Jɔ̌n 3:17 - Mundani

¹⁷ Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

Jɔ̌n 3:17 Referans Kwoze

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Jɔ̌n 6:57

Tǎt am wu tàa ŋa mèmpème la, e tsàà am, è mè ngu tòà ka tà ghɨ̂ e mbɔ mèmpème la. Wu wuê èlɨ màa ghɨ̌ wòt tà kwele yà̧ ènyit yaã la nàa bɔ mèmpème la.

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

Jɔ̌n 6:29

Yesò bɨ̀ɨ̀lè nê, “Àghɨa Mbɔ̧ɔ̧mà nàa nkɨà nê bɨ̀ me ghɨ la wu nê, bɨ̀ zì mèntɨ̧ɨ̧ mɨ̧ ane wòt wu ye tsàà la.”

Jɔ̌n 20:21

Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”

1 Jɔ̌n 2:2

Yesò Klistò waa wu wòt tà ŋa àtsəa zi nɨŋ nchùꞋù ètsə ba ane bèkàbɔ̀ŋ ba la. Tàa kà ghɨ̀ bɔɔ waꞋa wuê bèkàbɔ̀ŋ ba bàa ndziꞋne, tàà ngɨ̀à bɔ waꞋa kàbɔ̀ŋ waa waa mɨ̧̂.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

Jɔ̌n 11:42

Mâ ko nê àa njùta èngǎ̧ am àfɨ̀Ꞌ àgème, ka e tsiꞋa shua anè nkàà bòt baa bɔ tɨ̧ɨ̧te a si ŋàa la, mbɨ̀Ꞌɨ̀ bɔɔ ko nkûŋ, nkûŋ nê, àwɔ̀ ka à li tsàà am la.”

Jɔ̌n 7:29

Mâ ko atò nkàà nê e ndzəa abua tò, wu tòà ka tà tsàà am la.”

Jɔ̌n 5:45

“Bɨ̀ ka mɨ̀ɨ̀tè nê maa ghǎ a mbì Tǎt am eshu ànəê àtsəa yɨ̧. Musì wu bɨ li nɔ̀ŋè ntɨ̀ yɨ̧ ane tò la, ka tàa shua ànəê àtsəa yɨ̧ la.

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.

Jɔ̌n 1:29

ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.

Jɔ̌n 17:8

Mâ shu awɔb mènəè mu à li ndzi a tèkitebu taã la, bɔ zə mùà nɔŋe a mèntɨ̧ɨ̧ mɔb, mè nko ane nkûŋ nê, e ndzə abua yê, mè mbɨ̧̀ɨ̧̀ne nê, àwɔ̀ ka à tsàà am la.

Jɔ̌n 10:36

BetsiꞋa bɨ shu nê wòt wu Mbɔ̧ɔ̧mà lȩ̀ ntsaa a sitsǎꞋ ŋaà la nàà fɨ̀Ꞌnà àvi ane Mbɔ̧ɔ̧mà na mâ laꞋnê e ngu Waã tò la à?

Jɔ̌n 5:36

“Ka èghɨ màa ngɨ̀à la aà nyɨ̀Ꞌta wòt è ngu wùà la, tè ntsè àghɨa a li nyɨ̀Ꞌte ane ànəa Jɔ̌n li shu ane yaã la, nkàà nê e ngu anè ngɨ̀à èghɨ bu Tǎt am li nê è mpaa ngɨ̀ la. Wu bùà bu èa nyɨ̀Ꞌta nê tòà ka tà tsàà am la.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

Jɔ̌n 5:38

ànəa tò à ka wu a èbem mèntɨ̧ɨ̧ mɨ̧ nkàà nê bɨ bakà zi mèntɨ̧ɨ̧ mɨ̧ ane wòt wu tà tsàà la.

Matìù 1:23

“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Lûk 9:56

Ndɔ̀Ꞌ bɔ̂ tò ba e baãaã èlu̧ nga àpfəè ako tsa.

Jɔ̌n 3:34

Wòt wu Mbɔ̧ɔ̧mà tsàà la, nàà ndàꞋà wuê mèngǎ̧ Mbɔ̧ɔ̧mà nkàà nê, Mbɔ̧ɔ̧mà zǐ Fo zi ane tò nènkèm.

Jɔ̌n 6:38

È nka chua a ègwet e ghɨ̀ àghɨa èntɨ̧ɨ̧ am àa nkɨà la; e nkɨ̀Ꞌa e ghɨ̀ àghɨa wòt tà tsàà am la nàa nkɨà la.

Jɔ̌n 8:11

Àvi wu bɨ̀ɨ̀lè nê, “Wòt ntsě a Tê.” Yesò mè shu abua tò nê, “BetsiꞋa mmɔ̌ mbɔŋ mɨ̧̂ è nka shu nê bɔ̀ bùŋè àwê. Dù me ghǎ, ka à ka tsi ngɨa kàbɔ̀ŋ.”]

Jɔ̌n 17:18

Mbɨ̀Ꞌɨ̀ à li ntsàà am a ngɔ̀ŋ la, wu ndɨ mmɔ̌ mbɔŋ mâ tsàà wɔb a ngɔ̀ŋ la mɨ̧̂.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Jɔ̌n 17:25

“Lefɨ̀Ꞌ, àwɔ̀ wu mènəè mê tɨ̧ɨ̧ ndɨŋndɨ̀ŋ la, bòt ngɔ̀ŋ e bakà ko awê, ka e mbɔ̂ nko awê, bòt bɔ̧ baa e mè nko nê, àwɔ̀ ka à tsàà am la.

Matìù 18:11

[Waã Wòt li ngua nkɨ̀Ꞌa mbɨ̀Ꞌɨ̀ etsǐ bòt bɔ nyɔ la a èbem kàbɔ̀ŋ e ghɨ̌ bɔɔ peme.]