Jɔ̌n 17:12 - Mundani

¹² Mâ nɨ mètàŋ mu à ŋa abua am la mbààbe awɔb ane àfɨ̀Ꞌ yu maa wu ba tò ba la. Maa bà̧à̧ wɔb ntsɔ̧̀ tè wòt ane yɔb ka nyɔ̂, tè è bəa wòt wu tà bɔ ndɨ tàa nyɔ la, mbɨ̀Ꞌɨ̀ e ghɨ̌ ànəa bɔ shɨ a èbem Àkata Mbɔ̧ɔ̧mà la aa te.

Jɔ̌n 17:12 Referans Kwoze

Jɔ̌n 18:9

Àyaa a li ntsè anè mbɨ̀Ꞌɨ̀ e ghɨ̌ mèngà̧ mu tà li shu abua Mbɔ̧ɔ̧mà la naa te. Tà li nê, “Ka wuê wòt wemɔ̀Ꞌ ane bòt bu à ŋa abua am la bakà nyɔ̂.”

Jɔ̌n 13:18

“È nka laꞋà ŋǎ abua yɨ̧ bɨ̀agème, mâ ko èwuu bòt bu mâ tɔ awɔb la. Ka èngǎ̧ Mbɔ̧ɔ̧mà e bɔ ndɨ àa wu nkûŋ la nê, ‘Wòt ba tò e fɔtè èghɨjɨ la, è gheble te ntsìꞋa nùa am’.

Jɔ̌n 6:37

Waa waa Tǎt am nàa ŋǎ abua am la naa kɨꞋɨ etsiꞋi wòt am, è nka mèe ngu efəâ wòt kǒ tà kɨꞋɨ abua am la.

1 Jɔ̌n 2:19

Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.

ÀfaꞋa 1:25

nê tà nɨ àdziꞋ afàꞋa yaa mbɨ̀Ꞌɨ̀ wantu̧ wê, ndɨ̀ wu Judàs li sàŋ ngà adzìꞋa bɔ̀ɔ ntsɔ̀Ꞌɔ àfaꞋa bòt kàbɔ̀ŋ la.”

2 Tèsàlonikà 2:3

Bɨ̀ ka mbɨ̧̀ɨ̧̀ne wòt kǒ fɨte awɨ̧ ka wuê ane alu̧ kǒ, ngu nê betsiꞋa àlia ngaa à ka kɨꞋɨ̀ tè àfɨ̀Ꞌ yu bòt nyaŋ àa me səèꞋtè àwɔb ane Mbɔ̧ɔ̧mà nè mènəè tò la a kùꞋ. Eyaa wu àfɨ̀Ꞌ yu wòt wu tàa ka bê nkɨ ezə ànəa Mbɔ̧ɔ̧mà ko tsa la nàa pùùlà la. Tà wu wòt wu Mbɔ̧ɔ̧mà nàa li e nyɔŋe atò a èbem èwet la.

Ebùlù 2:13

Tà mê nê, “Maa zì am nènkèm a tèkitebu Mbɔ̧ɔ̧mà.” Mè nê, “Ye am ba bɔ̧ bu Mbɔ̧ɔ̧mà ŋa abua am la.”

Jɔ̌n 17:6

“Mâ ghɨ̂ bòt bu à làà wɔb ayɔɔ bòt ngɔ̀ŋ ŋǎ abua am la e ko awê. Bɔ li ngu bòt bê, ka à ŋà wɔb abua am, bɔ zə èngǎ̧ wè, mbê mè mbɨ̧ɨ̧nê nè èntɨ̧ɨ̧ wɔb wemɔꞋ.

Filìpȩ 2:9

Mbɨ̀Ꞌɨ̀ tà ghɨ̀ ale la, Mbɔ̧ɔ̧mà è lɔke atò ntsàà àdziꞋa a tsě èdziꞋ ègème la, ŋǎ atò èlen e tsè tèlen tègème la.

Ètsə 19:12

Àghɨ a tò a me beꞋe mbɨ̀Ꞌɨ̀ èwet nkòòlâ la, tà mè kwà̧aã ntaãte tèa nyɨ̀Ꞌta mètàŋ tò la nyaŋ àtsə azi. Mè mbɔ̀ èlen ko bɔ shɨ ane tò, wòt kǒ tsa bakà ko ka nè tòà la.