Jɔ̌n 6:27 - Mundani

²⁷ Bɨ̀ ka ŋà àtsəa yɨ̧ ane èghɨjɨ àa lɔ̀Ꞌɔ elìa la. Ka bɨ̀ ŋa wuê ane èghɨjɨ bu àa ŋǎ mèmpème kàlìà la. Eyaa wu èghɨjɨ bu Waã Wòt nàa ŋa abua yɨ̧ la, nkàà nê wu tòà Tǎt wa Mbɔ̧ɔ̧mà nyɨꞋtè nê tà wu wòt ye laa nê tà me ghɨ àfàꞋ yaa la.”

Jɔ̌n 6:27 Referans Kwoze

Kɔ̀losìà 3:2

Bɨ̀ me mɨ̀ɨ̀te mè nkɨ̀a wuê èghɨ bu a ègwet la, bɨ̀ ka ndzì mèntɨ̧ɨ̧ mɨ̧ ane èghɨ ba a sitsǎꞋ ŋàa la.

Jɔ̌n 6:54

Wòt tà kwele nyà̧ ènyit yaã ndɔ̀Ꞌ nù àlo̧ am la, è bɔ mèmpème kàlìà, e mbɔ̂ ngu li eyu̧u̧me atò àlia ngɔ̀ŋ naa lìa la.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Jɔ̌n 10:28

Maà ŋǎ wɔb wu bɔ̀ɔ nkuŋà am la mèmpème kàlìà, tè bɔ ka wu li eleme, wòt kà mèe nguê tàa fàà àwɔb a tèkitebu taã la.

Jɔ̌n 6:51

E ngu èghɨjɨ bu àa ŋǎ mèmpème e chu a ègwet la. Wòt tà jɨ èghɨjɨ baa la lia kà wu tsi epfə. Èghɨjɨ baa wu mbɨ̧̀ ènyit yaã màa ŋa mbɨ̀Ꞌɨ̀ bòt ngɔ̀ŋ àa bɔ mèmpème la.”

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

Jɔ̌n 17:2

Ghɨ̀ ale nkàà nê, à ŋa atò mètàŋ a ègwet bòt bàgème, nê tà ŋa mèmpème kàlìà abua bòt bu bàgème à ŋa abua tò la.

Matìù 6:19

“Bɨ̀ ka nɔ̀ŋè èghɨ èkab bɨ̧ a sitsǎꞋ, adzìꞋa èsoꞋo e bakà kwet ko àwèlàka aa baãaã, mbə bètsɔŋ e bəꞋə lob nyi nɨŋ la.

Jɔ̌n 6:58

Eyaa wu bled wu è chu a ègwet la, è ntsě àfəa wu bètǎt nyaꞋ bɨ̧ e li nkwet ndɔ̀Ꞌ mè mpfəèꞋte la. Wòt tà kwele a bled waa la naa bɔ mèmpème e me tseke ane àlia nè àlia.”

2 Pità 1:17

Ba li ngu a si àfɨꞋa Tǎt tò Mbɔ̧ɔ̧mà li nyɨ̀Ꞌte ndɨ ènɨ̧ tò e ghe la. Mbɔ̧ɔ̧mà wu tà wu àtsəa bèfɔ̧̀ bàgème la li ndaꞋa adù̧ tò nê, “Eyaa wu ngule Waã èkɔŋ am, mâ taꞋa wua nkɔ̀ŋkà to.”

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

1 Pità 1:24

Aa ale mbɨ̀Ꞌɨ̀ Àkata Mbɔ̧ɔ̧mà a shu la, nê, “Bòt bàgème aa mbɨ̀Ꞌɨ̀ mèfəèꞋ, ènɨ̧ wɔb e wu mbɨ̀Ꞌɨ̀ ètesɔɔ mèfəèꞋ. MèfəèꞋ mbɔŋ nàa ngɨ̀ è yu̧, ètesɔɔ bu e kwente a si,

Lûk 3:22

Fo Kèfə chu a ègwet tò mbɨ̀Ꞌɨ̀ baba. Bɔ zə àtɔŋ Mbɔ̧ɔ̧mà a ègwet a nê, “À wu waã èkɔŋ am; èntɨ̧ɨ̧ e taꞋa wua mbɔ̀ ane yê.”

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

Jɔ̌n 3:33

Wòt tà bɨ̧ɨ̧ne èngǎ̧ tò la, nɨ àyea mbɔŋ nɨŋ nyɨ̀Ꞌte nê ànəa Mbɔ̧ɔ̧mà shu la wu nkûŋ.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

Lûk 9:35

Bɔ me zə àtɔŋ ko a tse a èbem mbàꞋ yu nê, “Eyaa wu waã am mâ làà la, bɨ̀ yute èngǎ̧ tò.”

Ebùlù 12:16

Bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ me jɨ ngò̧ò̧tètsə, kò ntsìà èntɨ̧ɨ̧ vi ane mènəè Mbɔ̧ɔ̧mà leꞋ. Wòt ghɨ̀ ale, ko taa tsiꞋi mbɨ̀Ꞌɨ̀ Esaɔ̀ wu tà li ŋà àdziꞋa zi mbɨ̀Ꞌɨ̀ waã mbì abua wanyɨ vi ambo apfəèꞋ èghɨjɨ la.

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

Kɔ̀losìà 2:22

Mbɨ̧ tàa tègème te wu adù̧ èghɨ bòt àa mbà̧à̧ta ka è ka wua ngù̧ù̧nà la. Wu bɔbȩ ka bɔ ghɨ mbɨ̧te mbɔŋ mè me nyɨꞋte bòt la.

