Jɔ̌n 1:16 - Mundani

¹⁶ Tà kɨꞋɨ ale me kɔ̀ŋkè bòt nyaŋ ngɨ̀à ba bɔ mèngùꞋte mu è dzə abua Mbɔ̧ɔ̧mà la a ngo̧ a ngò̧.

Jɔ̌n 1:16 Referans Kwoze

Kɔ̀losìà 1:19

Aa ale nkàà nê, Mbɔ̧ɔ̧mà li nkɔ̀ŋkè e ghɨ̌ Waã vi naa bê wu wuê mbɨ̀Ꞌɨ̀ zia zìambɔŋ ane èghɨ ègème.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Efesɔ̀s 3:19

e mě, kɨꞋɨ te ndzə àdziꞋa bɨ̀a ko èkɔŋ Yesò Klistò la, mbɔ̂ èkɔŋ mbɔŋ e faŋ ntsè àghɨ betsiꞋa bòt e koê la. Bɨ koa èkɔŋ Yesò waa ko bɨa bɔ èntɨ̧ɨ̧ wu Mbɔ̧ɔ̧mà bɔ la nènkèm.

Efesɔ̀s 1:23

Chɔsì wu mbɨ̧̀ ènyit Yesò Klistò, ale ngɨ̀ Yesò kùꞋ mbɨ̀Ꞌɨ̀ tà ghɨ̌ èghɨ ègème e kùꞋ àdzìꞋ àgème la.

Lûm 5:17

È wu nê kàbɔ̀ŋ wòt wemɔ̀Ꞌ li ngɨ̀ èvə e kɨꞋɨ adù̧ wòt ègème, ko àghɨ yu wekǒ nè wòt li ngɨ̀ la, a tsè àyea mbɔŋ nyaŋ. Tà li ngɨ̀ nê bòt bu bàgème tà nyɨꞋte a ntsɔ̧̀ vi ànyaꞋne abua yɔb, bɔ mè ntsìꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, è bɔ mèmpème kàlìà, me ntsè àghɨ àgème, nkàà àghɨa Yesò Klistò è ghɨ̀ la.

Jɔ̌n 3:34

Wòt wu Mbɔ̧ɔ̧mà tsàà la, nàà ndàꞋà wuê mèngǎ̧ Mbɔ̧ɔ̧mà nkàà nê, Mbɔ̧ɔ̧mà zǐ Fo zi ane tò nènkèm.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Matìù 13:12

nkàà nê bɔɔ kwèꞋne àghɨ wòt bɔ la, aa yaãaã te me bəèꞋte, ka wòt kà bɔ àghɨ bɔɔ paa ka wuê adzìꞋ wu tà bɔ la enɨ.

Kɔ̀losìà 2:3

Wu Yesò waa ka tà ghɨ̂ bòt e ko èyǐ Mbɔ̧ɔ̧mà, nè àghɨa àa àtsəa tò la, è wù èghɨ ntsɔ̧̀ bu e li ndò̧ò̧tè la.

Lûm 8:9

Ka bɨa kà ghɨ mbɨꞋɨ̀ mbɨ̧te ènyit tɨ̧ tèa shua la, bɨa ngɨ̀à wuê mbɨ̀Ꞌɨ̀ Fo Mbɔ̧ɔ̧mà nàa shua la, na Fo Mbɔ̧ɔ̧mà me tseke ane yɨ̧ la. Wòt bakà bɔ Fo Yesò Klistò ane zi, ko tà ntsě wòt tò.

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

Matìù 3:14

Tà kɨꞋɨ ale, Jɔ̌n nyɔ̀Ꞌtè me kɨ etu̧ nê yè ka zǐ atò a èdzî a. Nê Yesò ka tà wu zì àvi a èdzî la, ale ghǎ ghɨ̀ ka tà nê yè tsě zìa ndzì atò a èdzî leꞋ?

Matìù 3:11

“Maà ndzìà wɨ̧ a èdzî nɨ̀a nyɨ̀Ꞌta nê bɨ waꞋa mènəè kàbɔ̀ŋ mɨ̧. Ka tòa wu nkɨ̀Ꞌa akwèn yaã la e taꞋa tsě am nyaŋ. E mbakà lem nkùꞋ èwe màa ŋeꞋe gubte tò la. Taa tsiꞋi me zǐ Fo Kèfə ane yɨ̧ nè èwet.

1 Pità 1:11

Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.

Lûm 5:20

Mbɔ̧ɔ̧mà li ntsèke tè ŋǎ mbɨ̧ mbɨ̀Ꞌɨ̀ kàbɔ̀ŋ naa kwèꞋne, ka mbɨ̀Ꞌɨ̀ kàbɔ̀ŋ è kwèꞋnè la, ntsɔ̧̀ Mbɔ̧ɔ̧mà paa nkwèꞋne.