Jɔ̌n 8:29 - Mundani

²⁹ Wòt tà tsàà am la wu ba tò, tà bakà sa am mmɔ̌ ndziꞋne, nkàà nê maa ngɨ̀à wuê àghɨa tàa nkɨà la àfɨ̀Ꞌ àgème.”

Jɔ̌n 8:29 Referans Kwoze

Jɔ̌n 6:38

È nka chua a ègwet e ghɨ̀ àghɨa èntɨ̧ɨ̧ am àa nkɨà la; e nkɨ̀Ꞌa e ghɨ̀ àghɨa wòt tà tsàà am la nàa nkɨà la.

Jɔ̌n 16:32

Àfɨ̀Ꞌ a bele kùꞋu, a bɔ̂ kùꞋ tè ndɔ̀Ꞌ, bɨ̀a lùùlà am bàgème e ghǎ a èpfəè bɨ̧ tè maa tsiꞋi mmɔ̌ ndziꞋne la, ka è nka wu mmɔ̌ ndziꞋne nkàà nê e ngu ba Tǎt am.

Jɔ̌n 4:34

Yesò shu abua yɔb nê, “Èghɨjɨ bɔ̧ wu nê è ngɨ̀ àghɨa wòt wu tà tsàà am la nàa nkɨà la, mè paa àfàꞋ yu tà ŋa abua am la.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 5:30

“Maa kà nɨ mètàŋ mɔ̧ ka nɨŋ ngɨ̀ àghɨ. Maà saꞋa ànəa wòt wuê mbɨ̀Ꞌɨ̀ mâ zə abua Tǎt am la. Màa ngɨ̀ è saꞋ ànəê, bɔ ko nê a kuêꞋ, nkàà nê maa kà ghɨ wuê àghɨa èntɨ̧ɨ̧ am àa nkɨà la, maa ngɨ̀ wuê àyea wòt wu tà tsàà am la, nàa nkɨà la.

Jɔ̌n 8:16

Ka e màà ngua saꞋa wuê wòt, ko èlɨ e saꞋa la wu nkûŋ, nkàà nê è ntsě mmɔ̌ mmɔ̌ sàꞋa la, è saꞋa ba wòt wu tà tsàà am la.

1 Jɔ̌n 2:1

E shɨa àkatè yaa abua yɨ̧, bɔ̧ bɔ̧, mbɨ̀Ꞌɨ̀ wòt kǒ ane yɨ̧ ghɨ a kàbɔ̀ŋ. Ka wòt ane yɨ̧ ghɨ a kàbɔ̀ŋ, tà ko nê wòt kǒ nàà və tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tàa ndɨ̀à ànəa kàbɔ̀ŋ wa abua Tǎt wa Mbɔ̧ɔ̧mà la. Ŋut wu Yesò Klistò à.

2 Tɔ̀màtià 4:17

Ka Mbɔ̧ɔ̧mà li ngu nè nà̧, ŋa am mètàŋ, e nɨŋ ntsɔ̀tè Ntu̧ Ntsɔ̧̀ yu ègème tè bòt kà wu Bèjuê bàgème e zə. Mbɔ̧ɔ̧mà li ntɨ̀ŋe ngɨ̀ e mpem èvə mbɨ̀Ꞌɨ̀ wòt bɔ fàa tò a ètsəê sambàŋ la.

Jɔ̌n 14:31

Ka mâ ghɨ̀ wuê mbɨ̀Ꞌɨ̀ Tǎt am è shu nê, è ngɨa la, mbɨ̀Ꞌɨ̀ bòt ngɔ̀ŋ yaa aa ko nê maà nkɔ̀ŋkà atò. “Bɨ̀ lɔ̀Ꞌɔ a si bà lɔꞋɔ.”

Jɔ̌n 17:4

Mâ ghɨ̂ bòt e ye ènɨ̧ wê a sitsǎꞋ, na mâ paa àfàꞋ yu à li ŋa nê è ngɨa la.

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

Ebùlù 4:15

Àtsəa bèntsìà mèpɨ̧̀ a Mbɔ̧ɔ̧mà yaa ntsě èwuu wòt wu betsiꞋa tà kà ko nkù tèsȩ ta ane mènəè mu bàa njùa adù̧ la. Ka, tà wu wòt bɔ li nkɨke atò ane balu̧ bàgème wuê mbɨ̀Ꞌɨ̀ bàa, ka tà kà ghɨa kàbɔ̀ŋ la.

Ebùlù 7:26

Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.

2 Tɔ̀màtià 4:22

Maà shù̧ù̧ta Mbɔ̧ɔ̧mà nê tà wu ne nè, mè me nyɨꞋte a ntsɔ̧̀ vi abua yɨ̧ bɨ̀agème.

Matìù 3:15

Yesò shu abua tò nê, “TsiꞋ à wu anè àfɨ̀Ꞌ yaa, nkàà nê ba nè e bɔ ndɨ bàa ghɨ̌ èghɨ ègème Mbɔ̧ɔ̧mà nàa nkɨà la.” Ale, Jɔ̌n bɨ̧ɨ̧ne.

1 Jɔ̌n 3:22

Bàa ngɨ̀ bà lo̧ àghɨ tè tà ŋa, nkàà nê baa ndzəa tò mè ngɨ̀à àghɨa tàa nkɔ̀ŋkà la.