Jɔ̌n 1:12 - Mundani

¹² Ka bòt bàgème bɔ sèe atò, ndzì mèntɨ̧ɨ̧ mɔb ane èlen tò la, tà ghɨ̀ àwɔb bɔ tsiꞋi bɔ̧ Mbɔ̧ɔ̧mà.

Jɔ̌n 1:12 Referans Kwoze

Gàlashìà 3:26

Èntɨ̧ɨ̧ wu bɨ zi ane Yesò Klistò la è ghɨ bɨ tsiꞋi bɔ̧ Mbɔ̧ɔ̧mà.

Lûm 8:14

Bòt bu bàgème bɔ̀ɔ ngɨ̀à mbɨ̀Ꞌɨ̀ Fo Mbɔ̧ɔ̧mà nàa shua la wu bɔ̧ Mbɔ̧ɔ̧mà.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

Gàlashìà 4:6

Ane èlɨ̀ wu bɨ̀ tsiꞋi bɔ̧ Mbɔ̧ɔ̧mà la, tà tsàà Fo waã vi a mèntɨ̧ɨ̧ ma, ŋȩ nê, “Abà! Tǎt wa!”

Jɔ̌n 3:18

Wòt tà zi èntɨ̧ɨ̧ vi ane tò la àyea tò a bakà bɨ, ka èwe kà zi èntɨ̧ɨ̧ vi ane tò, àyea tò a bɨɨ tê ndɔ̀Ꞌ, nkàà nê tà bakà zi èntɨ̧ɨ̧ vi ane ndàꞋa Waã Mbɔ̧ɔ̧mà.

Kɔ̀losìà 2:6

Ndɨ̀ wu bɨ bɨ̧ɨ̧ne nê Yesò Klistò wu Tǎt wɨ̧ la, bɨ̀ tsiꞋi me ghɨ̀ mènəè mɨ̧ mbɨ̀Ꞌɨ̀ bɨ tò ba e tsiꞋi àghɨ yeamɔꞋ.

Matìù 10:40

“Wòt sèè àwɨ̧, tà ko nê ye sèe am, èwe tà sèè am la, ko nê ye sèè atò wu tà tsàà am la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

2 Pità 1:4

Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.

Matìù 12:21

ÈlaꞋ ègème aa li ezi ntɨ̀ yɔb ane èlen tò.”

1 Jɔ̌n 3:23

Àghɨa Mbɔ̧ɔ̧mà laꞋnê bà me ghɨ̀ la wu nê, bà zǐ èntɨ̧ɨ̧ wa ane Waã vi Yesò Klistò, mè me kɔ̀ŋkè bɔnyɨ ba wuê mbɨ̀Ꞌɨ̀ Mbɔ̧ɔ̧mà li shu la.

ÀfaꞋa 3:16

Wu mètàŋ èlen Yesò ka e ghɨ̂ èka mbê waa e lɔ̀Ꞌtè la. Mbê waa bɨ ye atò a si ŋàa mè nko atò ntsɔ̧̀ la, è pem nkàà èntɨ̧ɨ̧ tò tà zi ane Yesò la, mbɨ̀Ꞌɨ̀ bɨ̀ambɔŋ bɨ ye la.

Jɔ̌n 11:52

Ka tà kà lem ngua nga epfə wuê àtsəa bòt àlaꞋ a mbɔŋ. Tà wua nga epfə mbɨ̀Ꞌɨ̀ efete bɔ̧ Mbɔ̧ɔ̧mà bu bɔ taatè me tseke a èdziꞋ èdzìꞋ la, bɔɔ tsiꞋi mbɨ̀Ꞌɨ̀ wòt wemɔ̀Ꞌ.

Jɔ̌n 1:7

tà kɨ̀Ꞌɨ̂ shu bòt àghɨa ye ko ane ànəa wòt wu tà wu èkaꞋà la, mbɨ̀Ꞌɨ̀ bòt bàgème aa zə ezǐ mèntɨ̧ɨ̧ mɔb ane ŋut.

Matìù 18:5

“Wòt sèè watèchɨɨle kǒ mbɨ̀Ꞌɨ̀ waa ane èlen laã, tà ko nê ye wua sèè am.

Jɔ̌n 2:23

Mbɨ̀Ꞌɨ̀ Yesò wua Jèlusalèm àfɨꞋa èpǎ̧ Màntsea a ègwet la, bòt nyaŋ e zì mèntɨ̧ɨ̧ mɔb ane èlen tò mbɨ̀Ꞌɨ̀ bɔ ye mènəè kà ye fɨ̀Ꞌ mu tà ghɨ̀ la.

Jɔ̌n 1:11

Tà kɨꞋɨ abua bòt àlaꞋ yu è wù àyea tò la, bɔ̀ ka sèè atò.

Lûm 8:16

È wu Fo Mbɔ̧ɔ̧mà èfɔte ne àghɨa àa mèntɨ̧ɨ̧ ma la, shua nê ba wu bɔ̧ Mbɔ̧ɔ̧mà la.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.