Jɔ̌n 11:44 - Mundani

⁴⁴ Mpfəà wu lɔ̀Ꞌɔ a si ndzəè, nè èbu bi bɔ̂ èka bi bɔ kuule ane edziꞋi ndǐ, mbɔ̂ ndèbe èsi tò ane àdziꞋa ndǐ la. Yesò shu abua yɔb nê, “Bɨ̀ tsi ndǐ tu a mbɨ̧̀ tò la tà me ghǎ.”

Jɔ̌n 11:44 Referans Kwoze

Jɔ̌n 5:25

Ane nkûŋ, tsiꞋ è shua wɨ̧ nê, àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa bèmpfəà àa zə àtɔŋ Waã Mbɔ̧ɔ̧mà la, mbɔ̂ bòt bɔ zə la, aa peme.

Jɔ̌n 20:7

Mè ndzè àyu bɔɔ nɨŋ nkùùlè àtsəa tò adù̧ la azi ne àdzìꞋa.

Filìpȩ 3:21

Taa li nkɨ̀Ꞌɨ̂, nɨ̀ mètàŋ kèkweelè mi mu tàa nɨ e ghɨ̌ àghɨ àgème aa tsiꞋi a èten tò la, enɨ ghɨ̌ mbɨ̧te ènyit ta tàa tèa fìà la, tea kubte etsiꞋi mbɨ̀Ꞌɨ̀ ngule ye tò.

Jɔ̌n 10:30

Ba Tǎt am e wu àghɨ yeamɔꞋ.”

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Lûk 7:15

Tà shu a èlɨ ngaa ale, wòt wu tà pfə la bê ndɔ̀Ꞌ, ntsèke a si, mbùꞋ me làꞋa. Yesò bà̧à̧ àbu atò, ŋa abua nyɨ̌ tò.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Jɔ̌n 19:40

Bɔ̂ Jòsêb enɨ ndǐ ndèbte àpfəꞋta Yesò yu nè èghɨbə bu, mbɨ̀Ꞌɨ̀ Bèjuê àa ngɨ̀à ka ntua bèmpfəà bɔb la.

Ntu̧ Ntsɔ̧̀ MAK 5:43

Yesò bɔ̂ səèŋkè ètû̧ bɔb nê bɔ̀ ka shu wòt ànəa a ghɨ̀ la, mbɔ̂ nê “Bɨ̀ ŋa tò àghɨ tà jɨ.”

Jɔ̌n 20:5

Tà bɨ̀ ale ŋɔ̀Ꞌne a si ndɨ̀ŋkè èbem èsî lu ndzě èdziꞋi ndǐ bu bɔɔ nɨŋ ndèbte àpfəꞋte Yesò la e nɔ̀ŋke la, ka tà kà nyi a èbèm.

Jɔ̌n 11:39

Yesò nê, “Bɨ̀ tsì èti làa.” Tà shu ale, Màta, wanyɨ mbê wu tà pfə la mè shu abua tò nê, “Tê, àghaa kàbɔ̀ŋ aà anè a bùꞋ te me kɔꞋɔ nkàà nê mbɨ̀Ꞌɨ̀ tà pfə la wu èlibȩ bekwì.”

Lûk 19:20

“Wekǒ nè wafàꞋ lɔ̀Ꞌɔ a si shu abua tò nê, ‘Tê, ye èkab wê wu e ndi nkùtê a èbem àdziꞋa ndǐ ndò̧ la.

Jɔ̌n 11:43

Mbɨ̀Ꞌɨ̀ Yesò tsàꞋte Mbɔ̧ɔ̧mà a èlɨ waa la, tà ŋȩ̂ ane àtɔŋ nɨ̧ nê, “Lazalɔ̀s, dzəa àbȩ!”