Bib sou entènèt

Jɔ̌n 21:7 - Mundani

⁷ ÀfɨꞋa mbɔŋ, wakatè wu Yesò taꞋa wua nkɔ̀ŋkà tò la shu abua Pità nê, “Wu Tè Yesò!” Mbɨ̀Ꞌɨ̀ Simùn Pità è zə nê wu Tè Yesò la, tà vi ndǐ ègwet zi tà ghɨ̂ me fàꞋa ale ntsì nɔŋe a si la, nkwaã mbɔ̂ nkȩ nteme a èbem *èdzî wu.

Gade chapit la Kopi

tounen moute ⬆

Jɔ̌n 21:7
20 Referans Kwoze

Jɔ̌n 13:23

Wakatè wu Yesò taꞋa wua nkɔ̀ŋkà tò la ko nê ye wu kwàꞋ a ngèt tò tà tseke la,

Jɔ̌n 20:2

Tà lùùla ngà shu abua Simùn wu èlen tò ko wu Pità la bɔ̂ wakatè wu Yesò li ntaꞋa wua kɔ̀ŋkà tò la nê, “Bɔ tsì àpfəꞋta Yesò Lefɨ̀Ꞌ a èbem èsî lu ka bà ka ko àdziꞋa bɔ nɔ̀ŋe à yùà la.”

Jɔ̌n 19:26

Yesò yea nyɨ̌ vi bɔ̂ wakatè wu tàa nkɔ̀ŋkè la bɔ tɨ̧ɨ̧te a ngèt abot la, shu abua nyɨ̌ vi nê, “Mè, eyaa wu waã wè!”

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

Jɔ̌n 21:24

Wu wakatè Yesò waa ka tà ye mènəè maa, ndàꞋà ànəa mùà la; è mè ngu tòà ka tà shɨ mùà a èbem àkatè yaa la. Ba ko nê ànəa tà shɨ la wu nkûŋ.

Jɔ̌n 21:20

Pità ghèble avi ndzè wakatè kǒ wu Yesò taꞋa wua nkɔ̀ŋka tò la tàa nkùŋà àwɔb la. Eyaa wu wakatè wu tà li ntsèke a ngèt Yesò àfɨꞋa bɔ̀ɔ jɨa èghɨjɨ nyèmtèsi la, mbɔ̧̀ɔ̧̀nè àvi, mbììte atò nê, “Tê wòt wu nga efɨ̧ɨ̧ne àwê la wu wàà?”

ÀfaꞋa 10:36

Bɨ koê ntu̧ yu tà lè tsaa abua bòt Izəèlȩê la. Ntu̧ Ntsɔ̧̀ mbɔŋ nàà shua ndɨ baa bɔ àlàŋkè nè Mbɔ̧ɔ̧mà mbɨ̀Ꞌɨ̀ ba zì mèntɨ̧ɨ̧ ma ane Yesò Klistò wu, tà wu Fɔ̧̀ àtsəa bòt bàgème a sitsǎꞋ ŋàa la.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

Lûk 7:47

Maa shua awê nê, ngɨŋa èkɔŋ tà nyɨꞋte la, è nyɨꞋtè nê, Mbɔ̧ɔ̧mà e waꞋa ènyaꞋne kàbɔ̀ŋ tò. Ka waa waa tà ye nê ye bakà ghɨ a kàbɔ̀ŋ ko nyaŋ Mbɔ̧ɔ̧mà nàa waꞋa la, nàà nyɨ̀Ꞌta wuê adziꞋi èkɔŋ.”

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

Ntu̧ Ntsɔ̧̀ MAK 11:3

Wòt bììta awɨ̧ àghɨa bɨ yaa nɨ gha ghɨ̀ la, bɨ nê ‘Tǎt wu nàa nkɨà wùà’, mbɔ̂ mbê ngu paa evəâ wùà.”

Jimsì 2:1

Bɔnyɨ bɔ̧, ndɨ̀ wu bɨ zì mèntɨ̧ɨ̧ mɨ̧ ane Yesò Klistò Lefɨ̀Ꞌ wa wu ènɨ̧ tò e ghe la, bɨ̀ ka me baãaãte bòt ndȩ̀à mèsi.

1 Kɔlìn 15:47

Wòt mbì li ngu wòt sitsǎꞋ, ngu wòt bɔ nɨ ètsaꞋ ka ngɨ̀ atò la, è we kwèn wu wòt ègwet.

Jɔ̌n 20:28

Tɔmasì tɔ atò nê, “Lefɨ̀Ꞌ am, Mbɔ̧ɔ̧mà am!”

Jɔ̌n 20:20

Tà làꞋ ale nyɨ̀Ꞌte awɔb èbu bi bɔ̂ àbâ mbɨ̧̀ àzi. Bɔkatè bu e wùꞋtè àwɔb mbɨ̀Ꞌɨ̀ bɔ ye a Yesò Lefɨ̀Ꞌ la.

Lûk 12:35

“Bɨ̀ tsela àleb a yɨ̧, ntò̧ò̧tè mèkàꞋà mɨ̧ me chɨꞋɨ àghɨa nkɨ̀Ꞌa la,

Jɔ̌n 21:8

Tà kȩ ale, bɔkatè ko bu e me səa tasat wu è lu̧u̧ ne basə la nɨa nkɔꞋɔ aguŋ a èbem ànkànuꞋ yu. Bɔ li bɔ ka tsi ngua èndɨ̌, è li ntsìꞋi wuê mbɔ̀ŋè èmaꞋà èghem yetà̧â̧ bɔ puula aguŋ.

Swiv nou:

Lyen patwone

Piblisite

Piblisite