Jɔ̌n 14:2 - Mundani

² Lob Tǎt am taꞋa bɔ mèntàŋ. E tsiꞋa nga anè etaŋke àdziꞋ abua yɨ̧. A ghɨ̂ à ka wu anè ko e mbakà shu awɨ̧ ale.

Jɔ̌n 14:2 Referans Kwoze

2 Kɔlìn 5:1

Ba ko nê mbɨ̧te ènyit ta tàa te wu mbɨꞋɨ̀ bayò bàa ntsèka a èbèm a sitsǎꞋ ŋàa la. Bɔ bùà bayò mbɔŋ ko baa bɔ lob a ègwet kà vəə bɔbȩ. Lob mbɔŋ wu lob Mbɔ̧ɔ̧mà zìambɔŋ è vəə nàa li ewu ane àlia nè àlia la.

Jɔ̌n 13:36

Simùn Pità bììte atò nê, “Tê, à ghà anè nèŋaà?” Yesò bɨ̀ɨ̀lè nê, “BetsiꞋa à kà kuŋe am àdziꞋa e ngà la àfɨ̀Ꞌ yaa la, mbɔ̂, à bele ka lɔ̀Ꞌɔ ekùŋe am.”

Ebùlù 13:14

Bà ghɨ̀ ale, nkàà nê ba bakà bɔ àlaꞋ ako a sitsǎꞋ ŋàa àa li ewu aya ane àlia nè àlia la, ba wua nchɨ̀Ꞌà àpfəè yu nga ekɨꞋɨ la.

Ètsə 21:2

E ndze àpfəèà nɨ̧ a Mbɔ̧ɔ̧mà yu, è wu Jèlusalèm fi la, a lɔ̀Ꞌa abua Mbɔ̧ɔ̧mà a ègwet me chu a si. Bɔ nèètè yùà a tsiꞋi mbɨ̀Ꞌɨ̀ ndzà bɔ wèa tò tà me chɨ̀Ꞌɨ̀ lu̧ vi la.

Ètsə 3:12

Wòt tà kuule èntɨ̧ɨ̧ vi nù tè ntsè la, maa li ghɨ̌ tàa bɔ àdziꞋ a lob Mbɔ̧ɔ̧mà am ane àlia nè àlia. Àfɨ̀Ꞌà ko tàa li sà àdziꞋa mbɔŋ la a ntsě. Maa shɨ èlen Mbɔ̧ɔ̧mà am a èsi tò, nè èlen àdziꞋ yu Mbɔ̧ɔ̧mà am nàa ntsèka, è wu Jèlusalèm fi, è dzəa ègwet abua Mbɔ̧ɔ̧mà am la. Maa shɨ èlen fi laã mɨ̧̂ a èsi tò.

Ebùlù 11:10

Tà li ngua nchɨ̀Ꞌà e ghɨ̌ tseke a èbem àpfəèà nɨ̧ yu Mbɔ̧ɔ̧mà fɨ̀Ꞌtè mbɔ̧̀ɔ̧ zìambɔŋ la, è wu àpfəa àa wu ane àlia nè àlia la.

Jɔ̌n 13:33

“Bɔ̧ bɔ̧, è nka tsi tseke ba nɨ̧̀ ba ane àfɨ̀Ꞌ à seè a. Bɨa me kɨ am, ka tsiꞋ è shua wɨ̧ àfɨ̀Ꞌ yaa àghɨa e ndi shu abua Bèjuê la nê, ‘BetsiꞋa bɨ̀ ka kɨꞋɨ àdziꞋa e ngà la’.

Jɔ̌n 16:4

Ka e shu awɨ̧ mènəè maa mbɨ̀Ꞌɨ̀ è lɔ̀Ꞌɔ è te bɨ ku̧u̧tè nê mâ yaŋe làꞋa ànəa mùà abua yɨ̧. E ndi è nka shu awɨ̧ mènəè maa àfɨ̀Ꞌ yu bɨ li mbùꞋ me kùŋè am la, nkàà nê ba nɨ̧̀ ba e li ngu nɔ̂.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Ebùlù 6:20

Yesò ghǎ a èbèm və a mbì, nkàà àwa. Tà ghǎ abàꞋ və ale, ntsìꞋi taꞋà ntsìà mèpɨ̧̀ Mbɔ̧ɔ̧mà ane àlia nè àlia mbɨ̀Ꞌɨ̀ Mèkizedèk li ngu la.

Ètsə 3:21

“ ‘Wòt kuule èntɨ̧ɨ̧ vi nù tè ntsèà ko maa li ghɨ tàa tseke a ègwet àtɨ̧a kèfɔ̧̀ am ba tò, wuê mbɨ̀Ꞌɨ̀ e ndi kuule èntɨ̧ɨ̧ am nù tè ntsè, Tǎt am ghɨ̀ e ntsèke ba tò a ègwet àtɨ̧a kèfɔ̧̀ tò la.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Ebùlù 9:8

Fo Kèfə wua nɨa èghɨ bàa nyɨ̀Ꞌta wa nê alu̧ a mànga àdziꞋa ntsèm a mbì a Mbɔ̧ɔ̧mà yu bakà zìꞋ ngàꞋa mbɨ̀Ꞌɨ̀ àyò yu à bele la.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

1 Tèsàlonikà 5:9

Mbɔ̧ɔ̧mà li tà kà wua ndàà wa nê ntsǒ zi li nɔ̀ŋke àtsəa ya bà ye ngoꞋ. Tà li ngua ndàà wa mbɨ̀Ꞌɨ̀ e ghɨ̌ Yesò Klistò Lefɨ̀Ꞌ wa naa ŋa awa mèmpème kàlìà.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Jɔ̌n 14:28

“Bɨ zə ndɨ mâ laꞋnê, e tsiꞋa ngà ghǎ, mbɔ̂ ngua nga mèe ekɨꞋɨ abua yɨ̧ la. Bɨa ghɨ̀ ale ngua nkɔ̀ŋkè am, ko bɨa me wùꞋtè àwɨ̧ nê, e tsiꞋa nga abua Tǎt am, nkàà nê tà tsè am.

Lûk 14:22

“WafàꞋ wu kɨ̀Ꞌɨ̂, shu abua tǎt vi nê, ‘Tê, mâ ghà tê ngɨ̀ àghɨa à shu la, ka lob ka lu̧.’