Jɔ̌n 12:36 - Mundani

³⁶ Bɨ̀ zǐ èntɨ̧ɨ̧ wɨ̧ ane wòt wu tàa ngɨ̀à èkaꞋà e wua la, àfɨ̀Ꞌ yaa bɨ̀ wu ne tò la, mbɨ̀Ꞌɨ̀ etsiꞋi bòt bɔ̀ɔ ntsèka a èbem èkaꞋà la.” Yesò laꞋà èngà̧ waa abua bòt ale, ndɔ̀Ꞌ abot ngà ndò̧ò̧tè àwɔb.

Jɔ̌n 12:36 Referans Kwoze

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

1 Tèsàlonikà 5:5

Bɨ̀agème wu bòt bɔ̀ɔ ntsèka a èbem èkaꞋà, ngȩ̀ȩ̀nà a èbem àbȩ nèngû̧ la. Baa kà tseke mbɨꞋɨ̀ bòt bɔ̀ɔ ngɨ̀à mènəè mɔb ètsəꞋ a èbem ndzěm la.

Jɔ̌n 8:59

Mbɨ̀Ꞌɨ̀ tà làꞋ ale la, bɔ wȩȩtè àti nê bɔ kɨ etemte atò ebùŋe tà bəètê àghɨ ayɔb, ndzə a èbem lob nɨ̧ Mbɔ̧ɔ̧mà yu nga àbȩ.

Lûk 16:8

“Tǎt àfàꞋ wu bɨ̧ɨ̧ne ànəa waã àtsəa àfàꞋ bèyuŋ wu è ghɨ̀ la nê tà lâ mbɔ̂ èyì. Nkàà nê, bòt ngɔ̀ŋ yaa aa ngɨ̀à mènəè mɔb ane bèyuŋ tè ntsè bòt Mbɔ̧ɔ̧mà.

Jɔ̌n 11:54

Àyea mbɔŋ a ghɨ̀, Yesò kà wua ntsia ngȩȩne ayɔɔ Bèjuê ane ndɨ bɔ̀ɔ ye atò la. Tà lɔꞋɔ abot ntsiꞋi ghǎ Eflèm, è wù adzìꞋ ako a ngèt àbâ àlaꞋ àyuube la bɔ̂ bɔkatè bi etseke a èbem àpfəèa mbɔŋ.

Jɔ̌n 1:7

tà kɨ̀Ꞌɨ̂ shu bòt àghɨa ye ko ane ànəa wòt wu tà wu èkaꞋà la, mbɨ̀Ꞌɨ̀ bòt bàgème aa zə ezǐ mèntɨ̧ɨ̧ mɔb ane ŋut.

1 Tèsàlonikà 5:8

Ka è me wu awa wu bàa ngȩ̀ȩ̀nà nèngû̧ la, bà me kuule ènyit ya, ndzì mèntɨ̧ɨ̧ ma ane Yesò mè mbɔ èkɔŋ. Màngɨa ale naa wu mbɨ̀Ꞌɨ̀ ba kwaãaã ndǐ àtɨ̧ɨ̧na yu bèshujà àa nkwà̧aã nɨa nkàbta bèghèmnà bɔb ka nga èbet la. Mèe nɔ̀ŋè ntɨ̀ ya me chɨ̀Ꞌɨ̀ àli yu Yesò Klistò nàa li kɨꞋɨ e ghɨ̌ baa peme la, è wu mbɨ̀Ꞌɨ̀ ntà̧ bɔ ghɨ ane àtɨ̧ɨ̧na baa kwaãaã la.

Jɔ̌n 3:21

Ka wòt tàa ngɨa mènəè nkûŋ la, nàà nkɨ̀Ꞌa a èbem èkaꞋà mbɨ̀Ꞌɨ̀ bɔɔ tsène eye ntsɔ̧̀ nê tàà ngɨ̀à àghɨa Mbɔ̧ɔ̧mà nàa nkɨà la.

Matìù 21:17

Yesò làꞋ ale sà àwɔb ndzəè a èbem àpfəèà nɨ̧ yu ngà ndi a Betanì.

Matìù 5:14

“Bɨ wu mbɨ̀Ꞌɨ̀ èkaꞋà ayɔɔ bòt sitsǎꞋ. BetsiꞋa bɔ ka və taꞋà àpfəè a ègwet èkɔŋ a lò̧ò̧tè.

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

Jɔ̌n 12:37

Yesò batè ngɨ̀ tèwuute ènəê kà ye fɨ̀Ꞌ ayɔɔ bòt baa ale, ka bɔ̀ ka lem ndzì èntɨ̧ɨ̧ wɔb ane tò.

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.