Jɔ̌n 12:26 - Mundani

²⁶ Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Jɔ̌n 12:26 Referans Kwoze

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

Kɔ̀losìà 3:24

Bɨ̀ me ghɨ ale ndɨ̀ wu bɨ ko nê, Tè Yesò naa li eŋa wɨ̧ àghɨa tà paŋe abua bòt bi la ane àbȩ̀ a yɨ̧, nkàà nê wu Tè Yesò Klistò ka tà wu ngule wòt bɨ faꞋa abua tò la.

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Jɔ̌n 10:27

Njɨ̀ taã teà ndzəa ànəa màa shua la, e mè ndâ nko awɔb, te mè me kùŋè am.

2 Kɔlìn 5:8

Ale, baa ngùꞋtà wa mè ndâ nko nê, aà mbɔ̀ nê bà sǎ mbɨ̧te ènyit ta tàa ngà ngu nè Tǎt wa Yesò Klistò àdziꞋa tà wù la.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

1 Jɔ̌n 5:3

Àghɨa àa nyɨꞋte nê baa nkɔ̀ŋkà Mbɔ̧ɔ̧mà la wu màngɨa mènəè tà shu la. Mbɔ̂ betsiꞋa mènəè tò ngaa ka tse awa a màngɨa,

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Jɔ̌n 15:20

Bɨ̀ ku̧u̧te èngǎ̧ wu mâ yaã shu abua yɨ̧ la, wafàꞋ bakà tse a tǎt àfàꞋ vi. È wu nê bɔ li ngua nkɨà àtsəa am enɨ, ko bɔɔ me kɨa ayɨ̧ enɨ mɨ̧̂. È wu nê, bɔ li ngɨ̀ mbɨ̀Ꞌɨ̀ èngǎ̧ am e shua la, ko bɔɔ̀ me ghɨ̌ mbɨꞋɨ̀ bɨ shu la mɨ̧̂.

Lûk 6:46

“Ghǎ ghɨ̂ bɨ me tɔ am nê, ‘Tê, Tê,’ ka bɨ̀ ka wua ngɨ̀à àghɨa màa shuà la à?

Filìpȩ 1:23

A baãaã am ebà bebe. Maa nchɨ̀ɨ̀ma nkɨ esǎ ngɔ̀ŋ yaa eghǎ kwene ane Yesò Klistò è wû kwàꞋ ànəa ntsɔ̧̀ la.

Jɔ̌n 14:3

Maa me ghɨ̀ tê ngà ntàŋke àdziꞋ abua yɨ̧, mbɔ̂ nkua akwèn nkɨ̀Ꞌɨ̂ nɨa wɨ̧ ba ghà nɔ̂, mbɨ̀Ꞌɨ̀ bɨa tseke ayɨ̧ àdziꞋa e ngu la mɨ̧̂.

Jɔ̌n 13:16

KwàꞋ ane nkûŋ tsiꞋ è shua wɨ̧ nê, WafàꞋ bakà tse a tǎt àfàꞋ vi, wantu̧ ka tsè a wòt wu tà tu̧a tò la.

Lûk 9:23

Tà shu abua yɔb bàgème nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi àlia àgème nkùŋè am.

Matìù 25:21

“Tǎt àfàꞋ wu shu abua tò nê ‘E wu la, à wu ngule wafàꞋ àa ngɨ̀à àfàꞋ àyê ntsɔ̧̀ la. Mbɨ̀Ꞌɨ̀ à baãaãte àdziꞋ èkab wàa ntsɔ̧̀ la, maa tsia wê àtsəa èghɨ nyaŋ. Nyi a lob ba nè è fɔte ngùꞋtè àwa.’

Ètsə 14:4

Bòt baa wu bòt bu bɔ nɔ̀ŋè ènyit yɔb ntsɔ̧̀, bɔ̀ ka li mè paꞋte àvi la. Bɔ li ngua nkùŋà Wanjɨ̀ wu àdziꞋ àgème tàa ngà la. Eyaa wu bòt bɔ làà àwɔb nchùꞋù ètsə bɔb ayɔɔ bɔbȩ, mbɨ̀Ꞌɨ̀ èghɨ mbì bɔ fuꞋu ŋa abua Mbɔ̧ɔ̧mà bɔ̂ Wanjɨ̀ wu e nɨ nyɨꞋte nê èbu bɔ̀ bele ka fùꞋù la e wu abua tò la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Jɔ̌n 21:22

Yesò bɨ̀ɨ̀lè nê, “E nkɔ̀ŋkè nê, tà tseke yû̧ tè e ndi nkɨ̀Ꞌɨ̂, àyê adù̧ wu ghà à? Kùŋè am.”

Jɔ̌n 14:15

“Bɨ me kɔ̀ŋkè am, ko bɨa me ghɨ̀ àghɨa mâ shu nê bɨ̀ ghɨa la,

Ntu̧ Ntsɔ̧̀ MAK 8:34

Tà ghɨ̀ ale, tà tɔ ènɔ̧̂ bòt bu nè bɔkatè bi shu abua yɔb nê, “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Matìù 16:24

ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Lûk 12:37

Ntsɔ̧̀ wu bɔfàꞋ bu tǎt wɔb nàa me kua bɔɔ bele àtatsi nchɨ̀Ꞌà atò la. Ane nkûŋ, tsiꞋ è shu awɨ̧ nê tà kɨ̀Ꞌa ko taa kuule àleb azi, ebɔ ghɨ̌ bɔɔ tseke a si, tàa fàꞋa abua yɔb.