Jɔ̌n 13:5 - Mundani

⁵ Tà ghɨ̀ ale, mbɔ̂ ndzì mèleb a èbem èpfəèꞋ mbùꞋ me shùù èka bɔkatè bi bu, nɨa tawèꞋ wu tà kuule a èloŋ li la nɨa ndzòà.

Jɔ̌n 13:5 Referans Kwoze

Lûk 7:44

Ale, Yesò ghèble avi ndɨ̀ŋkè àvi wu mbɔ̂ shu abua Simùn nê, “À ye àvi wàa? Mâ ghɨ̀ nkɨ̀Ꞌɨ̂ a lob yê, à kà shu bòt bê nê bɔ̀ ŋa mèleb è shùù èka bɔ̧. Ka àvi waa shùù èka bɔ̧ ane mèsi mi ndɔ̀Ꞌ ndzòò ane nyemtetsə ti.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Ètsə 7:14

E shu abua tò nè, “Tê, wu àwɔ̀ ka à ko la.” Tà mè shu abua am nê, “Eyaa wu bòt bu bɔ tse a èbem ngoꞋ kèkweelè yu la. Bɔ nɨ àlo̧ Wanjɨ̀ wu shùù ndǐ tɔb tè te fəətè.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

1 Kɔlìn 6:11

ÀbəèꞋ àyɨ̧ ako a li ngu a èlɨ ngaa, ka Yesò Klistò shùù àwɨ̧, ngɨ̀ bɨ tsiꞋi bòt Mbɔ̧ɔ̧mà; bɨ kùꞋu a mbì Mbɔ̧ɔ̧mà nkàà èlen Yesò Klistò Lefɨ̀Ꞌ nè Fo Tǎt wa Mbɔ̧ɔ̧mà.

ÀfaꞋa 22:16

È wu ale, à ka tsi ntsòkè àfɨ̀Ꞌ. Lɔ̀Ꞌɔ a si bɔ zì àwê a èdzî, tà waꞋa a kàbɔ̀ŋ wê mbɨ̀Ꞌɨ̀ àa ntsàꞋtà atò la.’ ”

1 Jɔ̌n 5:6

Wu Yesò Klistò tà li nkɨ̀Ꞌɨ̂ a ngɔ̀ŋ ŋaa nè mèleb bɔ̂ àlo̧ atò a nchɨ̧̀ɨ̧̀te a si la. Tà li tà kà nɨ wuê ndàꞋ mèleb, àlo̧ atò a li nchɨ̧̀ɨ̧̀te a si mɨ̧̂. Fo Mbɔ̧ɔ̧mà yu nàa ka fɨ̀tê la zìambɔŋ è nyɨꞋtè nê eyaa wu nkûŋ.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

Jɔ̌n 19:34

Ka shujà ko bɔ̂ nɨ èghɔŋ sɔ̀ɔ̀bè àbâ mbɨ̧̀ a tò, àlo̧ bɔ̂ mèleb a bê me dzəâ.

Lûk 7:38

ntɨ̧ɨ̧ àdziꞋa Yesò wù la, me dɨ̌, mèsi tò me chua shùa èka tò. Tà ŋɔ̀Ꞌne a si ndzòò èka tò bu ane nyemtetsə ti, èsènè ndɔ̀Ꞌ ndzɔꞋ ane mèwet mu.

Ètsə 1:5

Ntsɔ̧̀ waa nè àlàŋkè yaa a mè dzə abua Yesò Klistò wu tàa ndàꞋà wuê nkûŋ, ndɔ̀Ꞌ ngu wòt mbì Mbɔ̧ɔ̧mà li mbɨ̀ njù̧ù̧me atò, tà mè ngu àtsəa bèfɔ̧̀ bàgème a ngɔ̀ŋ ŋaa la. Yesò è kɔ̀ŋkè àwa nɨ̀ àlo̧ azi è shùù a kàbɔ̀ŋ wa, mbɨ̀Ꞌɨ̀ e ghɨ baa peme.

Jɔ̌n 13:10

Yesò bɨ̀ɨ̀lè nê, “Wòt tà shùù àvi la, è bɔ ndɨ tàa tsiꞋi shùù wuê ndàꞋa èka bi la, ènyit tò ègème e lɔ̂Ꞌ. Ale, ènyit yɨ̧ e lɔ̂Ꞌ, ka è kà wu wòt ègème, ènyit tò e lɔ̀Ꞌɔ̀ la.”

Jɔ̌n 13:8

Pità shu abua tò nê, “BetsiꞋa à ka lɔꞋ àlia shùù èka bɔ̧.” Yesò nê, “E mbakà shuu èka bê, à kà wu wakatè am.”

Jɔ̌n 13:6

Mbɨ̀Ꞌɨ̀ tà shùù tê nkɨ̀Ꞌɨ̂ ndzə ane Simùn wu èlen tò ko wu Pità la, tà bììte a Yesò nê, “À kɨ shùù èka bɔ̧ a Tê?”