Jɔ̌n 6:70 - Mundani

⁷⁰ Yesò bɨ̀ɨ̀lè nê “E ndɨ è nka laa wɨ̧ ntsɔ̀b babe, wòt wemɔ̀Ꞌ naa bɔ ewu wòt Satàn?”

Jɔ̌n 6:70 Referans Kwoze

Jɔ̌n 13:27

Mbɨ̀Ꞌɨ̀ Judàs bê nɨa bled wu la Satàn nyi a èntɨ̧ɨ̧ tò. Ale, Yesò shu abua Judàs nê “Ghɨ̀ àghɨa à kɨ eghɨ̀ la chàba.”

Jɔ̌n 13:2

È tseke tè ngu àfɨꞋa nyèmtèsi ane àlia ngaa, bɔ̂ tò ba e tseke a si me jɨ èghɨjɨ, Satàn ko nê ye ghɨ̂ Judàs wu è wu waã Simùn Iskaliòt la me mɨ̀ɨ̀te ndɨ yea fɨ̧̀ɨ̧̀ne a Yesò la.

Jɔ̌n 17:12

Mâ nɨ mètàŋ mu à ŋa abua am la mbààbe awɔb ane àfɨ̀Ꞌ yu maa wu ba tò ba la. Maa bà̧à̧ wɔb ntsɔ̧̀ tè wòt ane yɔb ka nyɔ̂, tè è bəa wòt wu tà bɔ ndɨ tàa nyɔ la, mbɨ̀Ꞌɨ̀ e ghɨ̌ ànəa bɔ shɨ a èbem Àkata Mbɔ̧ɔ̧mà la aa te.

Jɔ̌n 13:18

“È nka laꞋà ŋǎ abua yɨ̧ bɨ̀agème, mâ ko èwuu bòt bu mâ tɔ awɔb la. Ka èngǎ̧ Mbɔ̧ɔ̧mà e bɔ ndɨ àa wu nkûŋ la nê, ‘Wòt ba tò e fɔtè èghɨjɨ la, è gheble te ntsìꞋa nùa am’.

Jɔ̌n 6:64

Ka àbəèꞋ àyɨ̧ ako à ka lem mbɨ̧ɨ̧ne mèngǎ̧ mbɔŋ.” (Yesò nàà ndàꞋà ale ngu ndɨ tà yaŋe ko bòt kà wu ebɨ̧ɨ̧ne èngǎ̧ vi kwàꞋ ane àlia mbìa tà buêꞋ me laꞋa wùà la, mè nko wòt wu tàa ghɨ̌ efɨ̧̀ɨ̧̀nè àvi la.)

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

1 Tɔ̀màtià 3:11

Bèzi bɔb e bɔ̂ ndɨ bɔ̀ɔ bɔ mènəè ntsɔ̧̀ la, bɔ̀ ka me ghɨ̀ mènàŋ. Bɔ̀ ka me nu mèlùꞋ nyaŋ. Bɔ̀ me ghɨ̀ wuê mènəè è kùꞋu ane balu̧ bàgème la.

ÀfaꞋa 1:17

Tà li ngu wòt kǒ ayɔɔ aya, ngu ndɨ Yesò li ndȩ atò nê ba tò ba è me ghɨ̌ àfaꞋa Mbɔ̧ɔ̧mà nɔ̂ la.”

Jɔ̌n 15:19

Bɨ ghɨ̀ ale ngu àghɨ yeamɔꞋ nè bòt ngɔ̀ŋ yaa, ko bòt ngɔ̀ŋ mbɔŋ aa me kɔ̀ŋkè àwɨ̧, mbɨ̀Ꞌɨ̀ bòt bɔb. Ka ndɨ̀ wu bɨ ntsě bòt ngɔ̀ŋ yaa, e mbɔ̂ ndàà àwɨ̧ ntsì a kètsìà wɔb la, bɔ tsiꞋa mpààbà àwɨ̧ pààbe.

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Jɔ̌n 13:21

Mbɨ̀Ꞌɨ̀ Yesò làꞋ ale la, a me ŋa atò ngoꞋ a èntɨ̧ɨ̧ tò tè tà ghaꞋa ètsəê vi nê, “Ane nkûŋ, tsiꞋ è shua wɨ̧ nê, wòt kǒ ane yɨ̧ nàà fɨ̧̀ɨ̧̀nè am.”

Jɔ̌n 8:44

Satàn wu tǎt wɨ̧, àfàꞋ àyɨ̧ wu ndɨ bɨ̀a me ghɨ̀ wuê àghɨa tàa nkɨà la. Tà lè yaŋe wu wòt tàa mbùŋà bòt la, tà kà wua nkɨà nkûŋ, nkàà nê tà bakà li me làꞋa nkûŋ. Tàa ngɨ̀ tà me làꞋà mèfà̧, tà wua ndàꞋà mbɨ̀Ꞌɨ̀ tàa ndzìà ngɨ̀a àfɨ̀Ꞌ àgème la, nkàà nê, tà wu wòt mèfà̧, mè ngu tǎt mèfà̧ ègème.

Tȩtɔ̀s 2:3

Shu abua bèzi juŋ mɨ̧̂ nê, bɔ̀ me ghɨ̀ mènəè mɔb wuê mbɨ̀Ꞌɨ̀ Mbɔ̧ɔ̧mà nàa nkɨ̀a la. Bɔ̀ ka me tsòkè tèlente bòt, kò ngu èbaala mèlùꞋ leꞋ. Bɔ bɔ ndɨ bɔ̀ɔ me nyɨꞋte mènəè ntsɔ̧̀ la,

ÀfaꞋa 13:10

mbɔ̂ nê, “À wu waã Satàn. À wu wɔ̀mbù̧ àghɨ a ntsɔ̧̀ àgème. Èbɨ̀Ꞌte èŋɔꞋte mènəè e lu̧u̧ a èbèm lê. Àa ntsèka nyɔ̀Ꞌtà mènəè Mbɔ̧ɔ̧mà mu è wu nkûŋ la ezi ane àfɨte.

Jɔ̌n 2:2

bɔ mè nkaꞋa Yesò bɔ̂ bɔkatè bi a èpǎ̧ ndzɔꞋɔ mbɔŋ mɨ̧̂.

Jɔ̌n 6:67

Yesò shu abua èbu ntsɔ̀b babe la nê, “Bɨa sa am ghà àyɨ̧ mɨ̧̂?”

Jɔ̌n 6:71

Tàa ndàꞋà ale ngua ŋa abua Judàs waã Simùn wu èlen tò ko wu Iskaliòt la, nkàà nê tà batè ngu wekǒ ayɔɔ bɔkatè bu ntsɔ̀b babe la ale, mbɔ̂ ngu we tàa lɔ̀Ꞌɔ efɨ̧̀ɨ̧̀ne a Yesò la.

Jɔ̌n 20:24

Yesò nàà nkɨ̀Ꞌa ale Tɔmasì wu bɔ̀ɔ ntɔ atò ane wabenyì la ka wu a si. Tɔmasì waa wu wakatè ko ayɔɔ bɔkatè Yesò bu tsɔ̀b babe la.