Jɔ̌n 5:25 - Mundani

²⁵ Ane nkûŋ, tsiꞋ è shua wɨ̧ nê, àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa bèmpfəà àa zə àtɔŋ Waã Mbɔ̧ɔ̧mà la, mbɔ̂ bòt bɔ zə la, aa peme.

Jɔ̌n 5:25 Referans Kwoze

Jɔ̌n 5:28

“Bɨ̀ ka màkè àyaa, nkàà nê, àfɨꞋa a kuêꞋ bòt bu a èbem èsî la àa zə àtɔŋ tò,

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Efesɔ̀s 2:5

tè ngɨ̀ awa wu ba li ngu bòt bɔ pfəꞋte a mbì tò la, ba tsiꞋi bòt yu̧ ba Yesò Klistò ba. Ba pem nkàà a ntsɔ̧̀ Mbɔ̧ɔ̧mà wu tà nyɨꞋte abua ya la.

Jɔ̌n 4:23

Àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa ngule bòt bɔ̀ɔ ngùꞋtà Mbɔ̧ɔ̧mà la, àa wùꞋte atò ane èntɨ̧ɨ̧ wɔb nè nkûŋ yɔb ègème la. Eyaa wu èwuu bòt Mbɔ̧ɔ̧mà nàa nkɨà awɔb bɔɔ me wùꞋtè àvi la.

Ètsə 3:1

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sadìs la nê: ‘Eyaa mèngǎ̧ wòt wu tà bɔ fote Mbɔ̧ɔ̧mà tu tesà̧à̧mbe nè těnto̧ tu tesà̧à̧mbe la. Mâ ko èghɨ bɨ̀a ngɨ̀à la, bòt aà ndzèa wɨ̧ nê bɨ wu bòt yu̧, ka bɨ bɔ ngu bèmpfəà.

Jɔ̌n 8:47

Wòt tà wu wê Mbɔ̧ɔ̧mà la nàà njùta mèngǎ̧ tò. Lə yu bɨ̀a ka kɨ eyute mèngǎ̧ mbɔŋ la wu nê, bɨ ntsě bòt Mbɔ̧ɔ̧mà.”

Kɔ̀losìà 2:13

È lè wu àfɨ̀Ꞌ àko, bɨ wu mbɨ̀Ꞌɨ̀ bòt bɔ pfəꞋte la a mbì Mbɔ̧ɔ̧mà ndɨ̀ wu bɨ̀ le wua ngɨa kàbɔ̀ŋ, mè ngu bòt kà ko a Mbɔ̧ɔ̧mà, bɨ̀ ka ko mbɨ̧te Musì la. Ka Mbɔ̧ɔ̧mà è yu̧u̧me àwɨ̧ àfɨ̀Ꞌ yaa, ŋà wɨ̧ mèmpème bɨ Yesò Klistò ba. Mbɔ̧ɔ̧mà li ngwaꞋa mènəè kàbɔ̀ŋ ma bǎgème.

Efesɔ̀s 2:1

È li ngu àfɨꞋa mbì, bɨ wu bòt bɔ pfəꞋte la a mbì Mbɔ̧ɔ̧mà, nkàà ndɨ bɨ li ngua nkwèèla àtsə abua Mbɔ̧ɔ̧mà ngɨa kàbɔ̀ŋ la.

Lûm 6:4

Ale, bɔ li ntu awa baa tò ba nɔ̂, afɨꞋa bɔ zì awa a èdzî la ale, a wu nê ba li mpfə baa tò ba. A li ngu anè mbɨ̀Ꞌɨ̀ ba tsiꞋi e mě me tseke ane mèntsèke fi, wuê mbɨ̀Ꞌɨ̀ Yesò Klistò li njù̧ù̧me ane ènɨ̧ Tǎt wa Mbɔ̧ɔ̧mà la.

Jɔ̌n 8:43

Bɨ ghɨ̀ na bɨ̀ ka ko ànəa e shua la à? Wu nê bɨa kà mbê nkɨ ezə èngǎ̧ am.

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Lûk 15:24

Na waã am waa lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, tà lè lɔ̂Ꞌ nyɔ̂, ka nè àfɨ̀Ꞌ yaa mâ ye atò.” Tà làꞋ ale, bɔ bùꞋ me wùꞋtè àwɔb.

Lûk 9:60

Yesò shu abua tò nê, “TsiꞋ èpfəꞋte bòt è tu bèmpfəà bɔb. Ka è me wu awê, à ghà me tsɔ̀te ntu̧ Kèfɔ̧̀ Mbɔ̧ɔ̧mà.”

Jɔ̌n 4:21

Yesò shuê abua tò nê “Àvi wa, bɨ̧ɨ̧ne ànəa e shua la, nkàà nê àfɨ̀Ꞌ aa nkɨ̀Ꞌa kà bòt e wu tsi me wùꞋte Mbɔ̧ɔ̧mà a ègwet èbȩ la, kò a Jèlusalèm leꞋ.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Jɔ̌n 17:1

Mbɨ̀Ꞌɨ̀ Yesò làꞋà mèngà̧ maa la, tà lɔ̀kè àvi ndȩ̀ ègwet nê: “Tê, àfɨ̀Ꞌ yu a kuêꞋ, ghɨa bòt è ye ènɨ̧ Waã wè, mbɨ̀Ꞌɨ̀ Waã wè naa ghɨ̌ bòt aa ye ènɨ̧ wê mɨ̧̂.

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Jɔ̌n 6:60

Tà làꞋa èngà̧ waa ale bòt nyaŋ ane bɔkatè tò e zə nê, èngǎ̧ mbɔŋ e ghe àa nkwèèla la, tè betsiꞋa waa bɨ̧ɨ̧ne wùà?

Jɔ̌n 9:27

Tà bɨ̀ɨ̀lè nê “Mâ shua wɨ̧ tè ndɔ̀Ꞌ ka bɨ̀ ka wua nkɨ eyute. Bɨ̀ meè nkɨ zə ghàà? Bɨa nkɨ wu bɔkatè tò mɨ̧̂?”