Jɔ̌n 14:10 - Mundani

¹⁰ À bakà bɨ̧ɨ̧ne laꞋnê e ngu àghɨ yeamɔꞋ nè Tǎt am, Tǎt am mè ngu àghɨ yeamɔꞋ nè nà̧? Mèngǎ̧ maa e ndàꞋà abua yɨ̧ la ka dzə àtsə am. Wu Tǎt am wu ba tò è wu àghɨ yeamɔꞋ la ka tàa ngɨ̀à e ngɨ̀à mènəè tò la.

Jɔ̌n 14:10 Referans Kwoze

Jɔ̌n 5:19

Ale, Yesò shuê abua yɔb nê, “Ane nkûŋ, tsiꞋ è shua wɨ̧ nê, betsiꞋa Waã ka ghɨ̂ àghɨ ane mi ne mèmɨ̀ɨ̀te tè è bəa wuê àghɨa tà ye tǎt tò me ghɨ̀ la. Àghɨa tǎt nàa ngɨ̀à la, wu yùà yu Waã nàa ngɨ̀à la mɨ̧̂.

Jɔ̌n 10:38

mbə è ngua ngɨ̀a wuê èghɨ e dzə abua tò la, bɨ bɨ̧ɨ̧ne ànəa e shua la nkàà èghɨ bàa e ngɨa la. Bɨ̀ ghɨ ale mbɨ̀Ꞌɨ̀ eko, aa mèe nyi a ètsə bɨ̧ nê, ba Tǎt am e tsəꞋne te mbê tsìꞋi mbɨ̀Ꞌɨ̀ àghɨ yeamɔꞋ.”

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

Jɔ̌n 12:49

Aa ale nkàà nê è nka laꞋà mènəè è dzəâ àtsəa am la; Tǎt am wu tà tsàà am la ka tà shu am ànəa màa me làꞋa ntsɔ̀tà la.

Jɔ̌n 10:30

Ba Tǎt am e wu àghɨ yeamɔꞋ.”

Jɔ̌n 8:28

ale, tà shu abua yɔb nê, “ÀfɨꞋa bɨ lɔ̀kè Waã Wòt ngù̧ù̧te a mbɨ̧̀ mbasa la, ka bɨ bɔ̂ nko nê, e ngu wòt è ngu wùà la. ÀfɨꞋa mbɔŋ ka bɨ bɔ̂ nko nê, maa kà ghɨ àghɨa ko nè mɔ̧ ne mètàŋ. Maa shua wuê àghɨa Tǎt am wu tà tsàà am la, è nyɨꞋte am la.

Kɔ̀losìà 2:9

Bɨ̀ lùùlà èwuu mènəè maa nkàà nê Yesò Klistò wu bɔ bi atò mbɨ̀Ꞌɨ̀ wɔ̀bȩ̂ la, bê ngu wuê mbɨ̀Ꞌɨ̀ Mbɔ̧ɔ̧mà ane balu̧ bàgème,

Jɔ̌n 17:8

Mâ shu awɔb mènəè mu à li ndzi a tèkitebu taã la, bɔ zə mùà nɔŋe a mèntɨ̧ɨ̧ mɔb, mè nko ane nkûŋ nê, e ndzə abua yê, mè mbɨ̧̀ɨ̧̀ne nê, àwɔ̀ ka à tsàà am la.

Jɔ̌n 5:17

Ale, Yesò shuê abua yɔb nê “Eyaa wu èghɨ Tǎt am nàa ngɨ̀a àfɨ̀Ꞌ àgème la. Mmɔ̌ mbɔŋ mâ bɔ ndɨ màa me ghɨ a èlɨ ngaa la.”

1 Jɔ̌n 5:7

Èghɨ aà betat àa nyɨ̀Ꞌta nkûŋ la:

2 Kɔlìn 5:19

Ànəa ba shua la wu nê Mbɔ̧ɔ̧mà li nɨ èvə Yesò Klistò nɨŋ ngɨ̀ àlàŋkè bɔ̂ bɔbȩ bàgème. Tà li tà kà tsi ngua mpà̧à̧ bèkàbɔ̀ŋ bɔb nɔ̀ŋà àtsəa yɔb, mbɔ̂ ndzì èngǎ̧ vi a tèkitebu ta nê ba me laꞋa shua nê bòt èkɨꞋɨ ngɨ̀ àlàŋkè nè Mbɔ̧ɔ̧mà.

Jɔ̌n 8:38

E ndàꞋà mènəè Tǎt am è nyɨꞋte am la, è me wu awɨ̧ ko bɨ wua ngɨ̀à àghɨa bɨ zə abua wɨ̧ ne tǎt la.”

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Jɔ̌n 7:16

Yesò bɨ̀ɨ̀lè èngǎ̧ wɔb nê “Mènəè maa nyɨ̀Ꞌta la ntsě mɔ̧, wu me Mbɔ̧ɔ̧mà wu tà tsàà am la.

Jɔ̌n 8:40

ka nè àfɨ̀Ꞌ yaa bɨa nkɨ ebùŋè am, mmɔ̌ wu mâ shua wɨ̧ mèngǎ̧ nkûŋ mu mâ zə abua Mbɔ̧ɔ̧mà la. Abàlàghâm li tà kà ghɨ ànəa ko anè.

Jɔ̌n 11:26

wòt ègème tà wu yû̧ mè ndzì èntɨ̧ɨ̧ vi ane yaã la ka wu li tsi epfə. À bɨ̧ɨ̧ne ànəa e shua la à?”

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

Jɔ̌n 14:11

Bɨ̀ bɨ̧ɨ̧ne nê, e ngu àghɨ yeamɔꞋ nè Tǎt am, tǎt am mè ngu àghɨ yeamɔꞋ nè nà̧. Bɨ màà mbakà wu ebɨ̧ɨ̧ne, bɨ bɨ̧ɨ̧ne nkàà mènəè maa è ngua ngɨ̀à la.

Jɔ̌n 14:24

Wòt tàa ka kɔ̀ŋkè am la, nàà kà ghɨ àghɨa màa shua la, mbɔ̂ mèngà̧ maa bɨ zəa la ka dzə àtsə am, wu me Tǎt am wu tà tsàà am la.