Jɔ̌n 2:15 - Mundani

¹⁵ Ale, tà nɨ mèliꞋ ngɨ̀ angot nɨŋ fəè àwɔb nè banyà̧ bu bàgème èbem lob Mbɔ̧ɔ̧mà ntsàà àbȩ, mbɔ̂ mpààtè mèkɔꞋ bòt bu nkùbta èkab la mè sàŋè èkab wɔb a si.

Jɔ̌n 2:15 Referans Kwoze

2 Kɔlìn 10:4

Èghɨ bàa nɨa nùà èbet wa la ntsě è bu bɔbȩ àa nɨa nùà èbet la. Ka wu èghɨ èbet bu e bɔ mètàŋ Mbɔ̧ɔ̧mà bàa nɨa ntsòkà èdziꞋi bɔmbù̧ Mbɔ̧ɔ̧mà àa ndò̧ò̧tà la.

Jɔ̌n 18:6

Mbɨ̀Ꞌɨ̀ Yesò shu abua yɔb nê wu zia la, bɔ ghà kwèn, kwèn ndèbte a si.

Matìù 21:12

Yesò nyi a èbem lob nɨ̧ Mbɔ̧ɔ̧mà fəè bòt bu bàgème fɨ̧̀ɨ̧̀nà mè nju̧a èghɨ a èbèm la. Mè mpààtè mèkɔꞋ bòt bu bɔ wua nkùbta mèkab nkɨà àbȩ̀ la, nè batɨ̧ bòt bu bɔ wua fɨ̧̀ɨ̧̀nà banɨ̧̌ ndɨk la.

Jɔ̌n 2:14

Tà nyi a èbem lob nɨ̧ Mbɔ̧ɔ̧mà ndzě bòt fɨ̧̀ɨ̧̀nà mpɔ̀ŋtsə nè njɨ̀tsə bɔ̂ banɨ̧̌ ndɨk la, ka nè bòt bɔ̀ɔ nkùbta èkab bɔ tseke a ègwet mèkɔ̀Ꞌ mɔb la.

Jɔ̌n 2:16

Tà ghɨ̀ ale, tà shu abua bòt bu fɨ̧̀ɨ̧̀nà banɨ̧̌ ndɨk la nê, “Bɨ̀ ŋeꞋe èghɨ bàa nɨŋ ndzə a lob ŋàa. Bɨ̀ ka nɨ lob Tǎt am ngɨ̀, è tsìꞋi àdziꞋa èwen.”

ÀfaꞋa 27:32

Ale, banyà̧ bu e loo mèliꞋ mu bɔ sèle awa ànkànuꞋ wu la, sàŋ è ghà.