Jɔ̌n 12:6 - Mundani

⁶ Tàà mbììta ale è kà lem ngu nê, tàà ŋǎ èghɨ abua bòt ntseb, tà wua mbììta wuê èlɨ wu tà wu tsɔŋ la. Tà li ngu mpàŋa ambè èkab ale, me tsi è we ye kɔ̀ŋke la njɨ̀a vi.

Jɔ̌n 12:6 Referans Kwoze

Jɔ̌n 13:29

Èbeko e me mɨ̀ɨ̀te nê Yesò shu abua Judàs nê, tà gha nju̧ èghɨ bɔ̀ɔ baãaãte àdziꞋa èpà̧ wu la, mbə tà ŋà àghɨa ko abua bòt ntseb, na tà li ngu wòt tàa mpàŋa ambè èkab la.

Jimsì 2:6

Ka bɨa ngwàa bòt ntseb, awɨ̧ bɔ̂ ngua ngɨ̧̀ɨ̧̀nà bòt èkab. Wu bɔ̀ɔ̀ba ka bɔ̀ɔ səèŋnà wɨ̧ nɨ̀a nga a èbem lob èsaꞋa la.

Jimsì 2:2

Bà nɨŋ nê wòt kǒ kwaãaã kèmbàꞋa èkab nè ngule ndìte ntsɔ̧̀, nkɨ̀Ꞌɨ̂ àdziꞋa bɨ̀a mbù̧ù̧tà ane èlen Mbɔ̧ɔ̧mà la, wòt ntseb kwaãaã èbɨꞋte ndǐ nkɨ̀Ꞌɨ̂ àzi mɨ̧̂.

1 Tèsàlonikà 5:22

Bɨ̀ tsì àbu ayɨ̧ ane kàbɔ̀ŋ ègème.

Gàlashìà 2:10

NdàꞋ ànəa bɔ li shu la wu nê, bà me ku̧u̧te bòt ntseb àfɨ̀Ꞌ àgème, è wù àghɨa e ndi ngua mɨɨta è ghɨ̀ la.

1 Kɔlìn 6:10

Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.

Jɔ̌n 10:13

Wɔ̀fàꞋ nàa ngɨ̀ tà me lùùla ale è wu ndɨ̀ wu, èntɨ̧ɨ̧ tò e tsě ane njɨ̀te mbɔŋ nkàà na bɔ ŋa èkab ka tà me baabe la.

Matìù 21:13

Tà ghɨ̀ ale, shu abua yɔb nê “Àkate a Mbɔ̧ɔ̧mà a laꞋ ne, ‘Lob yaã wu lob bɔ̀ɔ me tsàꞋtè am a èbèm la’, ka bɨ nɨŋ ngɨ̀ è tsìꞋi àdziꞋa bètsɔŋ aa nkɨ̀Ꞌa ndɔ̧̀ɔ̧̀tà la.”

Lûk 8:3

Wekǒ nè àvi wu Jòanà wu è wuê vi Chuzà la. Chuzà waa li ngu wantu̧ kèkweelè a ntɔꞋ Fɔ̧̀ Elɔ̀d. Wekǒ wu Sùsanà bɔ̂ bèzi ko nyaŋ. Bèzi bàa e li ngua nɨ̀a èghɨ bɔ bɔ̂ la nɨa ntɨ̀ŋa Yesò bɔ̂ bɔkatè bi.

Jɔ̌n 12:5

“Bɔ yaã ngɨ̀ nà ka bɔ̀ ka fɨ̧ɨ̧ne mèwet maa eŋa èkab mbɔŋ abua bòt ntseb à? Wu mèwet bɔ fɨ̧̀ɨ̧̀nà ko bɔɔ ŋa ane àfaꞋa wòt faꞋa ane èngùꞋebȩ la.”