Jɔ̌n 8:39 - Mundani

³⁹ Tà làꞋ ale bɔ bɨ̀ɨ̀lè èngǎ̧ tò nê, “Tǎt nyaꞋ wa wu Abàlàghâm.” Yesò mè shu abua yɔb nê, “Bɨ ghɨ̀ ale ndâ ngu bɔ̧ Abàlàghâm ko bɨa ngɨ̀à àghɨa Abàlàghâm li ngua ngɨ̀à la,

Jɔ̌n 8:39 Referans Kwoze

Gàlashìà 3:7

Bɨ̀ ko na bòt bɔ bɨ̧ɨ̧ne èngǎ̧ Mbɔ̧ɔ̧mà la, ka bɔ̀ wu bɔ̧ Abàlàghâm la.

Lûm 9:7

È kà mě ngu bòt bàgème bɔ li mbi àwɔb àndǎ̧ Abàlàghâm la, è wu bɔ̧ Mbɔ̧ɔ̧mà la. Mbɔ̧ɔ̧mà li shu abua Abàlàghâm nê, “Wu bòt bɔ̀ɔ li bi awɔb àndǎ̧ Asàk la, ka bɔ̀ɔ wu bɔ̧ bè la.”

Jɔ̌n 8:37

Mâ ko nê bɨ wu bòt àndǎ̧ Abàlàghâm, ka bɨ bɔ̂ me kɨ wuê èlu̧ ebùŋè am nkàà nê, bɨa kà bɨ̧ɨ̧ne èngǎ̧ am.

Matìù 5:45

Bɨ̀ ghɨ̀ ale, mbɨ̀Ꞌɨ̀ ewu bɔ̧ tǎt wɨ̧ a ègwet. Tàà ngɨ̀à nyèm tea a ègwet bòt kàbɔ̀ŋ nè èbe ntsɔ̧̀, mè ntsàà mbɨ̀ŋ è lua a ègwet bòt mènəè ntsɔ̧̀ nè bòt mènəè kàbɔ̀ŋ.

Matìù 3:9

Bɨ̀ ka me ŋeꞋe awɨ̧ a ègwet è shua nê, Abàlàghâm wu tǎt nyaꞋ wɨ̧. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yaa e ghɨ̌ aa tsiꞋi bòt àndǎ̧ Abàlàghâm.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Lûm 4:16

Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème,

Lûm 4:12

Tà mè ngu tǎt bòt bu bɔ̀ɔ nàŋe awɔb la, kà wu bòt bu bɔ naŋe awɔb wuê a mànaŋe la. Bɔ̀ɔ̀ba wu bɔ zi mèntɨ̧ɨ̧ mɔb ane Mbɔ̧ɔ̧mà wuê mbɨ̀Ꞌɨ̀ tǎt nyaꞋ wa Abàlàghâm li ndzì vi ka bɔɔ li nàŋe atò la.

Jɔ̌n 8:33

Tà làꞋ ale bɔ bɨ̀ɨ̀lè nê, “Ba wu bòt àndǎ̧ Abàlàghâm, ba bakà li mè wu àbùꞋ a wòt kǒ. Àa shua nê, bɔɔ yàà wa esà ale nko nê, à shua ne ghà à?”

Jɔ̌n 8:43

Bɨ ghɨ̀ na bɨ̀ ka ko ànəa e shua la à? Wu nê bɨa kà mbê nkɨ ezə èngǎ̧ am.

Jɔ̌n 8:56

Tǎt wɨ̧ Abàlàghâm li ngùꞋtè àvi e ye àli am, tà li ndze, a mè mbɔ̌ atò.”