Jɔ̌n 6:14 - Mundani

¹⁴ ÀfɨꞋa bòt e ye ngɨŋa ànəê yaa Yesò ghɨ̀ la, bɔ nê, “Eyaa lâ ngu ndàꞋàtɔŋ Mbɔ̧ɔ̧mà wu tà li mbɔ̌ ndɨ tàa kɨꞋa sitsǎꞋ la.”

Jɔ̌n 6:14 Referans Kwoze

Matìù 21:11

Ènɔ̧̂ bòt bu e nê “Eyaa wu ndàꞋàtɔŋ Mbɔ̧ɔ̧mà wu èlen tò wu Yesò, tà dzəa Nazàlet àbâ àlaꞋ a Galìlî la.”

ÀfaꞋa 7:37

“Musì wu wòt wu tà li shu abua bòt Izəèlȩê nê, Mbɔ̧ɔ̧mà naa li tsàà àwɔb a ndàꞋàtɔŋ kǒ wuê mbɨ̀Ꞌɨ̀ tà li ntsàà avi la. Tà li nê, ŋut naa li wu wòt tà dzəè ayɔɔ ayɔb la.

Matìù 11:3

bɔ̀ gha mbììte tò nê, “À wu wòt wu bɔ li nê tàa kɨꞋɨ la, kò bàà me chɨꞋɨ wòt kǒ tsa à?”

Jɔ̌n 7:40

Bòt e zə mèngà̧ maa ale èbeko ane yɔb e nê, “Mbê waa lâ ngu ndàꞋàtɔŋ Mbɔ̧ɔ̧mà wu baa nchɨ̀Ꞌà la.”

Jɔ̌n 1:21

Tà làꞋ ale, bɔ mè mbììte nê, “Tè à wu wàà? À wu Èlȩjà?” Jɔ̌n bɨ̀ɨ̀lè èngǎ̧ wɔb nê, “ÀwɔꞋ e ntsě tòà.” Bɔ mè mbììte atò nê, “Tè à wu ndàꞋàtɔŋ Mbɔ̧ɔ̧mà wu bɔ̀ɔ nchɨ̀Ꞌà la à?” Tà nê “ÀwɔꞋ.”

Jɔ̌n 4:19

Àvi mbɔŋ shuê abua tò nê “Tê, mâ ye nê à wu ndàꞋàtɔŋ Mbɔ̧ɔ̧mà.

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”

Jɔ̌n 4:25

Tà làꞋ ale, àvi wu shu abua tò nê, “Mâ ko nê Fɔ̧̀ wu Mbɔ̧ɔ̧mà li ndzɔꞋ etsàà la, e wu bɔ̀ɔ ntɔ atò nê Klistò la nàà nkɨ̀Ꞌa. Taa kɨꞋɨ e shua wa mènəè ègème.”

Lûk 24:19

Yesò mè mbììte nê, “Ka ànəê à?” Bɔ bɨ̀ɨ̀lè nê, “Ànəa a ghɨ̀ ane Yesò wu, tà wu wòt Nazàlet la. Tà lè wu ndàꞋàtɔŋ Mbɔ̧ɔ̧mà, mbɔ̂ bɔbȩ e li nɨa tò mbɨ̀Ꞌɨ̀ wòt tàa ngɨ̀à mènəè kà ye fɨ̀Ꞌ ane èghɨ ègème tàa shuà mè ngɨ̀à la.

Lûk 7:16

Kèbɔɔ ke baãaã awɔb bàgème, bɔ kɔ̧ ngùꞋtè a Mbɔ̧ɔ̧mà nê, “TaꞋà ndàꞋàtɔŋ Mbɔ̧ɔ̧mà è saꞋa a kètsìà wa. Mbɔ̧ɔ̧mà è kɨꞋɨ̀ etɨŋe bòt bi.”

Jɔ̌n 2:11

Yesò lɔ̀Ꞌ ngɨ̀ ànəê yaa a Kanà, a èbem àlaꞋ a Galìlî è wû ànəa mbì a kà ye fɨ̀Ꞌ tà li ngɨ̀ bòt e ye ènɨ̧ tò la. Bɔkatè tò e ye ale, ndzì èntɨ̧ɨ̧ wɔb ane tò.

Jɔ̌n 6:2

TaꞋà, ènɔ̧̂ bòt a me kùŋe atò nkàà tèwuute ènəê kà ye fɨ̀Ꞌ tu bɔ ye tà ghɨ̀ mbəâ bòt àghɔ̧ la.

Jɔ̌n 6:26

Yesò tsiꞋi bɨ̀ɨ̀le nê “Ane nkûŋ, tsiꞋ è shua wɨ̧ nê, bɨ̀ ka kɨ am nkàà èghɨ bu màa ngɨ̀à bɨ yea mè nkoa nê e wua nyɨ̀Ꞌta mètàŋ Mbɔ̧ɔ̧mà la. Bɨ kɨ am nkàà èghɨjɨ bɨa yaã njɨ̀ te ndzete mbɨ̀Ꞌɨ̀ bɨ kɨa la.

Jɔ̌n 6:30

Yesò làꞋ ale bɔ mè mbììte atò nê “Àa ghɨ̌ ka ànəa kà ye fɨ̀Ꞌ enɨ nyɨꞋte mètàŋ Mbɔ̧ɔ̧mà mbɨ̀Ꞌɨ̀ bɔɔ ye ebɨ̧ɨ̧ne èngǎ̧ wè à?

Jɔ̌n 11:27

Tà bɨ̀ɨ̀lè nê, “Oò Tè, mâ bɨ̧ɨ̧ne, nê à wu Waã Mbɔ̧ɔ̧mà, à wu Fɔ̧̀ wu tà li ndzɔꞋ etsàà la, ye wu tà bɔ ndɨ tàa kɨꞋa sitsǎꞋ la.”