Jɔ̌n 3:6 - Mundani

⁶ Wɔ̀bȩ̂ nàa ngɨ̀ tà bi wekǒ, ŋut wu wuê wɔ̀bȩ̂, ka Fo Mbɔ̧ɔ̧mà bi wòt, ŋut wu tsiꞋi waã Mbɔ̧ɔ̧mà.

Jɔ̌n 3:6 Referans Kwoze

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

1 Jɔ̌n 3:9

Waa waa tà wù Waã Mbɔ̧ɔ̧mà la nàà kà tsi ngɨ a kàbɔ̀ŋ, nkàà nê ŋut e nɔ̀ŋe èngǎ̧ Mbɔ̧ɔ̧mà a èntɨ̧ɨ̧ vi, tà kà tsi ngu e ghɨ̌ a kàbɔ̀ŋ nkàà nê tà wu Waã Mbɔ̧ɔ̧mà.

1 Kɔlìn 6:17

Ale, wòt tà tsəꞋne ne Tè Yesò la tsiꞋi àghɨ yeamɔꞋ bɔ̂ tò a èntɨ̧ɨ̧ vi.

Lûm 7:18

Mâ ko nê àghɨa ntsɔ̧̀ àko a ntsě ane yaã mmɔ̌ wɔ̀bȩ̂. Maà nkɔ̀ŋkà a màngɨa ntsɔ̧̀, ka è nka wua nkòâ ngɨ̀à wùà.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Kɔ̀losìà 2:11

Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Jɔ̌n 1:13

Ka bɔ me wu bɔ̧ Mbɔ̧ɔ̧mà ale, è kà wu wɔ̀bȩ̂ tà bi awɔb bɔ tsiꞋi àlo̧ atò la, è kà mê ngu wɔ̀bȩ̂ ka tà ghɨ̀ a wu ale la. Wu Mbɔ̧ɔ̧mà zìambɔŋ ka tà ghɨ̀à wɔb bɔ tsiꞋi bɔ̧ tò la.

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

Lûm 7:25

Mâ kɔ̀ŋke a Mbɔ̧ɔ̧mà nê wu Yesò Klistò Lefɨ̀Ꞌ wa ka betsiꞋa tà ghɨ̀ ba pem la. Ale, ane abà ako màa ngɨ̀ e me kɨ ghɨ àghɨa mbɨ̧ Mbɔ̧ɔ̧mà kɨa la a èntɨ̧ɨ̧ am, ayea ko nè abà e me ghɨ wuê a kàbɔ̀ŋ wu mbɨ̧̀ yaã nàa nkɨà la.

Jɔ̌n 3:7

Ko mbɨ̀Ꞌɨ̀ e nê, bɔ bɔ ndɨ bɔ̀ɔ mě bi wòt a membǐ fi la ale, ànəa mbɔŋ a me tsè àwê.