Jɔ̌n 5:36 - Mundani

³⁶ “Ka èghɨ màa ngɨ̀à la aà nyɨ̀Ꞌta wòt è ngu wùà la, tè ntsè àghɨa a li nyɨ̀Ꞌte ane ànəa Jɔ̌n li shu ane yaã la, nkàà nê e ngu anè ngɨ̀à èghɨ bu Tǎt am li nê è mpaa ngɨ̀ la. Wu bùà bu èa nyɨ̀Ꞌta nê tòà ka tà tsàà am la.

Jɔ̌n 5:36 Referans Kwoze

Jɔ̌n 10:25

Yesò bɨ̀ɨ̀lè nê, “Mâ shua wɨ̧ ka bɨ̀ ka wua nkɨ ebɨ̧ɨ̧ne. Èghɨ baa màa ngɨa ane èlen Tǎt am la, eà nyɨ̀Ꞌta àghɨa e ngu yùà la,

Jɔ̌n 15:24

Mâ ghɨ̀ ale, è nka ghɨ èghɨ kà wòt tsa li mè ghɨ̌ a kètsìà wɔb, ko bɔ bakà ko laꞋ nê, bɔ wu bòt mènəè kàbɔ̀ŋ, ka nè àfɨ̀Ꞌ yaa, bɔ ye èghɨ mbɔŋ, mbɔ̂ me pààbè awa ba Tǎt am.

Jɔ̌n 2:23

Mbɨ̀Ꞌɨ̀ Yesò wua Jèlusalèm àfɨꞋa èpǎ̧ Màntsea a ègwet la, bòt nyaŋ e zì mèntɨ̧ɨ̧ mɔb ane èlen tò mbɨ̀Ꞌɨ̀ bɔ ye mènəè kà ye fɨ̀Ꞌ mu tà ghɨ̀ la.

1 Jɔ̌n 5:9

Bɔbȩ àa ngɨ̀ bɔ̀ shu ànəa bɔ ye la, ba bɨ̧ɨ̧nè nê wu nkûŋ. È me wu a Mbɔ̧ɔ̧mà ko tàa ngɨ̀ tà shu ànəê, è wu nkûŋ tè ntsè àyea wɔ̀bȩ̂. Eyaa wu ànəa Mbɔ̧ɔ̧mà zìambɔŋ shu ane Waã vi la.

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

Jɔ̌n 3:17

Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

Matìù 11:4

Yesò tsɔꞋɔ èngǎ̧ wɔb nê, “Bɨ̀ kua akwèn ngà shu a Jɔ̌n àghɨa bɨ zə la nè àyea bɨ ye la.

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

Jɔ̌n 5:32

Wòt kǒ nàà və tà tɨ̧ɨ̧ akwene yaã ane ànəê yaa la. E mè nko nê, ànəa tà koê mè me shu ane yaã la wu nkûŋ.

Jɔ̌n 4:34

Yesò shu abua yɔb nê, “Èghɨjɨ bɔ̧ wu nê è ngɨ̀ àghɨa wòt wu tà tsàà am la nàa nkɨà la, mè paa àfàꞋ yu tà ŋa abua am la.

Jɔ̌n 17:4

Mâ ghɨ̂ bòt e ye ènɨ̧ wê a sitsǎꞋ, na mâ paa àfàꞋ yu à li ŋa nê è ngɨa la.

Jɔ̌n 11:37

Ka àbəèꞋa yɔb ako a nê, “Tò waa tà li ngàꞋa àghɨ a wòt àghɨ àleme la nàà kàꞋà wu eko kele mbê waa mbɨ̀Ꞌɨ̀ tà pfə?”

Lûk 2:49

Yesò bɨ̀ɨ̀lè nê “Ghǎ ghɨ̂ ka bɨ me kɨ am à? Bɨ bakà ko nê mâ bɔ̂ ndɨ màa wu a lob Tǎt am la.”