Jɔ̌n 1:38 - Mundani

³⁸ Yesò ghèble avi, ndzèà wɔb nkùŋà vi la, mbììte awɔb nê, Bɨ̀ kɨa ghàà? Bɔ bɨ̀ɨ̀lè nê, “Labȩ̀”, (ngua shua nê, nyɨꞋtà) “Àa ntsèka nèŋàà?”

Jɔ̌n 1:38 Referans Kwoze

Jɔ̌n 18:7

Tà mè mbììte awɔb nê, “Bɨ laꞋnê bɨ kɨa wà leè?” Bɔ bɨ̀ɨ̀lè nê, “Yesò wòt Nazàlet.”

Jɔ̌n 3:2

È wu ètsəꞋ ane àli ako tà gha àdziꞋa Yesò naa tsèka la shu abua atò nê, “Labȩ̀, ba ko nê à wu nyɨꞋtà Mbɔ̧ɔ̧mà tsàà la, nkàà nê Mbɔ̧ɔ̧mà bakà wu nè wòt, tà kà ko ngɨ̀ tèwuute ènəê kà ye fɨ̀Ꞌ taa àa ngɨ̀à la.”

Jɔ̌n 1:49

Nàtanìà nê, “NyɨꞋtà, à wu Waã Mbɔ̧ɔ̧mà! À wu Fɔ̧̀ bòt Izəèlȩê!”

Jɔ̌n 18:4

Yesò li nko àghɨa nga e ghɨ̌ ane zi la, ndɔ̀Ꞌ a si nkɨ̀Ꞌɨ̂ a mbì, mbììte awɔb nê, “Bɨ̀ kɨa wà à?”

Jɔ̌n 6:25

Bɔ gha agua èlemè àko zia ale ndze atò, mbììte atò nê “Labȩ̀, à yaã nkɨ̀Ꞌɨ̂ àdzìꞋ yaa a ka àfɨ̀Ꞌ à?”

Jɔ̌n 3:26

Ale, bɔkatè Jɔ̌n ko e kɨꞋɨ̀ shu abua tò nê, “Labȩ̀, wòt wu bɨ tò e li ngu agua Jodàn la, ye wu à li ndàꞋà ànəa tò la, wu abà nyia. Tà wua ndzìà bòt a èdzî tè bòt nyaŋ e tsiꞋa nkuŋa tò ngà.”

ÀfaꞋa 10:29

Ale, mbɨ̀Ꞌɨ̀ à ntu̧u̧ bòt nê bɔ̀ kɨꞋɨ ntɔ am la, e mbê nkɨ̀Ꞌɨ̂ kà tàŋne. Maà mbììta awê nê, ghǎ ghɨ̂ ka à tu̧u̧ bòt abua am à?”

Jɔ̌n 12:21

Ale, bɔ kɨꞋɨ abua Filìb wu tà dzəa Bèsedà a Galìlî la, shua abua tò nê, “Tê, baa nkɨ eye a Yesò.”

Lûk 19:5

Mbɨ̀Ꞌɨ̀ Yesò kɨꞋɨ tê ndzəèà abot la, tà lɨ̀ŋkè ègwet shu abua tò nê, “Zàkià, chu a si kwàla, nkàà nê maa lia a lob yê laane.”

ÀfaꞋa 10:21

Pità wu chu a si shu abua yɔb nê, “E ngu wòt wu bɨ kɨa atò la. Ghǎ a nɨ awɨ̧ nkɨ̀Ꞌɨ̂ adzìꞋ ya à?”

Lûk 22:61

Yesò Lefɨ̀Ꞌ ghèble avi ndɨ̀ŋkè a Pità àghɨ atò, Pità bê nkù̧ù̧te mèngǎ̧ Yesò è ghɨ̂ shu la nê “Lu̧nkɔ̀Ꞌ naa me laꞋ nê yea ntɔa aa tu̧ ngò̧ tetat nê ye bakà ko am.”

Lûk 15:20

Tà ghɨ̀ ale, ndɔ̀Ꞌ a si mbà̧ èlu̧ me gha àpfəèa tǎt vi. “Mbɨ̀Ꞌɨ̀ tà bele alu̧ la, tǎt tò ye atò, tèsȩte waã tò wu te taꞋa kua atò. Tà lùùlà ngà màꞋà èbu bi a tèkwȩte tò ntaꞋa atò.

Lûk 14:25

Mbɨ̀Ꞌɨ̀ Yesò lɔ̀Ꞌ te me ghǎ la, taꞋa ènɔ̧̂ bòt a me ghà bɔ̂ tò ba. Tà gheble avi shu abua yɔb nê,

Lûk 10:39

Màta ko nê ye bɔ wanyɨ vi kǒ èlen tò wu Màlià la. Màlià mbɔŋ kɨꞋɨ̀ ntsèke a ngèt èka Yesò me yute mènəè tàa nyɨ̀Ꞌta la.

Lûk 8:38

Mbê wu fote kàbɔ̀ŋ te dzə ane tò la shu̧u̧te a Yesò nê tà ghɨa bɔ̂ tò è ghà nɔ̂. Ka Yesò tu̧, è shu abua tò nê,

Jɔ̌n 1:37

Mbɨ̀Ꞌɨ̀ bɔkatè tò bu babe e zə ànəa mbɔŋ la, bɔ bê sa atò nkuŋa Yesò.

Jɔ̌n 1:39

Tà nê, “Bɨ̀ kɨꞋɨ ndze.” Ale, bɔ gha bɔ̂ tò ba, ndzè àdziꞋa tàa ntsèka la. È li me wu àfɨ̀Ꞌ yaa è tsìꞋa ngà mbɔ̀ŋè nyèm tekwì àfɨꞋa nèngû̧, ale bɔ ghà mpàâ àliabȩ a mbɔŋ ntsèke bɔ̂ tò ba.

Jɔ̌n 4:31

Bɔkatè Yesò e teꞋa akwèn me shu̧u̧te atò shua nê, “Labȩ̀, lem jɨ àghɨ.”