Bib sou entènèt

Jɔ̌n 19:11 - Mundani

¹¹ Yesò bɨ̀ɨ̀lè nê, “BetsiꞋa à kà ghɨ̌ àghɨ adù̧ yaã kà Mbɔ̧ɔ̧mà làꞋ nê, à wu ale. Ale, wòt wu tà baãaã am ŋǎ abua yê la, ghɨ ànəa kàbɔ̀ŋ tè ntsè awê.”

Gade chapit la Kopi

tounen moute ⬆

Jɔ̌n 19:11
37 Referans Kwoze

Lûm 13:1

Wòt ègème bɔ ndɨ tàa me zə bòt gɔbmèn bu bɔɔ mbà̧aã àlaꞋ la. Bòt ko bɔ̀ɔ mbà̧aã àlaꞋ kà Mbɔ̧ɔ̧mà bɨ̧̀ɨ̧̀ne la be ntsě, wu Mbɔ̧ɔ̧mà ka tà tsia bòt bu bɔ̀ɔ mbà̧aã àlaꞋ la.

Jɔ̌n 3:27

Bɔ làꞋ ale, Jɔ̌n bɨ̀ɨ̀lè nê, “BetsiꞋa à ka wu ane wòt ale, kà wu Mbɔ̧ɔ̧mà tà ghɨ̀ la.

ÀfaꞋa 2:23

Mbɔ̧ɔ̧mà zìambɔŋ li ndzaŋe làŋke mè nko ndɨ bòt kàbɔ̀ŋ aa li ŋa Yesò abua yɨ̧ la. Bɨ li ngɨ̀ bòt kàbɔ̀ŋ e wu̧u̧te atò a mbɨ̧̀ mbasa, mbùŋè.

ÀfaꞋa 3:13

Mbɔ̧ɔ̧mà wu bètǎt nyaꞋ ba Abàlàghâm bɔ̂ Asàk, nè Jàkɔ̂b e li ngua ntsàꞋtà la, è nyɨꞋtè awa ndɨ Waã vi Yesò li nchɨɨme nguê la. Ka bɨ li ŋǎ atò abua bòt bɔ̀ɔ mbà̧aã àlaꞋ ayɨ̧ la nê bɔ̀ buŋa. Bɨ li ndzì mènəè àtsəa Yesò a mbì Pȩlèt fɔ̀ɔ̀le afɨꞋa tà tu̧ nê bɔ̀ ka mbùŋè a Yesò la.

Jɔ̌n 7:30

Bɔ zə ale, bòt ko abot e me kɨ baãaã tò ka wòt kà ziꞋ mbà̧à̧te atò nkàà nê àfɨꞋa mènəè maa li mbɔ̌ ndɨ nàa ghɨ ane tò la a li à ka ziꞋ nkùꞋ.

Jimsì 1:17

Àghɨa ntsɔ̧̀ àgème nè àghɨ àgème a ghe la àa ndzəèà nè ègwet abua Tǎt wa Mbɔ̧ɔ̧mà wu tà ghɨ mèkàꞋà mu a ègwet la. Ka tòà zìambɔŋ nàà kà kùbtê, tà kà mèe ngua ngèbla mbɨ̀Ꞌɨ̀ mèkàꞋà mbɔŋ àfɨꞋa ko e ghɨ̌ ndzěm naa kwene.

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Jimsì 4:17

Wòt koa ànəa ntsɔ̧̀ tà wu ghɨ̀ la, mbakà ghɨ̀ yùà, tà ko nê ye ghɨa kàbɔ̀ŋ.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

ÀfaꞋa 4:28

Bɔ li mbù̧ù̧tè eghɨ̀ àghɨa à li ndzàŋe ntàŋke nê aa li ghɨ̌ ane mètàŋ mê la. À li nkàꞋ nê aa li wu ale nkàà nê à li nkɔ̀ŋkè.

Matìù 27:2

Bɔ kuule atò ane fȩtsə nɨŋ ngà ndzì a tèkitebu Pȩlèt wu tà wu gɔvanɔ̀ bòt Luêm la.

Ntu̧ Ntsɔ̧̀ MAK 14:44

Lɨ̧̀ wu li ndàŋkè bɔ̂ tò ba nê, “Wòt màa taꞋa atò la, wu ŋut, bɨ̀ mbà̧aã tò. Bɨ̀ baãaã atò ndzia kètsìà wɨ̧ me ghǎ.”

Jɔ̌n 18:3

Judàs kɨ̀Ꞌɨ̂ abot nè àlaã bèshujà, bɔ̂ bèmbaabà lob nɨ̧ Mbɔ̧ɔ̧mà, bètǎt bèntsìà mèpɨ̧̀ Mbɔ̧ɔ̧mà nè Bèfalèsiì e tsàà wɔb la. Bɔɔ nkɨ̀Ꞌa ale mbèà mèkàꞋà bɔ̂ mbȩ̀tsə bɔ tò̧ la, nè èghɨ èbet.

Jɔ̌n 9:41

Yesò bɨ̀ɨ̀lè nê, “Bɨ me wu ale ngu bòt àghɨ àleme ko ànəa mbɔŋ a bakà baãaã wɨ̧ e laꞋ nê bɨ ghɨa kàbɔ̀ŋ; ka ndɨ̀ wu bɨ laꞋnê bɨa ndzea èdziꞋ la, ànəa mbɔŋ a bele àtsəa yɨ̧.”

Lûk 22:53

Maà wu ba nɨ̧̀ ba a èbem lob nɨ̧ Mbɔ̧ɔ̧mà àli àgème, ka bɨ̀ ka mbà̧aã am. Ka eyaa wu àfɨ̀Ꞌ àyɨ̧ nè àfɨꞋa Satàn bɔ mètàŋ mi ègème la.”

Matìù 26:65

Àtsəa bèntsìà mèpɨ̧̀ Mbɔ̧ɔ̧mà yu, a zə ale, sà̧à̧te ndǐ ti nê, “Mbê waa tsiꞋa fɨ̀Ꞌnè àvi ane Mbɔ̧ɔ̧mà. Tè bà mèe nkɨ wòt kǒ tsa ka taa shua wa a kàbɔ̀ŋ tà ghɨ̀ la à? Bɨ zə bɨ̀ambɔŋ ndɨ tàa fɨ̀Ꞌnà vi ane Mbɔ̧ɔ̧mà la!

Jɔ̌n 18:13

Mbɔ̂ mbɨ̀ nɨa tò ngà a mbì Anàs wu tà wu nantsi Kefàs la. Kefàs li ngu àtsəa bèntsìà mèpɨ̧̀ Mbɔ̧ɔ̧mà a èngùꞋu mbɔŋ.

Jɔ̌n 19:10

Pȩlèt shu abua tò nê, “À tu̧u̧ làꞋa abua am kèna à? À bakà ko nê, mâ bɔ mètàŋ e ghɨ̌ bɔɔ sà àwê, mè mbɔ mètàŋ e ghɨ̌ bɔɔ wu̧u̧te awê a mbɨ̧̀ mbasa à?”

Swiv nou:

Lyen patwone

Piblisite

Piblisite