Jɔ̌n 1:1 - Mundani

¹ Ngɔ̀ŋ li me bùꞋu, Èngǎ̧ wu e yaŋe wu. Èngǎ̧ mbɔŋ e li ngu bɔ̂ Mbɔ̧ɔ̧mà nɔ̂, Èngǎ̧ wu li ngu àzi Mbɔ̧ɔ̧mà.

Jɔ̌n 1:1 Referans Kwoze

Jɔ̌n 17:5

È wu ale a Tè, ghɨa àfɨ̀Ꞌ yaa è mbɔ ènɨ̧ wu a ngèt yê, è wù ènɨ̧ wu e ndi mbɔŋ ka ngɔ̀ŋ naa li ewu la.

Ètsə 19:13

Ndǐ tà li nkwaã la bɔ li ndzì a èbem àlo̧. Bɔ me tɔ èlen tò nê Èngǎ̧ Mbɔ̧ɔ̧mà.

Kɔ̀losìà 1:17

Yesò li nguê ka àghɨ àgème aa li lɔ̀Ꞌɔ ewu, è mè ngu tòà ka tàa fèta àghɨ àgème ngɨ̀à a wu adzìꞋa zi la.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Ètsə 22:13

E ngu mbì nè kwèn, àtsə nè lə, MèmbùꞋu nè Mèndìa.”

Jɔ̌n 1:2

Ngɔ̀ŋ li me bùꞋu tà wu bɔ̂ Mbɔ̧ɔ̧mà.

Ètsə 1:8

Mbɔ̧ɔ̧mà Lefɨ̀Ꞌ shu nê, “E ngu MèmbùꞋu nè Mèndìa. Wu mmɔ̌ wu màa və, e ndi ndzaŋe wu, mè ngu li ekɨꞋɨ la. Wu mmɔ̌ Àtsèàngɔ̀ŋ à.”

Filìpȩ 2:6

Tà li mbàte ngu àzi Mbɔ̧ɔ̧mà mɨ̧̂, ka tà kà ŋweele laꞋnê yea wu wuê ane akɔ̀Ꞌ wemɔ̀Ꞌ bɔ̂ Mbɔ̧ɔ̧mà.

Matìù 1:23

“Angɔ̧̀ kà ko mbâ̧ naa li kɔɔle, ebi wambâ̧, bɔɔ tsì èlen tò nê Manuà” (ngua shua nê, Mbɔ̧ɔ̧mà wu nè nà.)

Ètsə 21:6

Tà ghɨ̀ ale, mè shu abua am nê, “A mî, E ngu mbì nè kwèn, MèmbùꞋu nè Mèndìa. Maa ŋa mèleb è dzəâ a èbem adzì wu nàa ŋa mèmpème la, àku, abua waa waa àtɔŋ tò a yu̧ la.

Ebùlù 13:8

Yesò Klistò nàà kà kùbtê. Tà bele wuê àghɨa tà li ndɔ̀Ꞌ ngu la àfɨ̀Ꞌ yaa, mè ngu ewu yùà ane àlia nè àlia.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Jɔ̌n 16:28

E ndi ndzə abua Tǎt am ka nkɨ̀Ꞌɨ̂ a sitsǎꞋ, mè ngu anè ntsìꞋa sà sitsǎꞋ ewène abua tò.”

Ètsə 1:17

Mâ ye atò ale, mbê nchu mbɔ̀tè a mbì tò mbɨ̀Ꞌɨ̀ wòt tà pfə la. Ka tà nɔ̀ŋè àbualu̧ azi a ègwet laã nê, “Ka mbɔ̀â, E ngu MèmbùꞋu nè Mèndìa,

Jɔ̌n 20:28

Tɔmasì tɔ atò nê, “Lefɨ̀Ꞌ am, Mbɔ̧ɔ̧mà am!”

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 7:3

Mèkizedèk waa li tà kà bɔ a tàt, tà kà bɔ nyɨ̌, bɔ̀ ka meè nko ka wuê bètǎt nyaꞋ tò. Bɔ bakà ko àlia bɔ li mbi atò la, bɔ̀ ka ko àyea tà li mpfə la. Tàà mbɨ̀Ꞌɨ̀ Waã Mbɔ̧ɔ̧mà. Tà wu ntsìà mèpɨ̧̀ Mbɔ̧ɔ̧mà ane àlia nè àlia.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.

Efesɔ̀s 3:9

ÀfàꞋ am li mè ngu a màngɨa bòt bàgème aa ye ndɨ Mbɔ̧ɔ̧mà nàa ghɨ̌ ànəa ndò̧ àzi ya aa wu la. Mbɔ̧ɔ̧mà wu tà ghɨ àghɨ àgème la li ndò̧ ànəê yaa abua bòt tê àfɨꞋa mbì.

Ètsə 1:2

Jɔ̌n li shu bòt èngǎ̧ Mbɔ̧ɔ̧mà nè nkûŋ yu Yesò Klistò e nyɨꞋte atò la.

1 Jɔ̌n 5:7

Èghɨ aà betat àa nyɨ̀Ꞌta nkûŋ la:

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

Jɔ̌n 1:18

Wòt kǒ tà li mè yea Mbɔ̧ɔ̧mà la ntsě. Wu ndàꞋà tòà wu tà wu àzi Mbɔ̧ɔ̧mà mè ngu a ngèt Mbɔ̧ɔ̧mà la ka tà ghɨ̂ bòt e ko atò la.

Ètsə 2:8

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sìmȩnà la nê: ‘Eyaa mèngǎ̧ wòt wu tà wù MèmbùꞋu nè Mèndìa la. Wu tòà wu tà li mpfə mè njù̧ù̧me la.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Ètsə 1:11

Àtɔŋ mbɔŋ a nê, “Shɨ àghɨa à ye la a èbem àkatè, ntsàà abua bèchɔsì bu basà̧à̧mbe la. Tsàà abua wu a Efesɔ̀s la, nè Sìmȩnà, nè Pegamùm, nè Tȩ̀tilà nè Sadìs, nè Fìlàdefìà, mè nè Làoêdisìà.”

Lûk 24:53

Bɔ ghà ale me tseka nga a èbem lob nɨ̧ Mbɔ̧ɔ̧mà àfɨ̀Ꞌ àgème ngùꞋtè atò.

Jɔ̌n 8:58

Yesò shu abua yɔb nê, “Ane nkûŋ, tsiꞋ è shua wɨ̧ nê, Abàlàghâm li me laꞋ ne yea ngua, e ndzaŋe ewu.”

Kɔ̀losìà 1:15

Yesò Klistò wu bà le wua ndzèa tò la nàà mbɨ̀Ꞌɨ̀ Mbɔ̧ɔ̧mà wu bàa ka ye atò la. Tà lè wuê ka bɔɔ ghɨ̌ èghɨ ègème, tà mè ngu àtsə àghɨ àgème bɔ li ngɨ̀ la.