Bib sou entènèt

Jɔ̌n 1:45 - Mundani

⁴⁵ Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”

Gade chapit la Kopi

tounen moute ⬆

Jɔ̌n 1:45
41 Referans Kwoze

Lûk 24:27

Yesò ghɨ̀ ale, ngàꞋte mènəè mu bɔ̀ le shɨ a èbem àkata Mbɔ̧ɔ̧mà ane zi la, è shu awɔb, e buꞋa ane àghɨa Musì lè shɨ la, eghǎ dzəâ ane ayea bèndàꞋàtɔŋ Mbɔ̧ɔ̧mà bàgème e li shuê la.

Matìù 2:23

me tseke àpfəa ko bɔ̀ɔ ntɔ nê Nazàlet la. À li ngɨ̀ anè mbɨ̀Ꞌɨ̀ àghɨa bèndàꞋàtɔŋ Mbɔ̧ɔ̧mà e li shu ane Fɔ̧̀ wu Mbɔ̧ɔ̧mà li ndzɔꞋ etsàà la, aa wu nkûŋ, nê, “Bɔɔ li tɔ atò nê wòt Nazàlet.”

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Lûk 4:22

Mèngǎ̧ Yesò è nyi awɔb. A mè ntaꞋa tsè àwɔb ane mèngǎ̧ ntsɔ̧̀ mu è dzəè a ètsəê tò la, bɔ me shu nê, “Tè eyaa ntsè waã Jòsêb?”

Jɔ̌n 18:7

Tà mè mbììte awɔb nê, “Bɨ laꞋnê bɨ kɨa wà leè?” Bɔ bɨ̀ɨ̀lè nê, “Yesò wòt Nazàlet.”

Ntu̧ Ntsɔ̧̀ MAK 6:3

Tè eyaa ntsě kapentà wu tà wù waã Màlià la à? Ka Jimsì bɔ̂ Jòsêb, nè Simùn bɔ̂ Judàs wu bɔnyɨ tò à? Ka bɔnyɨ tò bɔɔ̀zi aà ntsèka ba tò ba à?” Bɔ làꞋ ale, mbɔ̂ ntû̧ èngǎ̧ tò.

Matìù 21:11

Ènɔ̧̂ bòt bu e nê “Eyaa wu ndàꞋàtɔŋ Mbɔ̧ɔ̧mà wu èlen tò wu Yesò, tà dzəa Nazàlet àbâ àlaꞋ a Galìlî la.”

ÀfaꞋa 22:8

“E mbiitè nê, ‘À wu wàà a Tê?’ “Àtɔŋ yu a bɨ̀ɨ̀lè nê, ‘E ngu Yesò wòt Nazàlet wu àa nkɨ̀a àtsə atò la’.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

Jɔ̌n 21:2

Bɔkatè tò ko e li ngu abot bɔ bù̧ù̧tè la. Bèŋût li ngu Simùn wu èlen tò ko wu Pità la, bɔ̂ Tɔmasì wu bɔ̀ɔ ntɔ ane wabenyì la, nè Nàtanìà wu tà dzəa Kanà a èbem àlaꞋ a Galìlî la, bɔ̂ bɔ̧ Zebèdiì, ndɔ̀Ꞌ nè bɔkatè Yesò ko babe.

Lûk 2:4

Jòsêb li ndzəa àpfəèa Nazàlet a èbem àlaꞋ a Galìlî nga a Betèlèghêm a èbem àlaꞋ a Jùdià, àdzìꞋa bɔ̀ le bi a fɔ̧̀ nyaꞋ Dàbid la. Tàà nga abàꞋ və ale, ngu ndɨ tà dzəè a àndǎ̧ Fɔ̧̀ Dàbid wu la.

Ntu̧ Ntsɔ̧̀ MAK 14:67

ndze a Pità ndzɔ̀ɔ èwet la, ntsìte àghɨ a zi ane tò, mbɔ̂ nê: “À li ngu bɨ Yesò wòt Nazàlet mɨ̧̂.”

Matìù 13:55

Tè eyaa ntsě waã kapentà wuù? Ka Màlià wu nyɨ̌ tò à? Ka Jimsì bɔ̂ Jòsêb nè Simùn bɔ̂ Judàs wu bɔnyɨ tò à?

ÀfaꞋa 26:9

“Mmɔ̌ mbɔŋ e ndi nkwàꞋtè nê, mâ wu èghɨ ànəê àgème enɨ etsòkè èlen Yesò wòt Nazàlet.

