Jɔ̌n 18:8 - Mundani

⁸ Yesò bɨ̀ɨ̀lè nê, “Ka mâ shu abua yɨ̧ nê e ngu tòà? Ale, bɨ wua nkɨà am bɨ tsiꞋ bòt baa e ghà.”

Jɔ̌n 18:8 Referans Kwoze

1 Pità 5:7

Bɨ̀ me zì mènəè ègème nàa ntsèà wɨ̧ la a tèkitebu Mbɔ̧ɔ̧mà, nkàà nê wu tòà ka tàa ndɨ̀ŋkà wɨ̧ la.

Efesɔ̀s 5:25

Bèlu̧, bɨ̀ me kɔ̀ŋkè bèzi bɨ̧ wuê mbɨ̀Ꞌɨ̀ Yesò Klistò li nkɔ̀ŋkè chɔsì tè mpfə ambo wùà la.

2 Kɔlìn 12:9

Ka tà shu abua am nê, “Maa tɨŋe awê. Ntsɔ̧̀ am è kùꞋù abua yê ngu nê bɔɔ mpàa ndzea mètàŋ mɔ̧ ane èghɨ bu àa nyɨ̀Ꞌta nê à bakà bɔ mètàŋ la.” Ale, maa me ghàꞋtè am ane èghɨ bu àa nyɨ̀Ꞌta nê e mbakà bɔ mètàŋ la nè mèngùꞋte mbɨ̀Ꞌɨ̀ mètàŋ Yesò Klistò naa wu adù̧ yaã.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

Jɔ̌n 16:32

Àfɨ̀Ꞌ a bele kùꞋu, a bɔ̂ kùꞋ tè ndɔ̀Ꞌ, bɨ̀a lùùlà am bàgème e ghǎ a èpfəè bɨ̧ tè maa tsiꞋi mmɔ̌ ndziꞋne la, ka è nka wu mmɔ̌ ndziꞋne nkàà nê e ngu ba Tǎt am.

Jɔ̌n 13:36

Simùn Pità bììte atò nê, “Tê, à ghà anè nèŋaà?” Yesò bɨ̀ɨ̀lè nê, “BetsiꞋa à kà kuŋe am àdziꞋa e ngà la àfɨ̀Ꞌ yaa la, mbɔ̂, à bele ka lɔ̀Ꞌɔ ekùŋe am.”

Jɔ̌n 13:1

È li ntsìꞋi àli yeamɔꞋ, àlia èpǎ̧ Màntsea a ègwet a kùꞋ, Yesò ko nê, àfɨꞋa ye bɔ ndɨ yèa sǎ sitsǎꞋ yàa e ghǎ ekwene ane tǎt vi la a tsiꞋa nkùꞋà. Mbɨ̀Ꞌɨ̀ tà yaŋe wua nkɔ̀ŋkà bòt bu è wu bi a ngɔ̀ŋ ŋaa la, tà pàa nyɨ̀Ꞌte èkɔŋ vi ane yɔb tè ngà ndìà.

Jɔ̌n 10:28

Maà ŋǎ wɔb wu bɔ̀ɔ nkuŋà am la mèmpème kàlìà, tè bɔ ka wu li eleme, wòt kà mèe nguê tàa fàà àwɔb a tèkitebu taã la.

Matìù 26:56

ka èghɨ bàagème e tsè ane mbɨ̀Ꞌɨ̀ e ghɨ̌ àghɨa bèndàꞋàtɔŋ Mbɔ̧ɔ̧mà e li shɨŋ a èbem Àkata tò la aa wu nkûŋ.” ÀfɨꞋa mbɔŋ bɔkatè tò bàgème e sa tò ndùùlà.

Jɔ̌n 18:7

Tà mè mbììte awɔb nê, “Bɨ laꞋnê bɨ kɨa wà leè?” Bɔ bɨ̀ɨ̀lè nê, “Yesò wòt Nazàlet.”

Jɔ̌n 18:9

Àyaa a li ntsè anè mbɨ̀Ꞌɨ̀ e ghɨ̌ mèngà̧ mu tà li shu abua Mbɔ̧ɔ̧mà la naa te. Tà li nê, “Ka wuê wòt wemɔ̀Ꞌ ane bòt bu à ŋa abua am la bakà nyɔ̂.”