Bib sou entènèt

« Previous

Jɔ̌n 3:35 - Mundani

³⁵ Mbɔ̧ɔ̧mà nàà nkɔ̀ŋkà Waã vi tè ndzì èghɨ ègème a tèkitebu tò.

Gade chapit la Kopi

« Previous

tounen moute ⬆

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Gade chapit la

Jɔ̌n 5:22

Tǎt nàà kà saꞋa mènəè wòt. Tà ŋa mètàŋ mà saꞋa mènəè bòt ègème abua waã,

Gade chapit la

A wu anè nkàà nê, tǎt è kɔ̀ŋkè waã tè nyɨ̀Ꞌte atò, àghɨ àgème tòà zìambɔŋ nàa ngɨa la. Tàà nyɨꞋte atò fɔ̀ɔ̀le èghɨ e taꞋa tsè è baa la taa ghɨ̌, tê ànəa mbɔŋ aa taꞋa tsè àwɨ̧ bɨ̀agème.

Gade chapit la

Lûk 10:22

“Tǎt am è ŋa èghɨ ègème abua am. Wòt kǒ tà lâ ko àghɨa waã wu yùà kà wu tǎt tò la è ntsě; wòt kǒ tà meè ndâ ko a tǎt waã kà wuê waã mbɔŋ la ka wuê, nè bòt waã wu è kɔ̀ŋkè nê bɔ̀ ko atò la.”

Gade chapit la

Jɔ̌n 17:2

Ghɨ̀ ale nkàà nê, à ŋa atò mètàŋ a ègwet bòt bàgème, nê tà ŋa mèmpème kàlìà abua bòt bu bàgème à ŋa abua tò la.

Gade chapit la

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Gade chapit la

Efesɔ̀s 1:22

Mbɔ̧ɔ̧mà zi èghɨ ègème a èten èka Yesò Klistò. Tà wu a ègwet àghɨ àgème, wuê mbɨ̀Ꞌɨ̀ tà wu àtsəa bòt chɔsì la mɨ̧̂.

Gade chapit la

Jɔ̌n 13:3

Yesò me wu azi ale nko nê, tǎt vi zǐ èghɨ ègème a tèkitebu ti, mè nko nê ye dzə abua Mbɔ̧ɔ̧mà, mè me wu anè ngua ntsiꞋa ngwèna abua tò.

Gade chapit la

1 Pità 3:22

Yesò ghǎ a ègwet, tè ngu àbâ àbualu̧ a Mbɔ̧ɔ̧mà tà tseke la, nè bɔntu̧ Mbɔ̧ɔ̧mà nè ghàa ghàa a ègwet a bɔ àtɔŋ nè mètàŋ la a wu a èten tò.

Gade chapit la

1 Kɔlìn 15:27

Àkata Mbɔ̧ɔ̧mà a laꞋnê, “Mbɔ̧ɔ̧mà zǐ èghɨ ègème a èten èka tò”, ka àa me shu ale, à ka wu nê Mbɔ̧ɔ̧mà wu tà zǐ èghɨ ègème a èten èka Yesò Klistò la wu a eten èka tò mɨ̧̂.

Gade chapit la

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

Gade chapit la

Jɔ̌n 17:26

Mâ ghɨ̌ bɔ ko wòt à wu wùà la, mè ngu ghɨ̌ bɔɔ me koa nɨa ngà nè mbì, mbɨ̀Ꞌɨ̀ bɔɔ me kɔ̀ŋkà am wuê a èlɨ̀ wu àa nkɔ̀ŋkà am la, e mě ghɨ̌ maa tsiꞋi àghɨ yeamɔꞋ nè nɔ̀b.”

Gade chapit la

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Gade chapit la

Jɔ̌n 15:9

“Mbɨ̀Ꞌɨ̀ Tǎt am nàa nkɔ̀ŋkà am la, wu, wuê a èlɨ mbɔŋ màa nkɔ̀ŋkà àwɨ̧ la mɨ̧̂. Bɨ̀ zìa wɨ̧ ane yaã, mbɨ̀Ꞌɨ̀ maa me kɔ̀ŋkè àwɨ̧.

Gade chapit la

Matìù 17:5

Tà bela ndàꞋà ale, mbàꞋ kèfə kǒ kɨꞋɨ̀ nkàbte awɔb, bɔ me zə àtɔŋ a tse a èbem mbàꞋ yu nê, “Eyaa wu waã èkɔŋ am, èntɨ̧ɨ̧ am e taꞋa wua mbɔ̀ ane tò, bɨ yute èngǎ̧ tò.”

Gade chapit la

Matìù 3:17

Bɔ̀ ghɨ̀ ale, bɔ̀ me zə, àtɔŋ a tsè a ègwet nê “Eyaa wu waã èkɔŋ am; èntɨ̧ɨ̧ am e taꞋa wua mbɔ̀ ane tò.”

Gade chapit la

Swiv nou:

Lyen patwone

Piblisite

Jɔ̌n 3:35 - Mundani

Jɔ̌n 3:35
25 Referans Kwoze

Matìù 28:18

Jɔ̌n 5:22

Jɔ̌n 5:20

Lûk 10:22

Jɔ̌n 17:2

Matìù 11:27

Efesɔ̀s 1:22

Jɔ̌n 13:3

1 Pità 3:22

1 Kɔlìn 15:27

Ebùlù 1:2

Jɔ̌n 17:26

Jɔ̌n 17:23

Jɔ̌n 15:9

Matìù 17:5

Matìù 3:17

Jɔ̌n 3:35 - Mundani

Jɔ̌n 3:3525 Referans Kwoze

Jɔ̌n 3:35
25 Referans Kwoze