ÀfaꞋa 3:6

Ka Pità shu abua tò nê, “E mbàkà bɔ èkab, ka maa ŋa wê àghɨa mâ bɔ la. Ane èlen Yesò Klistò wòt Nazàlet, mâ shu abua yê nê, lɔ̀Ꞌɔ a si me ghȩ̀ȩ̀ne.”

ÀfaꞋa 2:22

Pità ghɨ̀ ale, mè shu abua yɔb nê, “Bòt Izəèlȩê, bɨ̀ yute èngǎ̧ waa. Yesò wòt Nazàlet li ngu wòt Mbɔ̧ɔ̧mà yɔꞋ mè ngɨ̀ bɨ ko atò ane mènəè kà ye fɨ̀Ꞌ mu tà li ngua ngɨ̀à mè ngɨ̀à ngɨŋa mènəè, ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la. Bɨ̀a mbɔŋ bɨ koê mènəè maa nkàà nê bɨ li ngu a si àfɨꞋa mbɔŋ.

Jɔ̌n 19:19

Pȩlèt shɨ èngà̧ ko ane kèba àyɨt bɔ wu̧u̧te àtsəa mbasa wu, e me shu nê, “Yesò wòt Nazàlet, Fɔ̧̀ Bèjuê.”

Jɔ̌n 18:5

Bɔ bɨ̀ɨ̀lè nê, “Yesò wòt Nazàlet.” Yesò shu abua yɔb nê, “E ngu tòa.” Bɔɔ ngɨ̀ ale Judàs wu tà fɨ̧̀ɨ̧̀ne a Yesò la wua abot bɔ̂ bèshujà bu tà tɨ̧ɨ̧ la.

Jɔ̌n 6:42

Bɔ nê “Tè eyaa chɨɨme ntsě Yesò waã Jòsêb wu baa ko a tǎt tò bɔ̂ nyɨ̌ tò la à? Tà ghɨ̀ na ka ntsiꞋa shua nê ye chua nè ègwet à?”

Lûk 3:23

Yesò lè wu mbɔ̀ŋè èngùꞋ èghem yetat àfɨꞋa tà bùꞋ me nyɨꞋte banɔ̧̀ mènəè Mbɔ̧ɔ̧mà la. Yesò li ngu waã Jòsêb mbɨ̀Ꞌɨ̀ bòt e li nko la. Jòsêb wu li ngu waã Eli.

Matìù 10:3

Filìb bɔ̂ Bàtòlomiò, Tɔmasì bɔ̂ Màtìù nɨa mèkab taksì, Jimsì waã Alfeɔ̀ bɔ̂ Tàdià,

Lûk 2:48

ÀfɨꞋa tǎt tò bɔ̂ nyɨ̌ tò e ye atò la, mètsəê mɔb lià. Nyɨ̌ tò bììte atò nê, “Waã am, àghɨ yaa à ghɨ̀ ane ya anè la, wu ghà à? Ba tǎt wè e taꞋa bente àfɨꞋa baa wua nkɨ̀a awê la.”

Jɔ̌n 1:44

Filìb li ndzə a Bèsedà, è wu àpfəè yu Andùlù bɔ̂ Pità e dzəè la.

Jɔ̌n 6:5

Mbɨ̀Ꞌɨ̀ Yesò lɔ̀kè àghɨ a zi ndzè ènɔ̧̂ bòt bu nkuŋà vi la, tà biite a Filìb nê, “Bà wu anè enɨ èghɨjɨ nè ŋà eyu̧u̧ tê ejɨɨ bòt baa?”

Jɔ̌n 6:7

Filìb bɨ̀ɨ̀lè nê “Bɔ màà nɨ̀ wuê bèdìnalì ènkɨ̀ yebe ko betsiꞋa bɔ̀ ka yu̧u̧ èghɨjɨ tè wòt ègème jɨ badzìꞋ.”

Jɔ̌n 12:21

Ale, bɔ kɨꞋɨ abua Filìb wu tà dzəa Bèsedà a Galìlî la, shua abua tò nê, “Tê, baa nkɨ eye a Yesò.”

Jɔ̌n 14:8

Filìb shu abua tò nê, “Tè nyɨꞋte awa a tǎt wè wu ko aa kùꞋù àwa.”

Lûk 18:37

Bɔ shu atò nê, “Wu Yesò wòt Nazàlet ntsèà.”

Swiv nou:

Lyen patwone

Piblisite

Piblisite