Jɔ̌n 20:21 - Mundani

²¹ Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”

Jɔ̌n 20:21 Referans Kwoze

Jɔ̌n 13:20

Ane nkûŋ, tsiꞋ è shua wɨ̧ nê, wòt sèe wòt mâ tsǎ atò la, tà ko nê, ye sèà am, èwe tà sèe am la ko nê, ye sèe atò wu tà tsàà am la.”

Jɔ̌n 3:17

Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

Matìù 10:40

“Wòt sèè àwɨ̧, tà ko nê ye sèe am, èwe tà sèè am la, ko nê ye sèè atò wu tà tsàà am la.

Matìù 10:16

“Bɨ̀ zə ntsɔ̧̀, e ngua ntsàà àwɨ̧ àbȩ mbɨ̀Ꞌɨ̀ njɨ̀tsə ayɔɔ ngwitenyà̧. È wu ale, bɨ me yìa mbɨ̀Ꞌɨ̀ ètsɔꞋ, mè me yu ane mènəè mɨ̧ mbɨ̀Ꞌɨ̀ bèbaba.

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Ebùlù 3:1

Bɔnyɨ bɔ̧ bu Mbɔ̧ɔ̧mà làà wa ba nɨ̧̀ ba ayɔɔ bòt nɨ̀ awa ane bòt bi la, bɨ̀ kwàꞋtè èwuu wòt Yesò wu wùà la. Yesò wu wantu̧ Mbɔ̧ɔ̧mà mè ngu àtsəa bèntsìà mèpɨ̧̀ a Mbɔ̧ɔ̧mà yu àa ntɨ̀ŋa wa ane mènəè mu ba bɨ̧ɨ̧nè nê wu nkûŋ la.

Jɔ̌n 20:19

È tseke te me wu àfɨꞋa nyèmtèsi ane àlia mbɔŋ, è wu àlia mbì ane nkàb la, bɔkatè Yesò e wua lob bɔ bù̧ù̧tè ngàbtè mètsələèꞋ ntsèke a èbèm, bɔ̀ɔ mbɔ̀a Bèjuê la. Yesò pùùlà è ntɨ̧ a mbì lɔb nê, “Àlàŋkè à wu ne nɨ̧̀.”

Lûk 24:36

Bɔ̀ bela ndàꞋà, Yesò zìambɔŋ bê saꞋa a kètsìà wɔb, shu abua yɔb nê “Àlàŋkè à wu ne nɨ̧̀.”

Jɔ̌n 20:22

Tà làꞋ ànəê yaa ale, mbɔ̂ ndzèène a ègwet lɔb, shu abua yɔb nê, “Bɨ̀ kò Fo Kèfə.”

Jɔ̌n 20:26

Nkàb è tem, bɔkatè Yesò bu e mè mbù̧ù̧te a èbem lob, Tɔmasì wu bɔ̂ tò ba mɨ̧̂. Bɔ tseke ale mbɔ̂ ngàbtè mètsələèꞋ, ka Yesò bɔ mpùùla ntɨ̧ a kètsìà yɔb nê, “Àlàŋkè a wu ne nɨ̧̀.”

ÀfaꞋa 1:2

eghǎ wu ane àlia Mbɔ̧ɔ̧mà li nɨ atò ngà a ègwet la a èbem àkata mbì am. Mbɔ̧ɔ̧mà li me laꞋ nê yea nɨ atò nga ègwet ale, tà nɨ̌ èyǐ Fo Kèfə nkɨ̀ɨ̀te bòt bu tà li ndàà àwɔb ane bɔntu̧ bi la.

3 Jɔ̌n 1:14

Maà nkwàꞋtà wuê nê, è bele yàŋe kɨꞋɨ eye awê, baa mù mènəè mbɔŋ ane ètsəê.