Bib sou entènèt

Jɔ̌n 21:17 - Mundani

¹⁷ Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Gade chapit la Kopi

tounen moute ⬆

Jɔ̌n 21:17
40 Referans Kwoze

Jɔ̌n 13:38

Yesò bììtè atò nê, “Tè aa pfə ane ànəa am a? KwàꞋ ane nkûŋ tsiꞋ è shu awê nê, lu̧nkɔ̀Ꞌ naa me laꞋ nê yea ntɔa, à tû̧ ngò̧ tetat, nê ye bakà ko am.”

Ntu̧ Ntsɔ̧̀ MAK 14:72

Tà làꞋ ale, lu̧nkɔ̀Ꞌ bê ntɔ nko nê wu ngò̧ tebe. Pità kù̧ù̧te ndɨ Yesò ghɨ̂ shu abua zi nê, “Lu̧nkɔ̀Ꞌ naa me laꞋ nê yea ntɔa ngò̧ tebe à tu̧ ngò̧ tetat nê ye bakà ko am.” Tà kààlà ndèbe a si me dɨ̌.

Jɔ̌n 16:30

Ba ko àfɨ̀Ꞌ yaa nê à ko èghɨ ègème, tè wòt kà lem tsi mbɔ̌ ndɨ tàa mèe me biite àwê ànəa ko kà à shu atò la. Àyaa a ghɨ̂ ba bɨ̧ɨ̧nè nê, à dzəa abua Mbɔ̧ɔ̧mà.”

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

ÀfaꞋa 15:8

Mbɨ̀Ꞌɨ̀ àa ale la, Mbɔ̧ɔ̧mà wu tà ko èntɨ̧ɨ̧ waa waa la, nyɨꞋtè nê, betsiꞋa bòt kà wu Bèjuê e ko ndzì mèntɨ̧ɨ̧ mɔb ane Yesò mɨ̧̂. Tà lè nyɨꞋtè àyaa ane Fo Kèfə yu tà li ndzì ane yɔb wuê mbɨ̀Ꞌɨ̀ tà lè lɔ̂Ꞌ mbɨ̀ ŋa abua ya la.

Jɔ̌n 15:10

Bɨ me ghɨ̀ èghɨ mâ shu la, ko maa me kɔ̀ŋkè àwɨ̧ nɨa ngà nè mbì, wuê mbɨ̀Ꞌɨ̀ Tǎt am nàa nkɔ̀ŋkà am nkàà nê maa ngɨ̀à èghɨ tàa nkɨà la.

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

2 Pità 3:1

Bèshu̧ bɔ̧, eyaa wu ngò̧ tebe e shɨa àkatè abua yɨ̧. E shɨa èkatè mbɔŋ enɨ ku̧u̧te awɨ̧ mènəè mu bɨ ko tê ndɔ̀Ꞌ la, mbɨ̀Ꞌɨ̀ elɔ̀ktè mèntɨ̧ɨ̧ mɨ̧ bɨa bɔ mèmɨ̀ɨ̀te ntsɔ̧̀.

1 Pità 1:6

Ànəa ngoꞋ tu bɨ̀a ndzea àfɨ̀Ꞌ yaa la a màà ngu me saa wɨ̧ ane àtem àfɨ̀Ꞌ àko, bɨ̀ me wùꞋtè wuê awɨ̧.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

ÀfaꞋa 1:24

AfɨꞋa mbɔŋ bɔ tsaꞋte a Mbɔ̧ɔ̧mà nê, “Tê, à ko èntɨ̧ɨ̧ waa waa. NyɨꞋte awa wòt à lȩ̀

Jɔ̌n 18:27

Pità mè ntu̧ nê “ChaꞋ.” KwàꞋ àfɨꞋa mbɔŋ lu̧nkɔ̀Ꞌ bê ntɔ.

Jɔ̌n 18:4

Yesò li nko àghɨa nga e ghɨ̌ ane zi la, ndɔ̀Ꞌ a si nkɨ̀Ꞌɨ̂ a mbì, mbììte awɔb nê, “Bɨ̀ kɨa wà à?”

Jɔ̌n 12:8

Bòt ntseb e wu bɨ tò ba àfɨ̀Ꞌ àgème, è me wu am è ka wu wu ne nɨ̧̀ àfɨ̀Ꞌ àgème.”

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.

Jɔ̌n 21:18

Ane nkûŋ, tsiꞋ è shu awê nê, è li ngu àfɨꞋa à bèlè wakèsà la, à ghɨ̀ à kwǎ̧ ndǐ tê, nga àdziꞋa à kɔ̀ŋkè la, ka aa me ghɨ̀ tê ndèn, ntsìꞋa nyààbà èbu bê, ka bòt tsa e zìà ndǐ a mbɨ̧̀ yê, mbɔ̂ nɨa wê nɨa nga àdziꞋa kà à kɔ̀ŋke eghǎ.”

Jɔ̌n 4:16

Tà làꞋ ale Yesò shuê abua tò nê, “Ghǎ ntɔ lu̧ wê, bɨ tò è kɨꞋɨ adzìꞋ yaa.”

ÀfaꞋa 11:10

A li ngɨ̀ anè ngò̧ tetat, bɔ səè àghɨa ngaa ngwènè a ègwet.

Swiv nou:

Lyen patwone

Piblisite

Piblisite