Jɔ̌n 11:45 - Mundani

⁴⁵ Mbɨ̀Ꞌɨ̀ Bèjuê bu bɔ nkuŋa Màlià ngà la, e ye àghɨa Yesò ghɨ̀ la, àbəèꞋa yɔb nyaŋ a zì èntɨ̧ɨ̧ wɔb ane to.

Jɔ̌n 11:45 Referans Kwoze

Jɔ̌n 11:19

Ale, àbəꞋa Bèjuê nyaŋ a lɔꞋɔ abàꞋ və nkɨ̀Ꞌɨ̂ mbɨ̀Ꞌɨ̀ ezi mèntɨ̧ɨ̧ Màta bɔ̂ Màlià ane ànəa èvə wanyɨ wɔb.

Jɔ̌n 2:23

Mbɨ̀Ꞌɨ̀ Yesò wua Jèlusalèm àfɨꞋa èpǎ̧ Màntsea a ègwet la, bòt nyaŋ e zì mèntɨ̧ɨ̧ mɔb ane èlen tò mbɨ̀Ꞌɨ̀ bɔ ye mènəè kà ye fɨ̀Ꞌ mu tà ghɨ̀ la.

Jɔ̌n 12:42

A li mbàte ngu anè ale, ka bɔɔjuŋ nyaŋ ayɔɔ Bèjuê bu e bɔ̂ ndzì èntɨ̧ɨ̧ wɔb ane Yesò ka ndɨ̀ wu bɔ̀ɔ mbɔ̀a Bèfalèsiì la, bɔ̀ ka nɨ ètsəê wɔb elàꞋa bòt aa zə, mbɨ̀Ꞌɨ̀ ka bɔ fəè àwɔb a èbem lob Mbɔ̧ɔ̧mà yɔb.

Jɔ̌n 11:31

ÀfɨꞋa Bèjuê bu bɔ wua lob ndzìà èntɨ̧ɨ̧ Màlià la e me ye tà kȩ̂ a si me ghǎ àbȩ la, bɔ lɔꞋte a si mbà̧aã kwene tò, ntsìꞋa nta nê, tà mè nga tseke àtsəasì me dɨ̌.

Jɔ̌n 10:41

Tà tseke ale, bòt nyaŋ e kuŋe atò nkɨ̀Ꞌɨ̂ me laꞋa a kètsìà wɔb shua nê, “Jɔ̌n li tà ka ghɨ ngɨŋa ànəê, ka ànəê àgème tà li ndàꞋ ane èlen mbê waa la wu nkûŋ.”

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”