Jɔ̌n 11:11 - Mundani

¹¹ Mbɨ̀Ꞌɨ̀ Yesò làꞋ mpàâ la, tà nê, “Shu̧ ya Lazalɔ̀s nàà ndia ka e mbɔ̂ gua nga e yô̧ atò.”

Jɔ̌n 11:11 Referans Kwoze

Jɔ̌n 11:13

Bɔɔ̀ shua ale, Yesò wua ndàꞋà ànəa èvə tò, ka bɔ bɔ̂ me mɨ̀ɨ̀te nê tà wua ndàꞋà wuê ànəa kèlɔ.

1 Tèsàlonikà 5:10

Tà li mpfə ane ànəa ya mbɨ̀Ꞌɨ̀ tà li tà kɨꞋɨ, è maa è wu nê ba bele èbe yu̧ kò ba pfəꞋtè leꞋ, ba tò ba e wu nɔ̂.

1 Kɔlìn 15:51

Bɨ̀ zə! TsiꞋ è shu awɨ̧ ànəa ko è li ngu ànəa ndò̧ la. Bà ka li pfəꞋte bàgème a, ka baa li kubte bàgème.

ÀfaꞋa 7:60

Tà ntèm tènjûŋ ti a si ŋȩ̂ ane àtɔŋ nɨ̧ nê, “Lefɨ̀Ꞌ, ko mbɨ̀Ꞌɨ̀ à bèà ànəa kàbɔ̀ŋ yaa bɔ ghɨ̀ la a èntɨ̧ɨ̧ wê.” Tà shu ale, mbɔ̂ mpfə.

Matìù 27:52

Ètsəsì e li ngaꞋte mɨ̧̂, bòt Mbɔ̧ɔ̧mà nyaŋ bɔ li pfəèꞋte la e yu̧u̧mè,

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Ntu̧ Ntsɔ̧̀ MAK 5:39

nyi a lob mbììte awɔb nê, “Bɨ̀ dɨ̀a ghǎ? Waã wàa bakà pfə. Tà lia li!”

Matìù 9:24

tà shu abua yɔb nê, “Bɨ̀ dzəꞋta; waàvi wàa bakà pfə, tà lìa li.” Tà shu ale, bɔ taꞋa tsoꞋo atò.

Jimsì 2:23

Àyaa a li ngɨ̀ ànəa bɔ li shɨ a èbem Àkata Mbɔ̧ɔ̧mà la a wu nkûŋ nê, “Abàlàghâm li ndzì èntɨ̧ɨ̧ vi ane Mbɔ̧ɔ̧mà tà nɨ̀a tò mbɨ̀Ꞌɨ̀ wòt tàa ngɨ̀à àghɨa yèa nkɨà la,” ale bɔ tsiꞋa ntɔ atò ane shu̧ Mbɔ̧ɔ̧mà.

1 Kɔlìn 15:34

Bɨ̀ kubte mènkwàꞋte mɨ̧, bɨ̀ ka tsi ngɨ a kàbɔ̀ŋ. ÀbəèꞋ àyɨ̧ ako a bakà bê nkoê wòt Mbɔ̧ɔ̧mà wû wùà la. E ndàꞋà àyaa mbɨ̀Ꞌɨ̀ bɨa bɔ àtsəa kɔꞋɔ.

1 Kɔlìn 15:18

Ko aa nyɨꞋte mɨ̧̂ nê, bòt Mbɔ̧ɔ̧mà bu bɔ me pfə ngu nè Yesò Klistò la e nyɔ̂.

Jɔ̌n 11:3

Màlià bɔ̂ Màta e tsàà ntu̧ abua Yesò nê, “Tê, wòt wê wu à taꞋa wua nkɔ̀ŋkà la, nàà ngò̧ò̧nà.”

Jɔ̌n 3:29

Wòt tà bɔ ndzà la wu lu̧ ndzà mbɔŋ. Shu̧ lu̧ ndzà nàa ntɨ̧a ndzəa àtɔŋ shu̧ zi lu̧ ndzà yu, tà taꞋa wùꞋte àvi. Eyaa wu ndɨ mèngùꞋte lu̧ a èntɨ̧ɨ̧ am la.

Jɔ̌n 11:10

Ka è wu wòt tàa ngȩ̀ȩ̀nà ètsəꞋ la, tà me kwene a si, nkàà nê tà bakà bɔ èkaꞋà.”

Jɔ̌n 11:12

Bɔkatè tò e shu abua tò nê “Tê, è wu nê tà lia li ko tà bele etàŋne.”