Bib sou entènèt

Jɔ̌n 10:25 - Mundani

²⁵ Yesò bɨ̀ɨ̀lè nê, “Mâ shua wɨ̧ ka bɨ̀ ka wua nkɨ ebɨ̧ɨ̧ne. Èghɨ baa màa ngɨa ane èlen Tǎt am la, eà nyɨ̀Ꞌta àghɨa e ngu yùà la,

Gade chapit la Kopi

tounen moute ⬆

Jɔ̌n 10:25
17 Referans Kwoze

Jɔ̌n 10:38

mbə è ngua ngɨ̀a wuê èghɨ e dzə abua tò la, bɨ bɨ̧ɨ̧ne ànəa e shua la nkàà èghɨ bàa e ngɨa la. Bɨ̀ ghɨ ale mbɨ̀Ꞌɨ̀ eko, aa mèe nyi a ètsə bɨ̧ nê, ba Tǎt am e tsəꞋne te mbê tsìꞋi mbɨ̀Ꞌɨ̀ àghɨ yeamɔꞋ.”

Jɔ̌n 8:58

Yesò shu abua yɔb nê, “Ane nkûŋ, tsiꞋ è shua wɨ̧ nê, Abàlàghâm li me laꞋ ne yea ngua, e ndzaŋe ewu.”

Jɔ̌n 14:11

Bɨ̀ bɨ̧ɨ̧ne nê, e ngu àghɨ yeamɔꞋ nè Tǎt am, tǎt am mè ngu àghɨ yeamɔꞋ nè nà̧. Bɨ màà mbakà wu ebɨ̧ɨ̧ne, bɨ bɨ̧ɨ̧ne nkàà mènəè maa è ngua ngɨ̀à la.

Ebùlù 2:3

Ba wu anè ntù̧u̧ ebɨ̧ɨ̧ne ngɨŋa mèmpème màa Mbɔ̧ɔ̧mà ŋa abua ya àfɨ̀Ꞌ yaa la, ko àghɨa ko bàa ko e ghɨ̀ tê lùùla ngoꞋ mbɔŋ la a ntsě. Wu Tè Yesò ka tà li mbɨ̀ shu bòt ànəa mèmpème màa la. Bòt bɔ li ndzə ndɨ tà làꞋa la, e nyɨꞋte abua ya nê wu nkûŋ.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

Jɔ̌n 20:30

Yesò li ngɨ̀ ale, mè ntaꞋa ghɨ̀ tèwuute ènəê kà ye fɨ̀Ꞌ ko a mbì bɔkatè bi bɔ yea ènɨ̧ tò. Bɔ bakà shɨ me mbɔŋ a èbem àkatè yaa.

Jɔ̌n 12:37

Yesò batè ngɨ̀ tèwuute ènəê kà ye fɨ̀Ꞌ ayɔɔ bòt baa ale, ka bɔ̀ ka lem ndzì èntɨ̧ɨ̧ wɔb ane tò.

Jɔ̌n 11:47

Ale, bètǎt bèntsìà mèpɨ̧̀ Mbɔ̧ɔ̧mà, nè Bèfalèsiì e tɔ èfete bɔɔjuŋ. Mbììte nê, “Bà wu anè e ghɨ̀ na à? Mbê waa nàà ngɨ̀à tèwuute ènəê kà ye fɨ̀Ꞌ kwàꞋ ànyaꞋne.

Jɔ̌n 10:32

Yesò shu abua yɔb nê, “Mâ taꞋa ghɨ̌ efaꞋa ntsɔ̧̀ e dzəâ abua Tǎt am la, bɨ ye. Bɨ kɨ ebùŋè am ane ayea ŋa ane ebe mbɔŋ à?”

Jɔ̌n 8:24

Eyaa wu lə yu mâ yaã shu abua yɨ̧ nê, bɨa pfə ne mènəè kàbɔ̀ŋ mɨ̧ la. Bɨa pfə ne mènəè kàbɔ̀ŋ mɨ̧, na bɨ bakà bɨ̧ɨ̧ne laꞋnê, e ngu wòt è ngu wùà la.”

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

Jɔ̌n 7:31

Ka bòt nyaŋ ayɔɔ ènɔ̧̂ bòt bu e ghɨ̀ ale ndzì mèntɨ̧ɨ̧ mɔb ane tò tè me làꞋa shua nê, “Tè Fɔ̧̀ wu Mbɔ̧ɔ̧mà li ndzɔꞋ etsàà la naa li kɨꞋɨ e ghɨ̀ tèwuute ènəê kà ye fɨ̀Ꞌ te tsè è taa mbê waa ghɨ̀ la à?”

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

Jɔ̌n 8:56

Tǎt wɨ̧ Abàlàghâm li ngùꞋtè àvi e ye àli am, tà li ndze, a mè mbɔ̌ atò.”

Jɔ̌n 10:37

Èghɨ bàa e ngɨ̀à la, è bakà wu ebe edzə abua Tǎt am Mbɔ̧ɔ̧mà la, bɨ̀ ka bɨ̧ɨ̧ne ànəa e shua la,

Swiv nou:

Lyen patwone

Piblisite

Piblisite