Jɔ̌n 17:8 - Mundani

⁸ Mâ shu awɔb mènəè mu à li ndzi a tèkitebu taã la, bɔ zə mùà nɔŋe a mèntɨ̧ɨ̧ mɔb, mè nko ane nkûŋ nê, e ndzə abua yê, mè mbɨ̧̀ɨ̧̀ne nê, àwɔ̀ ka à tsàà am la.

Jɔ̌n 17:8 Referans Kwoze

Jɔ̌n 17:14

Mâ shua wɔb èngǎ̧ wê ale, bòt ngɔ̀ŋ e me pààbè àwɔb ndɨ̀ wu bɔ ntsě àghɨ yeamɔꞋ nè bòt ngɔ̀ŋ wuê mbɨ̀Ꞌɨ̀ e ntsě àghɨ yeamɔꞋ nè bòt ngɔ̀ŋ la.

Jɔ̌n 15:15

È nka tsi tɔ awɨ̧ ane bɔ̧ àfàꞋ bɔ̧a, nkàà nê wafàꞋ nàà kà ko ntsèmte tǎt àfàꞋ vi, ka mâ tsiꞋa ntɔ awɨ̧ ane bèshu̧ bɔ̧ nkàà nê, mâ shua wɨ̧ ànəa àgème mâ zə abua Tǎt am la.

Jɔ̌n 16:30

Ba ko àfɨ̀Ꞌ yaa nê à ko èghɨ ègème, tè wòt kà lem tsi mbɔ̌ ndɨ tàa mèe me biite àwê ànəa ko kà à shu atò la. Àyaa a ghɨ̂ ba bɨ̧ɨ̧nè nê, à dzəa abua Mbɔ̧ɔ̧mà.”

Jɔ̌n 16:27

nkàà nê Tǎt am yaŋe wua nkɔ̀ŋkà àwɨ̧, ndɨ̀ wu bɨ̀a mbɔŋ ekɔ̀ŋkè am, mè mbɨ̧̀ɨ̧̀ne nê e ndzəa abua tò la.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

1 Jɔ̌n 4:14

Bàa mbɔŋ e ye mè me làꞋa è shua bòt nê, Tǎt wa Mbɔ̧ɔ̧mà li ntsàà Waã vi mbɨ̀Ꞌɨ̀ Mpemnà bòt ngɔ̀ŋ.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

Jɔ̌n 8:42

Yesò mè shu abua yɔb nê, “Mbɔ̧ɔ̧mà ghɨ̀ ale ndâ ngu tǎt wɨ̧, ko bɨa nkɔ̀ŋkè am, nkàà nê e dzəè abua tò ka nkɨ̀Ꞌɨ̂, è nka kɨꞋɨ àtsə am mmɔ̌ mbɔŋ, tòà ka tà tsàà am la.

Jɔ̌n 14:10

À bakà bɨ̧ɨ̧ne laꞋnê e ngu àghɨ yeamɔꞋ nè Tǎt am, Tǎt am mè ngu àghɨ yeamɔꞋ nè nà̧? Mèngǎ̧ maa e ndàꞋà abua yɨ̧ la ka dzə àtsə am. Wu Tǎt am wu ba tò è wu àghɨ yeamɔꞋ la ka tàa ngɨ̀à e ngɨ̀à mènəè tò la.

Jɔ̌n 12:49

Aa ale nkàà nê è nka laꞋà mènəè è dzəâ àtsəa am la; Tǎt am wu tà tsàà am la ka tà shu am ànəa màa me làꞋa ntsɔ̀tà la.

Jɔ̌n 6:68

Simùn wu èlen tò ko wu Pità la bɨ̀ɨ̀lè nê “Tê, à kɨa nê bà ghǎ abua waa tsa à? Wu ndàꞋ àwɔ̀ ka à bɔ mèngǎ̧ nàa ŋǎ mèmpème kàlìà la.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

1 Kɔlìn 15:1

Bɔnyɨ bɔ̧, maà nkɨ ku̧u̧te awɨ̧ àfɨ̀Ꞌ yaa ànəa Ntu̧ Ntsɔ̧̀ yu e ndi ntsɔ̀te abua yɨ̧, bɨ zə mbɨ̧̀ɨ̧̀nê mê mbaã me kweele adù̧ la.

Jɔ̌n 17:23

Ndɨ̀ wu è ngu àghɨ yeamɔꞋ nè nɔ̀b, à mè ngu àghɨ yeamɔꞋ nè nà̧ la, tsiꞋ bɔ̀ paa ngu àghɨ yeamɔꞋ, mbɨ̀Ꞌɨ̀ e ghɨ̌ bòt ngɔ̀ŋ aa ko nê, àwɔ̀ ka à tsàà am la, e mě ko nê àà nkɔ̀ŋkà àwɔb, mbɨ̀Ꞌɨ̀ àa nkɔ̀ŋkà am la.

Jɔ̌n 17:18

Mbɨ̀Ꞌɨ̀ à li ntsàà am a ngɔ̀ŋ la, wu ndɨ mmɔ̌ mbɔŋ mâ tsàà wɔb a ngɔ̀ŋ la mɨ̧̂.

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

1 Kɔlìn 11:23

E ndi nyɨ̀Ꞌte awɨ̧ àghɨa Lefɨ̀Ꞌ li nyɨ̀Ꞌte am la nê, è li ngu a nyèmtèsi wu bɔ fɨ̧̀ɨ̧̀na Yesò Lefɨ̀Ꞌ la, tà nɨ̀ a bled,

Jɔ̌n 3:33

Wòt tà bɨ̧ɨ̧ne èngǎ̧ tò la, nɨ àyea mbɔŋ nɨŋ nyɨ̀Ꞌte nê ànəa Mbɔ̧ɔ̧mà shu la wu nkûŋ.

Jɔ̌n 3:17

Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.