Mbɨ̀Ꞌɨ̀ bòt bu àa ŋwètà mbììta wuê biite la, tà lɔ̀kè àvi, shu abua yɔb nê, “Wòt wu ane yɨ̧ kà li mè ghɨ ànəa kàbɔ̀ŋ la bɨa ngwi èti ntèma atò.”

Ntu̧ Ntsɔ̧̀ MAK 11:31

Bɔ bùꞋ me kààne a kètsìà wɔb shua nê “Bàa laꞋnê ghàà? Ba wu anè nê ‘Mbɔ̧ɔ̧mà’ ko taa biite awa nê, ‘À wu ale ghǎ ghɨ̀ ka bà ka bɨ̧ɨ̧ne èngǎ̧ tò à?’

Matìù 21:25

Wàa ka tà li ntsà a Jɔ̌n nê tà me zǐ bòt a èdzî la à? È li ngu Mbɔ̧ɔ̧mà kò wuê bɔbȩ à?” Bɔ zə ale, mbùꞋ me kààne a kètsìà wɔb shua nê “Bàa laꞋ nê ghàà? Ba wu anè nê ‘Mbɔ̧ɔ̧mà’, ko taa biite awa nê, ‘a wu ale ghǎ a ghɨ̀ ka bà ka bɨ̧ɨ̧ne èngǎ̧ tò à?’

1 Pità 2:22

Tà li tà kà ghɨa kàbɔ̀ŋ, èngǎ̧ fɨte è ka li mè dzəa ètsəê tò.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

Jɔ̌n 16:8

Taa me ghɨ̀ tê nkɨ̀Ꞌɨ̂ nyɨ̀Ꞌte bòt ngɔ̀ŋ nê bɔ fà̧ àghɨa bɔ̀ɔ mɨ̀ɨ̀tà nê kàbɔ̀ŋ wu yùà la, ndɔ̀Ꞌ fà̧ àyea bɔ̀ɔ mɨ̀ɨ̀tà nê wòt tàa ngɨ̀à àghɨa Mbɔ̧ɔ̧mà nàa nkɨà la wu wùà la, mè fà̧ ane ndɨ bɔ̀ɔ mɨ̀ɨ̀tà nê Mbɔ̧ɔ̧mà naa li saꞋa bòt la.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 8:47

Wòt tà wu wê Mbɔ̧ɔ̧mà la nàà njùta mèngǎ̧ tò. Lə yu bɨ̀a ka kɨ eyute mèngǎ̧ mbɔŋ la wu nê, bɨ ntsě bòt Mbɔ̧ɔ̧mà.”