Jɔ̌n 1:10 - Mundani

¹⁰ Tòà wu, tà wu èngǎ̧ Mbɔ̧ɔ̧mà la, li ngu a sitsǎꞋ ka bòt sitsǎꞋ è ka ko atò, Mbɔ̧ɔ̧mà tsè ane tò ka ngɨ̀ sitsǎꞋ.

Jɔ̌n 1:10 Referans Kwoze

Jɔ̌n 17:25

“Lefɨ̀Ꞌ, àwɔ̀ wu mènəè mê tɨ̧ɨ̧ ndɨŋndɨ̀ŋ la, bòt ngɔ̀ŋ e bakà ko awê, ka e mbɔ̂ nko awê, bòt bɔ̧ baa e mè nko nê, àwɔ̀ ka à tsàà am la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

1 Kɔlìn 2:8

Wòt kǒ ane bèfɔ̧̀ ngɔ̀ŋ, tà li nko àyaa la ntsě. Bɔ li ngɨ̀ ale nko ko bɔ li bɔ̀ ka wu̧u̧te a Lefɨ̀Ꞌ a mbɨ̧̀ mbasa.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Ebùlù 11:3

Èntɨ̧ɨ̧ wu ba zi ane Mbɔ̧ɔ̧mà la e ghɨ̂ ba bɨ̧ɨ̧nè nê tà li nɨ èngǎ̧ vi ka nɨŋ ngɨ̀ ngɔ̀ŋ yaa, nko nê ye nɨ àghɨa bɔ̀ɔ ka ye la nɨŋ ngɨ̀ àghɨa bɔ̀ɔ ndzèa la.

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

Jɔ̌n 1:5

ÈkaꞋa mbɔŋ aà mbèꞋa a èbem ndzěm, ka ndzěm ka ko ndììmê.

ÀfaꞋa 14:17

Ka tà bɔ̂ me ghɨ̀ wuê èghɨ ntsɔ̧̀ nɨa nyɨ̀Ꞌta àlȩê nê yea və. Tàa ngɨ̀ tà shuke mbɨ̀ŋ a ègwet è chu, tà ghɨ̀ èghɨjɨ bɨ̧ e kɔꞋɔ àfɨꞋa bɨ̀a nkɨà la, tà ŋàa awɨ̧ èghɨjɨ mè ngɨ̀à mèntɨ̧ɨ̧ mɨ̧ lu̧a nè mèngùꞋte.”

Jɔ̌n 5:17

Ale, Yesò shuê abua yɔb nê “Eyaa wu èghɨ Tǎt am nàa ngɨ̀a àfɨ̀Ꞌ àgème la. Mmɔ̌ mbɔŋ mâ bɔ ndɨ màa me ghɨ a èlɨ ngaa la.”

Jɔ̌n 1:3

Mbɔ̧ɔ̧mà li ntsè ane tò ka ngɨ̀ èghɨ ègème. Àghɨa ko a mbê ntsě bɔ ghɨ̀ ka wu tòà tà li ngɨ̀ la.

Jɔ̌n 1:11

Tà kɨꞋɨ abua bòt àlaꞋ yu è wù àyea tò la, bɔ̀ ka sèè atò.

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

Kɔ̀losìà 1:16

Mbɔ̧ɔ̧mà li ntsè ane tò ka ngɨ̀ èghɨ ègème. Tà li ngɨ̀ èghɨ àa a ègwet la, nè èbe àa a sitsǎꞋ la, èbe bɔ̀ɔ ndzea la nè èbe kà bɔ wua ndzea. Tà li ngɨ̀ fɔ̀ɔ̀le fo tu a ègwet te bɔ mètàŋ nyaŋ, ngû àtsəa bòt, mbɔ̀ àtɔŋ, mè ntsìta mènəè la. Mbɔ̧ɔ̧mà li ntsè ane Yesò ngɨ̀ èghɨ ègème, èghɨ ngaa ègème e wu abua to.