Jɔ̌n 7:33 - Mundani

³³ Bɔɔ ngɨ̀a ale Yesò shu abua bòt nê, “Maa nyaꞋa wù̧ù̧nè ba nɨ̧̀ ba ane ateme àfɨ̀Ꞌ àko ka wène abua wòt wu tà tsàà am la.

Jɔ̌n 7:33 Referans Kwoze

Jɔ̌n 16:5

“E ngu anè ngà abua wòt wu tà li ntsàà am la, mbɔ̂ wòt wɨ̧ ka lem mbììte laꞋnê, ‘À ghǎ nè ŋà?’

Jɔ̌n 13:33

“Bɔ̧ bɔ̧, è nka tsi tseke ba nɨ̧̀ ba ane àfɨ̀Ꞌ à seè a. Bɨa me kɨ am, ka tsiꞋ è shua wɨ̧ àfɨ̀Ꞌ yaa àghɨa e ndi shu abua Bèjuê la nê, ‘BetsiꞋa bɨ̀ ka kɨꞋɨ àdziꞋa e ngà la’.

Jɔ̌n 17:13

“E tsiꞋi alu̧ àfɨ̀Ꞌ yaa nkɨ̀Ꞌa abua yê, mbɔ̂ mbele a sitsǎꞋ ndàꞋà mènəè maa, mbɨ̀Ꞌɨ̀ mèngùꞋte naa nèète èlu̧ a mèntɨ̧ɨ̧ mɔb, mbɨ̀Ꞌɨ̀ è lu̧u̧ a wɔ̧ la.

Jɔ̌n 17:11

E ngu anè ntsiꞋa sà ngɔ̀ŋ yaa ekɨꞋɨ kwene ane yê, ka bɔ bɔ̂ ngu àyɔb a si nga etèꞋa a ngɔ̀ŋ ŋaa. Lefɨ̀Ꞌ, àwɔ̀ wu à tsè bètǎt bàgème la leꞋ, baabe awɔb wu à ŋa abua am la ane mètàŋ mê, è wu mètàŋ mu à ŋa abua am la, mbɨ̀Ꞌɨ̀ bɔɔ tsiꞋi àghɨ yeamɔꞋ, mbɨ̀Ꞌɨ̀ ba nè è wu àghɨ yeamɔꞋ mɨ̧̂ la.

Jɔ̌n 16:28

E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”

Jɔ̌n 16:10

Bɔɔ li eye àghɨa màngɨa àghɨa Mbɔ̧ɔ̧mà nàa nkɨà la wu yùà la, nkàà nê, e tsiꞋa nga abua Tǎt am, kà bɨ wu tsi eye am.

Jɔ̌n 14:19

AdzìꞋ naa me wù̧ù̧ne bòt ngɔ̀ŋ yaa è ka tsi ndze am, ka bɨ bɔ̂ ngu eye am, nkàà nê ndɨ̀ wu màa və àfɨ̀Ꞌ àgème la, bɨa wu a yɨ̧ mɨ̧̂.

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Ntu̧ Ntsɔ̧̀ MAK 16:19

Mbɨ̀Ꞌɨ̀ Yesò Lefɨ̀Ꞌ è paa a màndaꞋa abua yɔb la, Mbɔ̧ɔ̧mà bê nɨ̀a tò ngà a ègwet tà tseke àbâ àbualu̧ a tò.

Jɔ̌n 9:4

Ba bɔ ndɨ bàa fàꞋa àfaꞋa wòt wu tà tsàà am la àfɨ̀Ꞌ yaa è bèlè nengû̧ la, ndzěm nàà nkɨ̀Ꞌâ kà wòt wu tsi e ko e ghɨ̌ àghɨ.

Jɔ̌n 14:12

Ane nkûŋ, tsiꞋ è shua wɨ̧ nê, wòt tà zǐ èntɨ̧ɨ̧ vi ane yaã la naa me ghɨ̀ mènəè maa e ngɨ̀à la mɨ̧̂, e meè ghɨ̌ fɔɔle me è tsě màa la, nkàà nê e tsiꞋa nga ekwene ane tǎt am.

Jɔ̌n 14:28

“Bɨ zə ndɨ mâ laꞋnê, e tsiꞋa ngà ghǎ, mbɔ̂ ngua nga mèe ekɨꞋɨ abua yɨ̧ la. Bɨa ghɨ̀ ale ngua nkɔ̀ŋkè am, ko bɨa me wùꞋtè àwɨ̧ nê, e tsiꞋa nga abua Tǎt am, nkàà nê tà tsè am.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”