1 Kɔlìn 9:2

È wu nê bòt ko aa kà nɨ am mbɨ̀Ꞌɨ̀ wantu̧ Yesò, ko mâ ko nê bɨ̀a nɨ am mbɨ̀Ꞌɨ̀ wantu̧ tò, nkàà nê bɨ wu àghɨa àa nyɨ̀Ꞌta nê e ngu wantu̧ Yesò, ndɨ̀ wu bɨ̀ tsiꞋi àghɨa yeamɔꞋ nê tòà la.

1 Kɔlìn 6:13

Bɨa shua nê, “Èghɨjɨ e wu abua èbêm, èbêm e mê ngu abua èghɨjɨ,” Ka Mbɔ̧ɔ̧mà bɔ̂ ngu ghɨ̀ èghɨ mbɔŋ ègème aa baka tsi ngu àghɨ. Bɨ̀ ka me nɨ mbɨ̧te ènyit tɨ̧ mpàꞋta àbɨ̧, ka bɨ̀ me nɨa nkùkta Tè Yesò. Wu Tè Yesò ka tà bɔ mbɨ̧̀ ènyit la.

Lûm 4:11

Bɔ li ntsiꞋi nàŋe atò àfɨ̀Ꞌ à, mbɨ̀Ꞌɨ̀ àlȩê enɨ nyɨꞋte nê Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà nê tà li ndzì èntɨ̧ɨ̧ vi ane Mbɔ̧ɔ̧mà àfɨꞋa bɔ li bɔ̀ ka ziꞋì nàŋe atò la. A li ngu anè mbɨ̀Ꞌɨ̀ Abàlàghâm naa wu tǎt bòt bu bàgème bɔ zi mèntɨ̧ɨ̧ mɔb ane Mbɔ̧ɔ̧mà kà bɔ zìꞋì nàŋa awɔb, Mbɔ̧ɔ̧mà nɨ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Jɔ̌n 15:24

Mâ ghɨ̀ ale, è nka ghɨ èghɨ kà wòt tsa li mè ghɨ̌ a kètsìà wɔb, ko bɔ bakà ko laꞋ nê, bɔ wu bòt mènəè kàbɔ̀ŋ, ka nè àfɨ̀Ꞌ yaa, bɔ ye èghɨ mbɔŋ, mbɔ̂ me pààbè awa ba Tǎt am.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 11:42

Mâ ko nê àa njùta èngǎ̧ am àfɨ̀Ꞌ àgème, ka e tsiꞋa shua anè nkàà bòt baa bɔ tɨ̧ɨ̧te a si ŋàa la, mbɨ̀Ꞌɨ̀ bɔɔ ko nkûŋ, nkûŋ nê, àwɔ̀ ka à li tsàà am la.”

Jɔ̌n 8:18

Ale, e ndaꞋa ànəa mâ ko ane yaã mmɔ̌ mbɔŋ la, Tǎt am wu tà tsàà am la mè me laꞋa ànəa tà ko ane yaã la.”

Ntu̧ Ntsɔ̧̀ MAK 9:7

ÀfɨꞋa mbɔŋ, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ ko a tse a èbem mbàꞋ yu nê, “Eyaa wu waã èkɔŋ am, bɨ̀ yute èngǎ̧ tò!”

Ntu̧ Ntsɔ̧̀ MAK 1:11

Àtɔŋ a tsè a ègwet nê, “À wu waã èkɔŋ am; èntɨ̧ɨ̧ am e taꞋa wua mbɔ̀ ane yê.”

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

Jimsì 1:11

Aa ale nkàà nê nyèm nàa ngɨ̀ è chu ne àzəꞋ àkekweelè, è tò̧ bafəèꞋ mbɔŋ tè ètesɔɔ bu e yu̧ nkwènte a si tè è ka tsi ngua mbɔ̀ a màndzea. KwàꞋ ane èlɨ mbɔŋ, wu ndɨ wòt èkab nàa pfə àfɨꞋa tàa ngèèba ntsɔꞋta mènəè mi la.

2 Kɔlìn 4:18

Eyaa wu lə ba bakà nɔŋe mèntɨ̧ɨ̧ ma ane èghɨ bɔ̀ɔ ndzea la, ba nɔ̀ŋe ane èghɨ bɔ̀ɔ ka ye la. Èghɨ bɔ̀ɔ ndzea la e wu wuê ane kètem àfɨ̀Ꞌ, ka èghɨ bɔ̀ɔ ka ye la e wu ane àlia nè àlia.

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Matìù 25:46

“ÀfɨꞋa mbɔŋ ko bòt kàbɔ̀ŋ bu aa gha àdziꞋa kà ngoꞋ wu li elìa, èbe ntsɔ̧̀ bu e egha àdziꞋa mèmpème kàlìà.”

Jɔ̌n 3:15

Mbɨ̀Ꞌɨ̀ wòt ègème tà zi èntɨ̧ɨ̧ vi ane tò la naa bɔ mèmpème kàlìà.”

Jɔ̌n 6:47

Ane nkûŋ, tsiꞋ è shua wɨ̧ nê wòt tà zǐ èntɨ̧ɨ̧ vi ane yaã la ebɔ mèmpème kàlìà.

Jɔ̌n 6:53

Yesò shu abua yɔb nê, “Ane nkûŋ, tsiꞋ è shua wɨ̧ nê, bɨ bakà kwele nyà̧ ènyit Waã Wòt, e mèe nu àlo̧ atò, bɨ̀ ka bɔ mèmpème.

Jɔ̌n 6:62

Tè bɨ me wu ale ndzè Waã Wòt nkɔ̀Ꞌa nga a ègwet àdziꞋa tà li ngu la ko bɨa tsiꞋi ghɨ̀ naà?