Jɔ̌n 1:17 - Mundani

¹⁷ È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 1:17 Referans Kwoze

Lûm 6:14

Bɨ te ntsě èbùꞋ abua kàbɔ̀ŋ, ndɨ̀ wu è te ntsě mbɨ̧ ka nàa mbà̧aã awɨ̧ la. Àghɨa mbà̧aã awɨ̧ àfɨ̀Ꞌ yaa la tsiꞋi ntsɔ̧̀ Mbɔ̧ɔ̧mà.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Ebùlù 9:22

Ane nkûŋ, mbɨ̧tsə te nyɨꞋtè nê bɔɔ nɨa àlo̧ ka nɨa ngɨ̀à èghɨ nyaŋ e kuꞋa a mbì Mbɔ̧ɔ̧mà, tè àlo̧ a bakà chɨ̧ɨ̧te a si Mbɔ̧ɔ̧mà kà waꞋa mènəè kàbɔ̀ŋ bòt.

Jɔ̌n 8:32

ko bɨa ko ànəa nkûŋ yu è dzəâ abua Mbɔ̧ɔ̧mà la, naa ghɨ̌ bɨa bakà tsi ngu èbùꞋ.”

Jɔ̌n 7:19

Musì li tà kà ŋa wɨ̧ mbɨ̧tsə? Mbɔ̂ wòt wɨ̧ ka wu tà nɔŋà mbɨ̧te mbɔŋ la, ale bɨ ghɨ̀ na ka me kɨ ebùŋè am à?”

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

Gàlashìà 3:17

E ngua anè shua nê Mbɔ̧ɔ̧mà li ngɨ̀ mènkàꞋa kèkweelè mi, mbɔ̂ nê yea ghɨ mbɨ̀Ꞌɨ̀ ye shu la. Ndɨ̀ wu èngùꞋebȩ ènkɨ̀ yekwì nè èghem yetat e li ntsè ka mbɨ̧ tu te kɨꞋɨ̀ la betsiꞋa tè ka tsokè mènkàꞋa kèkweelè mu, eliime ànəa Mbɔ̧ɔ̧mà li nkàꞋ la.

ÀfaꞋa 7:38

Wu Musì mbɔŋ tà li ngu bɔ̂ bòt Izəèlȩê àfɨ̀Ꞌ yu bɔ li ngu ane ènɔ̧̂ àbâ àlaꞋ àyuube la. Tà li ngua abot və bɔ̂ bètǎt nyaꞋ ba, nè wantu̧ Mbɔ̧ɔ̧mà wu tà li ndàꞋà abua tò àfɨ̀Ꞌ yu tà li ngu a ègwet Èbȩ Sinȩ̀ la. Tà li ndzəâ ntu̧u̧te mèmpème kàlìà abua Mbɔ̧ɔ̧mà mbɨ̀Ꞌɨ̀ esǎ abua ya.

Jɔ̌n 5:45

“Bɨ̀ ka mɨ̀ɨ̀tè nê maa ghǎ a mbì Tǎt am eshu ànəê àtsəa yɨ̧. Musì wu bɨ li nɔ̀ŋè ntɨ̀ yɨ̧ ane tò la, ka tàa shua ànəê àtsəa yɨ̧ la.

2 Kɔlìn 1:20

Ale, wu tòà ka tàa ngɨ̀à àghɨ àgème Mbɔ̧ɔ̧mà kàꞋà la a wua wuê mbɨ̀Ꞌɨ̀ tà kàꞋà la. Eyaa wu lə bàa ngɨ̀ bà me ŋa kènuke abua Mbɔ̧ɔ̧mà bà laꞋnê “Àmèn” ba shu ane èlen Yesò Klistò la.

Jɔ̌n 9:29

Ba ko nê Mbɔ̧ɔ̧mà li ndaꞋa abua Musì, ka è me wua mbê waa ko ba bakà ko àdziꞋa tà dzəè la.”

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”