Jɔ̌n 16:10 - Mundani

¹⁰ Bɔɔ li eye àghɨa màngɨa àghɨa Mbɔ̧ɔ̧mà nàa nkɨà la wu yùà la, nkàà nê, e tsiꞋa nga abua Tǎt am, kà bɨ wu tsi eye am.

Jɔ̌n 16:10 Referans Kwoze

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

ÀfaꞋa 3:14

Tà li ŋǎ èntɨ̧ɨ̧ vi wuê ndaꞋa abua Mbɔ̧ɔ̧mà, mè ntɨ̧ɨ̧ ndɨŋndɨ̀ŋ a mbì tò, ka bɨ tsi atò ayɔɔ tè ntsìꞋi shù̧ù̧te a Pȩlèt nê tà yàa wuê wòt tà wu lɨ̧̂ la sàŋ, mbɔ̂ ŋǎ a Yesò bɔ bùŋè.

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

ÀfaꞋa 7:52

Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

Jɔ̌n 5:32

Wòt kǒ nàà və tà tɨ̧ɨ̧ akwene yaã ane ànəê yaa la. E mè nko nê, ànəa tà koê mè me shu ane yaã la wu nkûŋ.

Jɔ̌n 3:14

Mbɨ̀Ꞌɨ̀ Musì li ndɔ̀kè nyà̧kàbɔ̀ŋ yu àlaꞋ a yuube ntsòŋà a ègwet ayɨ̌t la, wu wuê ndɨ bɔ̀ɔ lɔ̀kè Waã Wòt etsoŋa la.

Jɔ̌n 7:33

Bɔɔ ngɨ̀a ale Yesò shu abua bòt nê, “Maa nyaꞋa wù̧ù̧nè ba nɨ̧̀ ba ane ateme àfɨ̀Ꞌ àko ka wène abua wòt wu tà tsàà am la.

Jɔ̌n 16:5

“E ngu anè ngà abua wòt wu tà li ntsàà am la, mbɔ̂ wòt wɨ̧ ka lem mbììte laꞋnê, ‘À ghǎ nè ŋà?’

Jɔ̌n 16:28

E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”