Bib sou entènèt

Jɔ̌n 3:27 - Mundani

²⁷ Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.

Gade chapit la Kopi

tounen moute ⬆

Jɔ̌n 3:27
27 Referans Kwoze

Jimsì 1:17

Àghɨa ntsɔ̧̀ àgème nè àghɨ àgème a ghe la àa ndzəèà nè ègwet abua Tǎt wa Mbɔ̧ɔ̧mà wu tà ghɨ mèkàꞋà mu a ègwet la. Ka tòà zìambɔŋ nàà kà kùbtê, tà kà mèe ngua ngèbla mbɨ̀Ꞌɨ̀ mèkàꞋà mbɔŋ àfɨꞋa ko e ghɨ̌ ndzěm naa kwene.

1 Kɔlìn 4:7

Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

Matìù 25:15

Tà li ŋà bètɔsì batà̧â̧ abua wekǒ, ŋà bètɔsì babe abua wekǒ, mè ŋà tɔsì wemɔ̀Ꞌ abua wekǒ, mbɔ̂ ŋa ndɨ mètàŋ wòt ègème ane yɔb nyɨꞋte la. Mbɔ̂ ndzəè ngà à lèghȩ̀ȩ̀nè wu.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

Matìù 21:25

Wàa ka tà li ntsà a Jɔ̌n nê tà me zǐ bòt a èdzî la à? È li ngu Mbɔ̧ɔ̧mà kò wuê bɔbȩ à?” Bɔ zə ale, mbùꞋ me kààne a kètsìà wɔb shua nê “Bàa laꞋ nê ghàà? Ba wu anè nê ‘Mbɔ̧ɔ̧mà’, ko taa biite awa nê, ‘a wu ale ghǎ a ghɨ̀ ka bà ka bɨ̧ɨ̧ne èngǎ̧ tò à?’

Lûm 12:6

Ale, bàà me nɨ mèghàb mu tsa tsa Mbɔ̧ɔ̧mà nɨa ntsɔ̧̀ vi ŋa abua ya la fàꞋà. Èwe wòt nè èghàb è wu màndaꞋa àtɔŋ Mbɔ̧ɔ̧mà, tà me làꞋa ane èlɨ tà ko nê Mbɔ̧ɔ̧mà shu avi la.

Ntu̧ Ntsɔ̧̀ MAK 13:34

ÀfɨꞋa mbɔŋ aa li wu mbɨ̀Ꞌɨ̀ wòt tà me dzəè àpfəè azi ngà a lèghȩ̀ȩ̀nè, ngàbtè àfàꞋ abua bɔfàꞋ bi nê bɔ̀ tsiꞋi me ghɨ̌, mbɔ̂ shu abua wòt wu a ètsələèꞋ la nê, tà me baabe èdziꞋ la.

Efesɔ̀s 1:1

Letà Pɔ̂l wantu̧ Yesò Klistò Mbɔ̧ɔ̧mà è ghɨ̂ ane mènkɔ̀ŋke mi la. Abua bòt Mbɔ̧ɔ̧mà bu a Efesɔ̀s bɔ̀ tsiꞋi àghɨ yeamɔꞋ nè Yesò Klistò la.

Gàlashìà 1:1

Letà Pɔ̂l wantu̧ Yesò ane mèngɨ̌ Yesò Klistò bɔ̂ Tǎt wa Mbɔ̧ɔ̧mà wu Yesò lè pfə tà yù̧ù̧me atò la. È li è kà ghɨ̂ wɔ̀bȩ̂ tà kà mê ntsè ane wɔ̀bȩ̂ ka nguê wantu̧.

1 Kɔlìn 12:11

Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

1 Kɔlìn 3:5

Àpolòs nàa nè ngu wàà? Pɔ̂l mè ngu wàà? Ba wu wuê bɔfàꞋ Mbɔ̧ɔ̧mà tà li ntsè ane ya ngɨ̀ bɨ zì mèntɨ̧ɨ̧ mɨ̧ ane Yesò Klistò la. Waa waa ane ya nàà ngɨ̀à wuê àfaꞋa Mbɔ̧ɔ̧mà ŋa nê tà ghɨa la.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

1 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà lè lȩ ane mènkɔ̀ŋke mi la, nè wanyɨ wa Sostènès,

Jɔ̌n 6:65

Ale, Yesò nê “Eyaa wu lə yu e ndi shu abua yɨ̧ nê betsiꞋa wòt kà kɨꞋɨ etsiꞋi wòt am kà Tǎt am ghɨ̀ ane ndɨ tàa kɨꞋɨ la.”

Jɔ̌n 10:41

Tà tseke ale, bòt nyaŋ e kuŋe atò nkɨ̀Ꞌɨ̂ me laꞋa a kètsìà wɔb shua nê, “Jɔ̌n li tà ka ghɨ ngɨŋa ànəê, ka ànəê àgème tà li ndàꞋ ane èlen mbê waa la wu nkûŋ.”

Swiv nou:

Lyen patwone

Piblisite

Piblisite